今朝電腦又再"慘叫"...當然是開不到啦~

這就逼使我繼續做hw..

下午..阿哥補課後帶了4個同學回來...

其實是兩個人整,另外兩個人來參觀= ="

很快便完成,因為只是主機中某一條線鬆了吧..

尋日部腦又慘叫了....開唔到= =

講番尋日丫...我第一次比人o係街度傳福音wo..

果陣我同阿哥o係新街市附近等阿ma...

之後有一男一女走埋黎....十幾廿歲左右...

女既同我阿哥講...男既同我講...

一開始...佢比左張福音單張既野我...

之後問我有冇聽過福音啦...(睇佢個樣就知係第1次傳- -")

我話有啦..之後佢問:係咪學校係基督教呀?   我:係呀~

佢:你讀邊間架..?     :迦密柏雨

  :嗯..幾好丫..我以前都係o係附近讀  救恩之麻..

 (我就指住我阿哥):佢都係呀

佢:你知唔知耶穌好愛我地..為我地釘十架...你覺得自己有冇罪呀?

:覺呀...(見到佢仲想繼續既時候..) ...既...其實我呢d野我聽過架喇..

之後佢又問CPU係咪不嬲都基督教定係點...

我:一直都係....

呢個時候..我終於忍不住笑左出黎...之後佢又笑..

then又講左一陣..又問我中幾..  升中五..

之後佢叫我參加佢果d初中團契= =" 初中...

之後又問我介唔介意話佢聽姓咩= ="

我覺得幾好笑....雖然佢地o係街傳成功既機會好微..

但佢地都冇放棄  !!  所以我覺得佢地真係一係好好既基督徒!!!