你口講原諒左我，但係我完全唔覺得我地有朋友可做，我只係覺得依家終日無所事事，打波打波，飲酒飲酒，唉∼∼好苦悶．．．冇事唔好搵你，我會有ｄ咩事會搵你，吹雞唔夠人用搵你好冇．．．今日又唔知有咩做喇，又唔想溫書，發呆．．．愈來愈覺得自己做ｄ野好無厘頭，冇計啦∼唔係既話可以點，又訓唔著，又唔想溫書．．．．．．．．．

雖然日記唔係成日都打，但係我日日都仲會祈禱。

你冇事就唔好打黎..就得啦

 早知唔同佢地玩大富翁啦，玩到我唔鬼記得左溫書，仲有十幾日就考第一科喇，呢期又凸然之間多左好多野煩，唉．．．都係係落馬洲果兩日最輕鬆，因為咩都唔洗諗，冇煩惱．．．但係一返到來就∼小∼∼∼喇叭

其實我唔係小左打日記，而係我轉左寫日記，因為有ｄ野係秘密，係唔講得，因為每個人都有佢既秘密．．．．就係咁喇．．．

完．．．

ｐ．ｓ：早兩日飲ｖｏｄｋａ，果然同啤酒好唔同，由其係ｗｉｎｇ左既時候，想嘔都嘔唔出，勁暈．．．

 ２０號去左落馬洲玩左兩日之後直踩一個ｃａｍｐ好攰，但係好玩到死，冇返過屋企，比人話當屋企係酒店，禽日洗洗下營，有人話其中一個營入面有個黑色ｂｒａ，勁爆笑囉，跟住又有底褲＝．＝全部掛哂係籃球架上面，好壯觀＾＾凌晨１點ｓｄ左個信息比曉燁同佢講生日快樂，本來都唔知點搵佢，我ｄｅｌ哂ｄ電話，我記得佢ｓｄ過信息比我，係果度搵到佢既電話，所以就搵到佢，不過我估佢一睇到我ｓｄ既信息，一定話我煩∼＾＾

發夢夢見ｈｉｕ燁，但係係一個惡夢，所以嚇醒左＝．＝跟住就打左比我既情婦＾＾同佢傾電話傾到依家，邊傾邊打日記＾＾

 分手一個月ｌｕ，心仲係咁痛，搵你就只會比你覺得我火煩你，我再講ｄ咩，做ｄ咩都冇哂意思，我只係想你唔好屈錯人，因為果個人真係無辜嫁，唔遇你想就咁就冇左個八年既朋友？好多要煩既事，都耳經慢慢解決左，電話ｄｅｌ左，電話卡ｃｕｔ左，謝師宴既事應該搞掂埋．．．依家最想做既事係做多ｄ唔同既野令到自己好唔得閒，唔去諗住佢，但係一冇野做果陣就ｐ哂ｋ，聽日考埋ｃｉｔ就完左個ｍｏｃｋ，而好多既事情都唔洗再理，１９號約你係想送個蛋糕比你，但係依家唔需要，我唔覺得之前做既野好傻，如果既為左你，我點傻都會做．．．

而我依家要做既事就係要做好自己，同埋等你既原諒．．．

ｐ．ｓ：肥魚，今次似返ｄ係打返比自己睇喇掛，原來咁打日記先至會係最舒服，唔需要就住就住，但係都怕日後打日記打得咁直會得罪左人都唔知，不過唔緊要丫，日記係打返比自己睇先至叫做真正既日記既．．．

 今日起身，諗返起既並唔係以前同佢一齊開心果陣既片後，而係諗返起２月１３號本來約左佢去睇戲但係最後都冇去，就係果陣時我地開始出現問題．．．就係咁一諗就諗左個幾鐘∼跟住諗住搵人陪我去溫地理，打左比何ｗｉｎｇ．．．佢話唔去但係就同左佢同佢家姐傾左陣電話，我覺得佢家姐講既野好中我個心諗既野．．．收左線之後打左比曉燁，但係唔通，我用左第二部電話打比佢，佢聽電話．．．佢問我係邊個，我同佢講左我係邊個之後，佢既語氣變得超快，佢話佢出緊街會收唔到，我話佢去邊，佢就講左句：『關你咩事．．．』跟住佢收唔到ｃｕｔ左線，我再打返比佢，但係佢拒接左兩次我既來電，我ｓｄ　ｓｍｓ比佢，佢話冇分鐘，冇事唔好搵我．．．我問佢１９號點，佢就問我去邊，做ｄ咩？我同返佢講上水，同埋我仲可以做ｄ咩＝．＝

最後佢都冇話去唔去，我就話當佢應承左我，佢就鬧左我一句：咪傻啦，唔好自作主張．．．我真係好想佢可以陪我∼∼曉燁，其實１９號並唔係咩野重要既日子，而果日係我最後一日考完ｍｏｃｋ，我想約你去街同埋陪我買ｄ野咁姐．．．你可唔可以唔好諗到我好似會食左你咁啦好冇，而我對住你既時候就會無法鼓起勇氣．．．我有好多野都唔知點樣同你講。

到左晚上去左和興打波，打打打打打．．．１１點幾果陣有人問左我一樣野，我又亂諗野喇∼但係我覺得自己應該唔會諗錯，所以心情立即跌到落谷底，雖然仲有幾十％會係我諗錯左，但係．．．唉∼原來你一直都係逃避緊我（呢樣野係我自己諗，唔係有人同我講既）

ｐ．ｓ：第一條問題『點解我咁想同返你一齊』第二條問題『佢有ｄ咩野係值得我去愛』．．．