１２點幾起左身，打左個電話比佢，但係唔通．．．全日就係宏屋企睇戲，睇到又著左，狗華上左來，坐落我個頭度，整ｑ醒左我，跟住一齊睇鬼王再生，７點落左去陪人食野，宏同狗華去左ｂｂｑ，我一個人買飯返左屋企食．．．食飯果陣呀ｂ攞住我部電話係咁叫：『呀父（舅父），呀父，呀父．．．』原來佢望到我電話入面張相果個我，之後呀ｂ再嗑：『姐姐，姐姐，姐姐．．．』佢指住左張相入面果個曉燁∼呀ｂ記性真係好，見過曉燁幾次就認得佢喇∼∼

ｐ．ｓ：依家好似愈來愈少人睇我日記咁既．．．不過唔緊要啦，我都會照打既．．．

愛你　我管不了是禍　未想過是為何　能愛著你苦也未去躲．．．

 今日起身，我忍唔住喇．．．打左比佢，但係打唔通，不過算打得通既話都唔知講咩好啦，唔通問佢做咩唔叫我起身咩．．．早會之後佢地排隊返班房，我照常咁望住佢，死∼比佢見到我望佢ｔｉｍ，唔知佢會點諗呢，唉∼

考第一科，又訓死左，係咁比人叫醒，數學卷好難呀．．．到考第二科數學ｍｃ，今次冇訓，係度諗：今日白色情人節，好唔好送朱古力比佢好呢，但係如果佢唔肯要咁點算好呢．．．就係咁諗左半個鐘∼

ｌｕｎｃｈ果陣去左嘉福同何ｗｉｎｇ，問佢地買唔買好．．．何ｗｉｎｇ話不如約佢去街，不過佢都應該唔會去嫁啦∼我最後都決定左買比佢，但係就叫其他人幫我送，因為我怕佢會唔要我送既朱古力，都唔知係唔係天意要我自己送，竟然係學校門口撞到佢，我跑前去叫佢．但係佢好似聽唔到我叫佢咁繼續行，我再大聲ｄ咁叫佢個名，佢企左係度，我行到埋去，佢個ｆｄ同佢講話要去搵老師，唔知係同佢講定同我講．．．我伸左ｄ朱古力出來，佢都伸左隻手出來，但係冇攞到我ｄ朱古力，我將ｄ朱古力放左係佢手上面跟住好快咁走左，因為我怕佢會唔要之後比返我．．．

考ＤＴ，好好難，難到冇時間訓教．．．考到４點見到希敏佢地，就同佢地傾左陣計，之後返左屋企，食飯，同曉燁邁左一陣電話，聽得出佢唔開心，但係佢話冇事∼１０點半落左去飲酒，飲死左，５點幾去左人屋企訓．．．

 今日聽到果個鈴聲就起左身，唔知佢依家做緊咩野呢？出左門口，上左車未呢？跟住我就去左沖涼洗面刷牙．．．出門口，好眼訓呀∼禽晚夜左訓，去到聽站聽左一個電話之後成個人醒哂＝．＝早會果陣咩都聽唔入耳，因為係度諗一陣間望上二樓果陣可以見到佢一面，到左佢地真係返班房果陣，睇到佢好似想望落來，我就立即望去第二度，因為唔想比佢見到我望住佢，怕佢會唔中意．．．

第一科考中文聆聽同綜合，訓死左∼得返最後２０分鐘先起身作果篇文＝．＝馬馬虎虎都可以話作好既．．．不過可能好低分，死硬ｌｕ．．．小息果陣岩岩撞正佢地都小息，見到佢冇著長褲周圍走，真係有ｄ唔知點既感覺，驚佢比人睇洩哂，但係都唔關我事ｌｕ，我耳經冇資格去管佢．．．我今次都係扮見唔到佢咁行左去搵winnie，點知佢出左去＝．＝１１點考第二科，呢次係英文卷，同樣訓死左，但係都有做到份卷．．．１點鐘考完，去左搵子杰同婷芬傾計，點知見到曉燁係二樓同緊一個男仔係度玩．．．唉∼心諗：咁又點姐，都唔關我事嫁啦，何況呢個先至係真正既曉燁；又諗起原來佢之前真係為左我冇同到ｄ男仔玩到咁，佢對我真係好好，ｂｕｔ係我唔識去珍惜，又諗起之前仲一齊緊果陣，有次我叫你換返６２８９果張電話卡等我打比你，但係我就冇左件事去左綀舞，到我打返比你既時候，你就同我講商ｂ打過比你喇，如果係果陣我冇去綀舞既話，咁你就唔會聽到佢電話啦．．．太遲了∼

之後係輔導室溫書，諗住溫到放學，因為想見佢一面，點知見唔到佢，咁我就走啦．唔知係唔係真係嗡有緣呢，咁都比我撞到佢，但係佢係遠處見到我既時候，就即刻另轉身，好似想行去第二度咁但係最後佢都企左係度，但係我見到佢收埋左過係家政整既蛋糕＝．＝（可能怕我會叫佢請我食）其實你係想避開我，定係唔想見到我．．．我扮到若無其事咁係佢身邊行過，行到學校門口，我另轉身行去佢度，問佢１９號得唔得閒陪我去上水買野，於事佢答唔知，跟住我就轉身走人，同佢講左一聲ｂｙｅｂｙｅ，但係佢好似唔多想應我咁．．．

返左和興搵肥仔，跟住打波，打到８點半返左ｈｏｍｅ換衫，之後再落去打過．．．打到差ｄ打交咁濟，１０點幾去左搵李瑪，然後上左宏屋企食飯，同埋睇狗華打機，１點幾返屋企，沖涼，打日記．．．開始有ｄ眼訓，呢排好熱氣，唔知係唔係夜訓，定係食得煙多．．．完∼

ｐ．ｓ：原來有好多歌都係唱出我既心聲，講留意歌詞『分開了但始終都掛心　來日我聽到問到妳的新聞　都會吸引．．．』

 今日唔洗返早，所以鬧鐘１２點響，用左２０分鐘去掛住佢．．．掛掛下係度諗點解每次起身都會咁掛住佢嫁呢？唔通個鬧鐘鈴聲係用佢既錄音？？不過就算係都唔緊要啦，因為我好中意掛住佢既感覺，白痴仔＾＾

返到學校，中文口試．．．一輪唇槍舌劍之後好攰∼行左去ｗｉｎｎｉｅ房果邊，諗住搵佢傾計，就係呢個時候．．．望到佢係班房行左出來，好似諗住去校務處咁，我立即用９秒９既速度ｆｌｙ過去果條樓梯，就係諗住見佢一面，扮哂若無其事咁扮咁岩見到（好似好耐之前陽光檸檬荼廣告），問佢去邊，佢邊行邊講話去攞返粒糖，全程都唔知有冇１０秒，跟住隻腳好痛，傷左仲跑咁快，都唔知為咩．．．唉∼好唔開心咁行返去ｗｉｎｎｉｅ房，開我而特登行到另一邊樓梯＝．＝今次真係咁岩撞到佢，心諗：佢唔係為左避行另一條樓梯呀．．．仲灰∼好彩既係佢行左去ｗ．ｃ，就當佢係因為想去ｗ．ｃ所以先到行果邊吧．．．不過就算我地今次真係撞到都冇用啦，因為我地有緣無份．．．我想比個心心佢，但係佢話唔要，我想追上去，佢跑走．．．我腳痛，要跑上樓梯跟本冇可能，就係咁睇住佢既身影離我愈來愈遠，唉∼好無奈．．．

去左搵呀傑傾計，教左兩個實習社工摺心心，跟住傾左一陣計，比呀ｓａｍ捉左去整會考功課＞＜

唉．．．打到呢度冇心機再打落去喇∼

ｐ．ｓ：岩岩沖涼果陣係度諗，如果時間可以倒流，我想倒返去係學校門口問你攞電話果日，因為再有機會既話我一定會把握松會好好咁去珍惜你，但係∼∼∼∼∼∼∼

 唔知係唔係禽晚好晚訓，所以起身好辛苦．．．睇下部電話，佢今日又冇叫我起身ｌｕ∼唉．．．我還可以點做呢？返到ｋｓ，諗住搵佢攞計數機，點知見佢唔到．．．到早會果陣隻腳開始痛，排隊入禮堂果陣見到佢，但係唔知佢見唔脫到我呢？？

入到禮堂，第一科，英文閱讀卷，做下訓下咁．．．好眼訓呀∼小息食左ｄ野，跟住就到第二科喇，第二科係英文作文卷，一開考５　ｍｉｎ後就訓死左，比人叫返醒，再訓．．．到第二個叫，再訓．．．今次又到第三個叫，呢三個ｍｉｓｓ輪流咁叫我起身做卷，差ｄ激到佢地教埋我做咁濟＾＾好攪笑。ｌｕｎｃｈ，去左食德搵浩賢佢地陪我等呀文，點知走果陣見到曉燁同佢個ｆｄ買完痴飯岩岩走，唔知佢係見我唔到定係扮見唔到我呢？我怕知道左個事實會好ｈｕｒｔ．．．唉∼

放學去左同人飲酒，點知比差人逗，冇哂ｄ酒＝．＝跟住再去買過＾＾同ｄ　ｆｄ吹水講返岩岩比差人逗ｄ野，點知傾傾下又有兩條友行左埋來．．．唉∼今次比人問跟邊度．．．無間道咩∼又黑又白咁．．．．．

去左和興打波，隻腳好返好多ｌｕ．．．１１點幾之後既事係秘密，只係講得隻腳又比人整傷左．．．