呢排真係過得好充實,上完夏令班之後就忙過不停,
去完上海返黎第2日就返左大陸,
返完大陸跟住就去香港,
去左3日香港,本身諗住留10幾日,
跟住第2日晚就比個仆街叫左我返黎=  =
3日真係唔夠,我決定25再去@@
尋日返左黎澳門,跟住我阿媽就話買新機,
我真係覺得好驚訝.
今朝一起身,就開電腦睇下部新電腦d零件,
發覺部新電腦都唔錯,
新電腦要3~4日先到,真係好痛苦,
又要呆等4日,係香港真係好過係澳門呀,
跟住同成仔傾msn傾左幾個鐘,
發覺今日時間過得特別快.

今日9點起,起身又要做手部運動啦@@  不停地nds加電腦.
11點,我就好唔願咁去煮左個中午食,我發覺我原來真係好懶嫁 a_a
1點半去返學,數學堂,不停咁係到諗幾時先放學
                       物理堂,好認真咁係到聽佢講書,但係都係不停咁係到諗幾時先放學
                       英文堂,比人叫左起身讀句字,跟住個腦都係不停咁諗住幾時先放學嫁@@
終於都放學啦!!好似有一種解放左ge感覺,但係又唔知有咩做,
跟住同肥隆佢地去左白鴿巢m記食野,食完野係到睇人溜冰,
睇到6點幾先走,番到屋企之後,我就覺得咁就過左1日,
先發覺我ge人生日日都係咁無聊,
開著個msn,成日都冇人搵我,真正係掛機,
都已經不停咁日日係到打機,但係都覺得好鬼悶,
唔通我真係毒到冇朋友,真係無人搵我出街=  =

 係時候又要打blog啦,計落上一篇都成半年前 a_a
今朝一起身就NDS,電腦不斷交替,
我睇會直到今晚9:30 哈利波特開始先會停,
真係日日係屋企打機都打到癲.
咁又簡單過左一日,冇咩特別事發生.

今日8點起左身  跟住就係到玩nds
過左一陣  我就為左戈4篇英文閱讀報告煩惱

跟住就開機 打英文報紙  成篇拎去翻譯 

原本諗住一次過做晒d英文佢  點知打完第一篇之後  又比nds吸引左去打機
到左2點幾  表哥黎左我屋企  

跟住我就番入房苦思聽日ge代數大測  
張工作紙實在太難啦=  = 

所以過左一陣  走左去上網睇野

睇到6點幾   跟住打blog  

----------跟住又係預知未來ge時間,現在ge時間係6:16pm----------

我6點幾,,即係一陣間  我會去沖涼

沖完涼就會去做英文,,,今次係認真,,,,一定唔會去打機

跟住會做書法同温數
10點幾熄機...訓教去~