今晚，係學校ge畢業聚餐，
唔知點解，成晚都無咩心情，
其他人都好開心，
但係唔知點解，我開心唔出囉，
個心入面覺得好孤單。
我發覺，無論去親邊度，
我都好似係可有可無咁，
只要係唔再一齊ge時候，
d人就好似唔記得左我咁，
我有諗過，其實係咪因為我成日乜都收收埋埋，
唔同人講，今到人地對我無乜印象，
所以當唔再一齊ge時候，d人就會忘記我呢??
可能係掛，的確，我又真係好少會同人講自己d野ge......
食完飯，d人話去唱k，
其實我都想去唱，
只不過一黎無錢，二黎就係無心情，
最後都係無去，
或者好似佢地講咁啦，
今次可能係最後一次，無下次，
係咁又點姐，我地都無可能成班去晒，
無得出夜街戈d唔講，依然係會有d人唔去，
每年都係咁，個班梗分開一批批人，
次次搞親活動，都梗有一兩批人唔去，
唔係一兩個，係一兩批呀，
唔明點解囉，大家都係同學姐，駛唔駛咁呀??
一齊出去玩下駛死咩，話就係話唔熟，
平時係課室就話無野傾姐，
搞班活動又唔去，點熟呀??
要熟都要有過程架，就好似煮野食咁，
你都無可能話一放野落去就熟啦，
都要俾d時間掛，但係試問你地又有無俾時間去熟呢??
六年啦，六年ge中學生涯就要結束啦，
人地話中學係好開心架，只可惜我唔係，
每年見住人地班玩得開開心心，
我都好想我戈班係咁，但係天不從人願，
由我到中學以黎，每年戈班都係成盤散沙咁，
見到人地班咁團結，我好羨慕，
我好想我都係讀戈班，只可惜我無得簡......
唉......講多無謂，
見多兩次面就各散東西，
再講都無用，
正所謂：一切一切，已然消逝，既已消逝，何必再提......
| 
