這個是2011~2012年Kill標既第八次。上次行過橫七古道出南涌，可惜係到南涌既時候，因為時間既關係，最終都冇爆上去Kill果度果

幾支三角網測站同導線控制點，見今日下午去北區粉嶺圍一帶玩定向，於是就諗住去行多次。今次揀既係南涌郊遊徑。南涌郊遊徑係

由丹竹坑去到南涌既，途經龜頭嶺、老龍田村同屏南石澗。呢段路初段較密，雖然係郊遊徑，但係似乎比較少人行，我地一路行到一

半左右去到龜頭嶺附近先見到有人。龜頭嶺呢名好有趣，係香港好多地名都係因外型相似而作命名，而呢坐山既山名呢，係搵過好多

資料之後，發現冇乜正統官方既解釋名字由來，而有人曾經估計，係屏風山同龜頭嶺之間既低坳位，瀉水西南而名為拋珠坑；坳北近

龜頭嶺半腰處，有山徑曲落，延伸下接山麓之龜頭嶺村。而山下路口有墓，穴稱「金龜出水」，而龜頭嶺村同佢後面既既龜頭嶺山位

置正處於墓穴口既對上既第一個山頭，所以稱之為龜頭嶺，不過呢個講法唔知可唔可信呢??係龜頭嶺一帶，d花花草草都比較密，但係

行緊既時候，就好似置身係花海入面既感覺，認真舒服。不過，要注意同小心一種通山都係，帶有黃橙色小花既草，原因係呢種係呢

一帶山頭比較多既正正就係香港四大毒草之一既斷腸草，斷腸草係中國既中藥入面，所指既品種超過30種，但係通常指既係鉤吻，而

鉤吻亦都係香港四大毒草之一既斷腸草係香港通常所表示既植物。所以係行入去呢d密既草叢既時候，要小心。仲有就係，鉤吻既花同

五花茶用既金銀花好似樣，香港就曾經有人誤將鉤吻當金銀花咁採番屋企整五花茶飲而中毒身亡，所以一定要小心，千祈唔好亂採植

物番屋企。根據本草鋼目記載，鉤吻全株具劇毒，所以真係要非常小心，據傳說，當年神農示嘗百草，最後一種試既就係鉤吻呢.....

路線簡介：

由西灣亭出發，經小路前往吹筒坳，之後轉上麥徑二段經西灣山觀景台上西灣山頂既亭，再轉落浪茄灣大休。之後續走麥徑一段出東

壩再經萬宜路出北潭涌完結。

名稱簡介：

南涌龜投丹竹坑

南涌=南涌
龜投=龜頭嶺
丹竹坑=丹竹坑

Kill標數目：

三角網測站：0個

導線控制點：2個

總數：2個

導線控制點#8046.003：沙頭角鹿頸路近海背嶺山路口
入手方式：鹿頸路-->導線控制點#8046.003
時間：0分鐘
類形：Picket Box
高度：4.1m

導線控制點#8046.005：沙頭角鹿頸路近鹽灶下村路口
入手方式：鹿頸路-->導線控制點#8046.005
時間：0分鐘
類形：Picket Box
高度：4.1m

詳細路線介紹