這個是2010~2011年Kill標既第十五次。呢次Kill既將軍澳既標，今次仲成功挑戰左一條遠足徑--將軍澳徑。呢次可能係今個行山年度最

後一次行山。大約2年前睇過一單新聞，講話有d行山人仕因為覺得上鷓鴣山既泥路非常斜同難行，所以自己私自起左一條樓梯，話希

望令到行呢座山安全d同易行d喎。對於呢一單野，我覺得好有問題，而且佢地既諗法好自私，對我黎講，我一向都覺得，要真正享受

一樣野，保留原貌係最好既方法，而對一座難上既山，你上左去睇到靚既風景，又或者乜都睇唔到，都冇特別既問題，個point係，你

成功上到既滿足感一定會大過行樓梯上。對於一座山係難上定易上 / 安全定唔安全，係由上既人自己判斷，亦都應該係由上既人自己負

責自己既安全。呢樣就同之前提過既地質公園一樣，你整方便左d交通，就已經係對地質公園最大既破壞啦。所有自然景觀，唔付出你

唔會睇到大自然最靚既一面。佢地最自私既係講「我們都知做甚麼都有人不滿意，樓梯乃我們自己做，你不喜歡行樓梯，可行旁邊的

草坪。」呢句本身已經顯得佢地好自私，扮到好似幫左人咁，下次我突然間覺得經過你屋企門口好唔方便，係你屋企門口掘一個大

洞，然後同你講「我們都知做甚麼都有人不滿意，個洞乃我自己做，你不喜歡跨過個洞，可以由窗爬入屋架。」呢句。咁點丫，一樣

道理之麻。所以本身我覺得佢地呢班人跟本就係好自私，完全唔理其他人點諗，下次你行山突然跌低左，又駛唔駛話難行要整平d路

呀。佢地認真係滿口歪理當道理，係難行既，就操下自既既技術先講野啦。今日親身去行過同睇過之後，只係覺得，壁屋凹上山果段

係真係難行既，又跣又斜，但係一上到山頂，落邵氏影城果邊(即係俾人整左樓梯果邊)，突然間易行左超多，條路又闊，感覺真係唔係

幾好，冇哂滿足既感覺。仲要係山頂支標，充滿左到此一遊既字句(通常都係一d好易上到既山頂既標先會有既)。唉，希望佢地遲d唔會

將上山果條路都鋪埋樓梯啦，咁可能仲可以保護到鷓鴣山其中一段上山既挑戰同好玩既感覺。

路線簡介：

由壁屋出發，沿碧翠路上到壁屋凹，轉入壁屋墓地轉上鷓鴣山(這一段又跣又斜，仲有好多蜘蛛網，小心!!)，Kill標後轉落邵氏影城再沿

將軍澳徑登玉女峰及鴨仔山，之後轉落坑口村完結。

名稱簡介：

將軍仔女養鷓鴣

將軍=將運澳
仔=鴨仔山
女=玉女峰
鷓鴣=鷓鴣山

Kill標數目：

三角網測站：1個

導線控制點：2個

總數：3個

三角網測站#662：西貢壁屋凹鷓鴣山山頂
入手方式：壁屋村-->壁屋凹-->壁屋墓地-->鷓鴣山山頂-->三角網測站#662
時間：45分鐘
類形：Beacon A
高度：433.1m

導線控制點#5047.013：西貢將軍澳魷魚灣將軍澳徑玉女峰頂
入手方式：清水灣道-->將軍澳徑-->玉女山頂-->導線控制點#5047.013
時間：15分鐘
類形：Picket Box
高度：199.9m

導線控制點#4008.06：西貢將軍澳魷魚灣將軍澳徑鴨仔山山頂觀景台旁
入手方式：清水灣道-->將軍澳徑-->鴨仔山山頂-->導線控制點#4008.06
時間：15分鐘
類形：Beacon A
高度：152.6m

詳細路線介紹