這個是2011~2012年Kill標既第六次。今次行既係衛奕信徑第三段。呢段有趣既地方係，佢係四大行山徑，總共40段既路線入面，唯一

一段係全段都係非郊野公園範圍既。呢段路接第二段，由藍田港鐵站出發去到井欄樹村，不過，自從起左將軍澳線多左油塘站之後，

通常都會改係油塘站出發，包括一年一度既雷利衛徑長征都會改係油塘站繼續。今次行既呢段，係大約一年前曾經想再行過但係因為

太曬既關係而只係上左魔鬼山就走人，今次就行哂成程。今日正正就係衛徑長征既第二日比賽，不過，呢段係頭幾段，所以正常係唔

會有人仲係呢邊行緊既，不過，自從上年開始加左一項叫「旋風156」既組別(即係玩來回)之後，呢個時間應該就會係佢地回程既時

間。果然，係我地上完五桂山落番馬遊塘，再上緊去大上托既叉口既時候，就見到一隊人行緊番黎，我真係覺得佢地好勁，一來一回

番到去果個位，差唔多一百三十幾KM，而計番時間，佢地只係行左大約29個鐘頭左右，體能方面真係好勁，我都好想有機會試下，但

係我相信我只係行到去南涌，就唔會再有番轉頭既能力......不過，講開又講，對於呢段衛徑黎講，可以話印象深刻，記得第一次行既時

候，係第一次真正去行山之後既第二個星期，對上一個星期第一次行衛徑一二段攪到對腳痛左一個星期之後，行呢段果陣都有d驚驚地

咁，再之後見到一開始又係一條好甘既車路(將軍澳華人永遠墳場通道)，真係有少少驚。不過，之後行完成段去到井欄樹果一刻，果種

滿足感真係非常大，令我充滿再繼續行既想法，依家諗番轉頭，果次行山可能係其中一個令我愛上左山野運動既原因。另外，有樣野

值得提既係，衛徑既標距柱真係好奇怪，除左最後唔見左幾十支，仲有就係W025同W018都係唔見左既......

路線簡介：

由油塘港鐵站出發，出高超道轉上將軍澳華人永遠墳場通道，上到分叉口轉上魔鬼山腰，繞過魔鬼山落澳景路上五桂山落馬遊塘村。

之後橫過寶琳路沿翠林路再轉上往大上托分叉口的路，再沿路穿過澳頭、心朗村同小夏威夷徑入口出到井欄樹完結。

名稱簡介：

油塘至井欄樹村

油塘=油塘
井欄樹村=西貢井欄樹村

Kill標數目：

三角網測站：1個

導線控制點：0個

總數：1個

三角網測站#72：藍田五桂山山頂
入手方式1：藍田公園-->藍田公園後山晨運徑-->衛奕信徑第三段-->三角網測站#72
入手方式2：調景嶺港鐵站-->澳景路-->衛奕信徑第三段-->三角網測站#72
時間：35分鐘
類形：Beacon A
高度：282.85m

詳細路線介紹