這個是2010暑期Kill標既第六次。以前曾經多次踏足馬灣島，見過唔少既標，但係今次算係第一次正式係馬灣島

度Kill標，前幾日Plan路線既時候，發現小小既馬灣島，竟然有8支標咁多，不過，可惜既係，8支入面只有2支係

仍然有使用既，其他6支已經被廢棄。不過，我地仍然決定要Kill哂8支標，可惜，再一次因為天氣炎熱關係，最後只

Kill得5支標，仲要係2支仍有使用既標之中只Kill得一支，去另一支果條路居然起左一d豪宅而封Q左條路，可惜可惜。

不過，睇到越黎越多既高樓同豪宅，令我明白到，點解馬灣島原居民(馬灣村、漁民村同田尞村)d居民會越黎越排外。

順帶一提，我地係漁民村碼頭果邊發現d村民係到曬蝦膏，呢種係香港已經係好少見。另外，係碼頭附近，見到一個家

庭，其中有個細路問佢果個好似識好多野既老豆，係碼頭對出汲水門海峽上面果條橋叫咩名，個老豆講左4個名，青馬大

橋-->馬灣大橋-->青嶼大橋-->汀九大橋，都冇個係o岩既，佢最後仲要用好肯定既語氣咁話，「一定係汀九大橋啦，因為對面

果邊係汀九」，即刻令我O哂咀，之後真係好想笑出黎，我心諗，你改名真係一絕，除左第一個，其他都唔存在係香港

既，仲要越改越離譜，真係佩服，點解依家d人可以咁冇知識架.... 

路線簡介：

由馬灣珀麗灣碼頭出發，經過馬灣東灣泳灘、馬灣公園及挪亞方舟入口之後，轉上珀欣路穿過青嶼幹線底進入馬灣

南部的原居民墳區，之後沿小路經大排咀碼頭轉上大嶺頭山頂，之後轉落回馬灣消防局之後經馬灣村及馬灣鄉事會

路進入馬灣西部既漁民村，入到馬灣大街之後，轉落去漁民村碼頭，再經救世軍馬灣青年營旁既路出田尞村，之後

經水庫旁既坑渠上北灣頂，Kill標之後沿車路走回長咀出珀麗灣碼頭完結。同日下午在九龍灣Kill多一支廢棄了

的Picket Box型標。

Kill標數目：

三角網測站：1個

導線控制點：0個

廢棄測量柱：5個

總數：6個

廢棄測量柱：馬灣大嶺頭山頂

廢棄測量柱：馬灣漁民村舊埗

三角網測站#435：馬灣北灣頂配水庫側
高度：51.0m

廢棄測量柱：馬灣長咀珀麗灣碼頭對開海面

廢棄測量柱：馬灣白泥山及東灣對開海面

廢棄測量柱#5005.024：九龍灣宏光道與啟祥道交界東北面安全島
高度：0.1m
備注：2010年6月25日確認損毀，此導線控制點已取消
 

詳細路線介紹