這個是2010 ~ 2011 第二次的行山活動，今次行既係屯門區。自從今年1月行過青山，最後因為時間預算

錯誤而最終冇深入到既青山腹地，一直都想再入去，不過之後唔係太熱唔適合行，就係落雨而行唔到。到

今個星期，見涼番少少，就即刻諗住Plan去行果邊，可惜，到左果日都係好熱，加上之前果日跑完定向，所

以唔想行咁長，最後決定行青山腹地邊既軍路落白泥睇日落。其實成條軍路都望到青山同青山腹地，算係望

梅止渴啦!! BTW，有3樣野令我有意外驚喜，亦令我覺得今次行山都算幾好玩。第一，我估唔到條軍路其中會

有一段同月牙谷差唔多既窄路，果度認真係幾驚險好玩。第二，計上次係華山遇到解放軍駐港部隊操練後，今

次係青山遇到第二次，今次見到既係攻山體能訓練，見到有其他行友好驚咁要跟住我(見我有經驗又唔係好

驚)，要跟我地落山，果種自豪感真係唔錯。第三，落到白泥成個天灰色既，乜Q日落都睇唔到，仲有小巴又N

咁耐一班同埋失驚無神整架24坐位既，真係「驚喜」，最火既係，我等左好耐先有車，但係我上左車出緊去既

途中，見到超過6架車入緊去，吹漲。不過，話時話，原來白泥坐小巴出番元朗係咁遠既，足足坐左半粒鐘，$9.2

既車費又算合理......

PS 標題既落日=落左都睇唔到既日

路線簡介：

由良景輕鐵站出發，穿過良景村進入青山操炮區，經過良田坳後進入軍路，再沿軍路落下白泥村完結。

Kill標數目：

三角網測站：0個

導線控制點：0個

總數：0個

詳細路線介紹