這個是2010~2011年Kill標既第十二次。呢次係今年第一次行大嶼山，行既係幾年前係鳳凰盃比賽行過既其中一段路，由羌山道行去大澳，原

本既Planning係上埋牙鷹山，之後沿東澳古道行番出東涌，可惜，我地偉大既天文台又再次Fake人。今日明明話好好天既，點知一去到羌山道

巴士站落左車之後，開始行上山時，就發現中伏了，越黎越大霧。上到觀音山(又名膝頭哥山)腰，大約只有4XX米，已經大霧度遠少少都睇唔到，其

實，係呢個位應該係會望到遠遠既羌山，仲有機會見到大澳既景色，可惜因為大霧，所 以乜Q都睇唔到。不過好彩，係霧中都望到觀音山頂有支

標，於是就上左頂到Kill標，呢支標因為係Plan既時候冇留意到，所以Kill到都真係幾好彩。之後就落番鳳凰徑繼續行。去到羌山頂，仲係非常大

霧，又由於上牙鷹山一段既路較密，於是決定取道萬丈布龍仔悟園直落大澳，再附加大澳島一遊。為左快快落到大澳，我地冇跟足鳳凰徑，而係

飛左靈會山果段，走近路飛左8塊標距柱，之後就落左龍仔悟園。呢條路中間有一段仔受泥石流影響，行過都要好小心。係龍仔悟園口，第一次見

到有個路口可以走入去欣賞一下，於是就走左入去，其實入面既景色真係唔錯，確係一個靜修既好地方。落到去大澳後，真係好想粗口，因為同每次

因天氣問題而改路線一樣，當決定左改路線之後，就會發覺原本既天氣，會發生180度轉變，變成非常適合行果段路線，所以，真係有d唔份氣既感覺。

Anyway，落到大澳食左大澳既其中2樣正野(茶粿同大澳炒飯)，再加埋大澳島西面龍山觀景台一帶既靚景，算係補番數啦。

路線簡介：

由羌山道深屈道口出發，沿鳳凰徑第5段走上觀音山腰，再上觀音山頂Kill標，之後續走鳳凰徑上羌山，再由L041標距柱走快路過L049再落龍仔悟園，係

龍仔悟園遊覧一會後，續走到大澳梁屋村(提示：見亭之後既路段非常斜)，出大澳巴士站。之後過橫水渡橋前經舊消防局往石仔埗碼頭。再經少林武術研

究文化中心旁山路上虎山觀景台，Kill標後續走環島小徑落狗伸地出寶珠潭公園，再穿過大澳村回巴士總站完結。

名稱簡介：

羌山龍虎拜觀音

羌山=羌山
龍=龍仔悟園
虎=虎山
觀音=觀音山

Kill標數目：

三角網測站：2個

導線控制點：1個

總數：3個

導線控制點#1114.03：大嶼山石壁觀音山山頂
入手方式：羌山道-->鳳凰徑第五段-->觀音山腰-->觀音山小徑-->導線控制點#1114.03
時間：30分鐘
類形：Beacon A
高度：434m

三角網測站#223：大嶼山石壁羌山山頂
入手方式：羌山道-->鳳凰徑第五段-->三角網測站#223
時間：45分鐘
類形：Beacon A
高度：460.2m

三角網測站#86：大嶼山大澳島石仔埗虎山山頂
入手方式：大澳巴士總站-->橫水渡橋-->大澳郵政局-->少林武術文化中心-->環島小徑-->三角網測站#86
時間：25分鐘
類形：Beacon A
高度：77.35m

詳細路線介紹1

詳細路線介紹2