這個是2011~2012年Kill標既第五次。今次係今年第一次踏入西貢區行山Kill標，再一次進入HM20C既8號圖範圍。記得係好耐好耐之
前曾經行過一次麥徑既第一段到第二段一半，即係由北潭涌行到去西灣亭，途經萬宜水庫東壩同浪茄灣，之後再上西灣山落西灣亭。
對果次既印象就係，萬宜路成段又長又曬又悶，仲有就係上西灣山果段路，超斜同超曬。所以，係上次行完之後，一直冇乜意欲再行
呢段。雖然係東壩望出去既西貢海同破邊洲一帶既景色超靚，但係每次一諗起果段長達10 KM既萬宜路，就即刻將行既意欲急速降低。
不過，係近期內，政府將東壩劃為香港地質公園，仲將佢當成遊客景點咁黎推介，所以多左好多人專登搭的士入黎，就連東壩果亭果
度都出現左一d係香港郊區好少見既現象，就係一排既的士係到等客，連call的士都冇需要。但係，我個人覺得呢件事，雖然令到多左
好多人去欣賞咁靚既景色，係一件好事，不過係另一方面，又多左好多平時多數係冷氣商場行街既人，專登入黎「到此一遊」，表現
自己好勁咁去過呢d地方行個圈。呢d人完全唔識得欣賞大自然既美景，佢地入去呢d咁靚景色既地方望幾望，嘩幾聲，之後寫句XXX到
此一遊之後就走人，跟住番到去同人Show Off話自己點勁點勁，去過好多地方啦咁樣。再加上佢地好多都唔明白保護呢d天然景觀既重
要性，見到靚靚既石頭，就刻字留名甚至帶走。此舉絕對係破壞左成個自然景觀。係政府宣傳地質公園之前，最起碼係有好多呢種人
跟本唔知道有呢d地方既存左，所以就好少呢種人入去破壞，但係政府一宣傳地質公園，就令到呢d咁既自然景觀多左好多人知道，結
果就係多左好多破壞者既出現，令到保育更加困難。所以結論係，我覺得唔設立地質公園就係對地質公園最好既保護方法。今次之所
以會諗住再行呢邊，係因為想係呢度被嚴重破壞之前，再一次欣賞呢度既美景，唔希望好似西灣工地咁，再冇機會見能靚靚既雙鹿石
澗口了。不過唔想係最曬既時候行西灣山同萬宜路，所以今次選擇反方向行呢條路。
路線簡介：
由西灣亭出發，經小路前往吹筒坳，之後轉上麥徑二段經西灣山觀景台上西灣山頂既亭，再轉落浪茄灣大休。之後續走麥徑一段出東
壩再經萬宜路出北潭涌完結。
名稱簡介：
西灣浪茄出東壩
西灣=西灣亭、西灣山
浪茄=浪茄灣
東壩=萬宜水庫東壩
Kill標數目：
三角網測站：2個
導線控制點：2個
總數：4個
三角網測站#637：西貢西灣山山頂
入手方式：西灣亭-->小徑-->吹筒坳-->麥徑第二段-->西灣山觀景台-->三角網測站#637
時間：45分鐘
類形：Beacon A
高度：315.1m
三角網測站#654：西貢糧船灣洲萬宜路近萬宜水塘東壩水庫對上山坡上
入手方式：萬宜水塘東壩水庫-->小山徑-->三角網測站#654
時間：10分鐘
類形：Beacon A
高度：103.8m
導線控制點#5061.001：西貢北潭涌麥里浩徑起點對面往西貢方向行人路上
入手方式：大網仔路-->導線控制點#5061.001
時間：0分鐘
類形：Picket Box
高度：0.5m
導線控制點#5061.002：西貢北潭涌大網仔路往西貢方向近上窰巴士站行人路上
入手方式：大網仔路-->導線控制點#5061.002
時間：0分鐘
類形：Picket Box
高度：0.5m
詳細路線介紹
|
