這個是2011~2012年Kill標既第二次。今次行既係以衛奕信徑既第十段為主，亦即係衛奕信徑既最後一段。呢段路主要係穿過八仙嶺山

脈北面既一堆古老廢村去到衛奕信徑既終點南涌。主要既廢村包括橫山腳上下村、七木橋上下村以及橋山村。而通過呢幾條村連接大

埔同南涌既古道--橫七古道就係用橫山腳同七木橋兩個名合成出黎既。呢段路，除左開始既一段比較悶熱，之後大部分都係林蔭下穿過

去，可以話係非常舒服。不過，係經過果幾條廢村既時候，總係覺得有dd陰深恐怖既感覺。我地今次得2個人行，當見到係樹林入面，

有好多廢屋日久失修而剩下既頹垣敗瓦，頓時有一種心寒既感覺。再加上呢d位置接近北區既邊境禁區，應該都會有d I.I.視呢度為藏身

之所，所以都有急急腳離開既感覺。呢條路，今次係第二次行，對上一次就係好耐之前，第一次開始挑戰四大行山徑既時候。不過，

果次行對呢段路既印像唔深刻，原因係果次我係連第九段一次過行，即係行呢段既時候，已經上完八仙嶺再落番黎，係果種精力之

下，只係想快d行到去終點，所以對呢段冇乜印像。今次行先發覺，其實呢段真係幾舒服既。仲有一樣不得不提既係，當時整衛奕信徑

既時候，曾經專為呢條徑修建左6條係山入面既橋，其中有3條就係最後呢段，分別係橫山腳南橋、橫山腳北橋同埋橋山橋。

衛奕信徑有一樣野比較古怪，跟據漁農處既資料，成條衛奕信徑總長78公里(不計第二段太古去藍田既港鐵路段)，按照500米一塊標距

柱既準測，應有78*2=156支標距柱，但係事實係，衛奕信徑既終點位置，只係位於W137標距之後大約200米，咁仲有19支標距柱，

即係差唔多10公里既距離去左邊度呢??

係衛奕信徑既終點，係可以直接坐小巴番粉嶺，不過，小巴每30分鐘由鹿頸開出既時候，通常都滿座，所以通常行埋去鹿頸先走會好

好多。值得一提既係，我今次意外地發現，成條新娘潭路去到鹿頸中途既十幾支導線控制點居然全部都係Beacon B而唔係Picket Box

或者USM。今次就係意外之下Kill左一支，下次有時間可以Kill哂成條路咁多支。

路線簡介：

由大尾篤出發，經春風亭沿八仙嶺郊遊徑接回衛徑由仙姑峰落黎既路，再續走衛徑10段經橫七古道穿過古村出南涌尤德亭，之後經衛

徑終點出南涌再過鹿頸完結。

名稱簡介：

橫七古道遊古村

古村=橫山腳上下村、七木橋上下村 、橋山村

Kill標數目：

三角網測站：0個

導線控制點：1個

總數：1個

導線控制點#8099.083：北區新娘潭路近鹿頸往雞谷樹下路口告示牌下
入手方式：鹿頸小巴站-->新娘潭路-->雞谷樹下路口-->導線控制點#8099.083
時間：5分鐘
類形：Beacon B
高度：4.1m

詳細路線介紹