這個是2011~2012年Kill標既第九次。上次去完大嶼山既昂平，今次就入去西貢既昂平行下，順便上埋四邊都好圓，但係一d都唔易行

既大金鐘。記得係好耐之前，跟過一次一個好有經驗既攀岩教練，由吊手岩上馬鞍山，之後上大金鐘經女婆山落番去沙田醫院，果日

足足行左成10個鐘有多，其中吊手岩上馬鞍山同埋水牛山/黃牛山落女婆山果段路，真係一步一驚心。不過果次之後，印象中再冇行過

西貢昂平一帶既地方，於是今日有時間，就上去呢邊玩下，不過唔想玩咁激既，於是就決定跟麥徑行，不過上埋去大金鐘Kill標，而馬

鞍山吊手岩牛押山就留番下次先行。其實，呢條路所經過既地方既景色，算係一流，尤其係大金鐘頂同埋昂平一帶，景觀真係超級既

享受，再加埋附近有d牛群好休閒咁係度食草曬太陽，果種感覺真係唔錯。昂平高原同時亦都係呢一帶比較出名玩滑翔機同滑翔翼既地

方，原因係呢一帶一向都係好大風既。今日去到，咁岩佢地好似有比賽玩緊咁，見到呢種係香港少見既2種玩意，真係幾特別。講開又

講，大金鐘之所以叫呢個名，主要係佢既外形，好似成坐佛堂既金鐘咁，四面都係圓既，連係地圖睇到既等高線都係一個個接近正圓

形既，真係好靚，遠睇佢就好似一個圓圓既小山丘咁，加上後面既馬鞍山吊手岩牛押山襯托，真係唔錯架。不過，上大金鐘既路一尐

都唔易行，都算係幾斜既，不過上到去望到個咁靚既西貢海，就乜都值得啦。今日，一開始係水浪窩上去之後，係山火暸望台果度，

一次過Kill左2支三角網測站，係少見地可以係一張相既距離入面影到多過1支三角網測站，值得紀念呢次一Kill兩得。呢段麥徑既起點

寫既係企嶺下，之不過果個地方係地圖上寫既係水浪窩，而企嶺下就係再上d既地方，認真有d奇怪。

路線簡介：

由西沙路水浪窩出發，經山火暸望台轉上馬鞍山坳，之後轉上大金鐘落昂平高原，經過幾過差口落到茅坪穿過茅坪古村落富安花園完

結。

名稱簡介：

昂平高原響金鐘

昂平高原=西貢昂平高原
金鐘=大金鐘

Kill標數目：

三角網測站：3個

導線控制點：3個

總數：6個

導線控制點#5083.007：西貢西沙路水浪窩近榕樹澳路口
入手方式：西沙路-->導線控制點#5083.006
時間：0分鐘
類形：Picket Box
高度：4.1m

導線控制點#5083.006：西貢西沙路水浪窩近麥徑三段路口對面護土牆上
入手方式：西沙路-->導線控制點#5083.007
時間：0分鐘
類形：Picket Box
高度：4.1m

三角網測站#621：西貢十四鄉黃竹洋路牛寮山火暸望台旁
入手方式：西沙路-->麥徑第四段-->黃竹洋路-->牛寮山火暸望台-->三角網測站#621
時間：35分鐘
類形：Beacon A
高度：285.0m

三角網測站#621.1：西貢十四鄉黃竹洋路牛寮山火暸望台屋頂
入手方式：西沙路-->麥徑第四段-->黃竹洋路-->牛寮山火暸望台-->三角網測站#621.1
時間：35分鐘
類形：Beacon A
高度：289.8m

三角網測站#652：西貢昂平高原大金鐘山頂
入手方式：大水井-->馬鞍山郊遊徑-->麥徑第四段-->昂平高原-->大金鐘-->三角網測站#652
時間：45分鐘
類形：Beacon A
高度：537.0m

導線控制點#4035.05：西貢茅坪四叉口對上山丘頂
入手方式：北港村-->狐狸頭-->茅坪-->麥徑第四段-->導線控制點#5061.002
時間：35分鐘
類形：Beacon A
高度：373.9m

詳細路線介紹