這個是2010~2011年Kill標既第十三次。今次Kill既又再次係市區既標，呢支標係葵盛村山上面，對我黎講，係一個細細個成日去既地方。其實，由大

窩口村後既石頭街，有超過一條路可以上到去葵盛村既山上面，即係葵盛圍一帶。主要係經石頭街後面既關帝廟旁既小徑，同埋大窩口村後山既山

徑上去既。呢條路，我細細個成日跟住我公公婆婆行上去晨運，所以呢一帶既路行到熟哂，亦都充滿左感情，所以Kill到呢支標真係一個非常滿足既經

歷。呢支標上面既景觀都算唔錯，可以望哂葵盛圍上面既兩條村--葵盛東村同葵盛西村，而且睇日落都好似幾好咁。可惜既係，唔太想留到日落之後先

離開呢支標，主要原因係呢支標所在既小山丘頂，曾經係一條咸魚既居所，我覺得入夜之後呢度會變得好恐佈咁。呢支標同大部分係市區既標都一樣，充

滿左「到此一遊」既字句，以顯示曾有多人到訪。上呢支標既路有好多條。原因係呢支標係位於葵盛(上)海水配水庫旁既人造小山丘頂。一般黎講，人造

小山丘既四方八面都會有多條寫住「不得擅進」牌既樓梯，但係有好多時，呢d位都係冇鎖or可以爬到入去既，所以有好多條路可以上到去。如果你唔驚既

話，呢支標仲有一條特別既上山路線：係對住葵盛東村既方向，有人整左好多條粗既麻繩，由山頂到吊落黎，好似俾人玩攀岩(Rock Climbing)同沿繩下

降(Absailing)咁樣，條繩係山頂度就係圈住支標(下面張相可以望到)，不過安唔安全就唔知啦(支標睇落去都幾「穩陣」既)，唯一可知既係，葵涌醫院唔係近囉！

路線簡介：

由大窩口村石頭街出發，沿晨運小徑經關帝廟上葵盛圍，之後轉入葵孝街經葵盛東村進入葵盛(上)海水配水庫車路，之後轉上配水庫頂，繞過配水庫頂到小山丘頂

Kill標，之後沿路走回大窩口村完結。

Kill標數目：

三角網測站：1個

導線控制點：0個

總數：1個

三角網測站#436：葵涌葵盛(上)海水配水庫旁小山丘頂
入手方式：葵盛東村-->葵盛圍-->葵孝街-->葵盛(上)海水配水庫車路入口-->葵盛(上)海水配水庫-->小徑-->三角網測站#436
時間：15分鐘
類形：Beacon A
高度：129.3m