這個是2011~2012年Kill標既第三次。今次行既係一條超短同超易行既路段。之所以揀呢條路係因為今日驚會落雨，所以就揀條安全d

又多標既路線黎行，所以話行呢條路線既主要目的係Kill標。不過，當又係被天文台Fake左，見到好好天既時候，呢條路線就多左一個

亮點，就係扎山道同沙田坳道交匯處果度，一路行落去沙田坳既呢段路，望到既景色真係好靚。不過當時心入面諗緊既係，早知咁好

天就去行d長同好玩既路線啦。除左景色靚同好多標之外，呢條路就冇乜特別，全條都係車路黎，如果急急腳咁行，唔使3個鐘就行得

完，算係一條極冇挑戰性既路段啦。為左增加呢段路既難度，我地專登走上吊草岩對面既一個人造斜坡上去Kill一支導線控制點。睇番

網上有d影3年前影既相，呢支標好開揚，只係上去護土牆果條路既窄且斜。但係今次去到，發現d草密左好多，仲多左好多高過人頭既

樹，令到挑戰性大增。不過依家諗番轉頭，我地一見到標就衝上去，好似發哂癲咁，完全冇考慮過安全問題，都真係幾危險。不過，\

成功Kill到之後既滿足感，都真係幾大既。

路線簡介：

由彩暉村出發，沿扎山道上到與沙田坳道交界觀景台，再沿沙田坳道經沙田坳落慈雲山完結。

Kill標數目：

三角網測站：1個

導線控制點：2個

總數：3個

三角網測站#146：彩虹扎山道中段近飛鵝山西面入口路旁
入手方式：彩虹港鐵站-->清水灣道-->彩雲村-->扎山道-->彩暉村-->飛鵝山西面入口-->三角網測站#146
時間：30分鐘
類形：Beacon A
高度：271.065m

導線控制點#4019.03：彩虹扎山道沙田坳道交界觀景台旁
入手方式：彩虹港鐵站-->清水灣道-->彩雲村-->扎山道-->彩暉村-->飛鵝山西面入口-->扎山道沙田坳道交界-->導線控制點#4019.03
時間：50分鐘
類形：Picket Box
高度：471.0m

導線控制點#4019.04：慈雲山沙田坳道近吊草岩人造護土牆頂
入手方式：慈雲山北巴士總站-->法藏寺-->沙田坳道-->沙田坳-->吊草岩-->人造護土牆-->導線控制點#4019.04
時間：45分鐘
類形：Beacon A
高度：396.0m

詳細路線介紹