確認本人參加爭奪戰!

挑我機的某位與那位

你地這班廢物給我聽清楚

你們鬥智鬥力都唔夠我黎

勸你地早d番屋企

唔好浪費我時間同心力
-=-=-=-=-=-=-=-=-=-=-=-=-=--=-=--=-=-=-==-=--=-=-=-=-=-=-=-=-=-=-=--=-=-=-=-=-=-=-=-=-=--=-=-
對女人極公平既遊戲規則 ...

1. 男人低收入/失業/窮/欠債/28歲搵$8000......會被定義為不符合「遊戲資格」：「冇$$$咪學人拍拖、餓死老婆瘟臭屋，你自己都顧唔掂，仲點"照顧"個女仔呀？俾著你係女仔呀，都想個男朋友/老公俾到自己穩定生活啦，唔通想跟著個窮鬼憂柴憂米咩......」、「拍拖點都要使$$$，就算個女仔肯AA制呀，你都起碼要畀得起自己一份啦，唔通要個女仔畀埋你o個份咩......」；女人低收入/失業/窮/欠債/28歲搵$8000......，不單唔會被質疑「遊戲資格」，一句「女仔梗係要人照顧」就老奉食男人使男人，男人畀少個崩，就叫「不負責任、冇本事、唔愛個女仔......」，男人若因此離棄女人，就係「軟飯王現形記」。

2. 類似1，男女雙方都係低(甚至係無)收入人士，「窮」既根源源自雙方，但往往只會認為責任單方面在男人度，你只會聽到「餓死老婆瘟臭屋，累個女仔陪你挨窮憂柴憂米......」，幾時有調返轉？(註：如果個窮女「挨窮」既責任係在於窮佬，咁係咪話如果呢隻窮佬唔存在，個窮女就會自動變富婆呢？)

3. 無論男人為女人使左幾多$$$，只要女人認為男人使得唔夠多，就係男人「孤寒、小家、寒酸......」，即使女人所使既$$$遠遠唔及男人既咁多，甚至一毫子都冇出過都好。

4. 類似3，去街消費畀$$$，男人只畀自己o個份，唔畀埋女人o個份：「小家、孤寒、斤斤計較、寒酸、冇瘋度......」；女人只畀自己o個份：「好女仔，唔會老奉要男人畀錢」：當然，女人連自己o個份都唔願畀都冇問題，更可反指「只」肯畀自己o個份既男人「小家、孤寒、斤斤計較、寒酸、冇瘋度、唔肯承擔、不負責任......」。

5. 男人提議低消費活動，或女想去歐洲，男想去九寨溝：「男人孤寒、小家、寒酸......」；女人提議低消費活動，或女想去九寨溝，男想去歐洲：「好女仔、慳家、賢妻良母、你班洗腳唔抹腳既冇用男人學下野啦.......」。

6. 相戀於微時，幾年後，女人事業有成，男人原地踏步，或女入HKU，男讀副學士，甚至更不堪的IVE剪翅偽進，女人移情別戀：「鬼叫你唔努力，畀唔到女友安全感！人地咁叻女，係有資格揀好D喎！識到個好過你梗係飛你啦!！抵你啦！做人咁唔上進.....」；男人事業有成，女人原地踏步(亦沒有在[賢淑]方面作自我增值)，或男入HKU，女讀副學士，甚至更不堪的IVE大剪翅偽進， 男人移情別戀：「攪錯呀！個女仔同你挨左咁多年，將青春畀晒你(註：咁係咪話個女仔唔拍拖就會青春常駐呢)，而家你出人頭地，唔畀個名份人仲飛人？當初你識人時人地已經係咁啦！唔好話你自己貪新忘舊？ 做人咁唔負責任， 正賤男、現代陳世美......」。

7. 搵話題、安排節目、講笑話攪gag 攪驚喜攪新意..............總係男人單方面責任，當出現「欠缺驚喜、冇話題、deadair、來來去去行旺角老銅、睇戲食飯唱K幾味，好悶好冇新意」之類情況，就算男人唸爆頭都再唸唔到乜野，女人就乜都冇唸過都好，都淨係男人既錯：「冇情趣、悶蛋、悶親個女仔、唔識同女仔相處......」。

8. 男人老奉要幫女人打點一切，否則：「冇厘主見、唔識take care,lead女仔、要個女仔操心，都唔知點做男人.....」，女人就乜都唔使。
(例子：女人唸唔到去邊食飯，或根本冇唸過，冇問題；男人唸唔到去邊食飯，就自動「犯」以上「罪狀」，冇唸過就「罪」加N等)

9. 8之餘，當男人有主見，但女人唔滿意，又係男人錯，即使女人本身都冇建設性提議都好。
(例子：男：「去成記食飯啦」，女：「又成記？唔去！」，男：「咁你話去邊啦」，女：「唔知呀，是旦啦」)

10. 9之餘，如果女人又有反提議，男人就不得不放下「主見」去聽女人話，否則：「大男人、死要話晒事、唔讓女仔、冇瘋度、唔尊重女仔意見....」。
(例子：男：「去成記食飯啦」，女：「唔好，去新記啦」。此時，男人堅持「有主見」去成記，自然會「犯」上以上「罪狀」，但遷就女人去新記，又會否「犯」上「冇厘主見」？如此吊詭情況，難度不下於「我同你阿媽一齊跌左落海......」)

11. 女借男$$$，或同男人打牌鋤Dee 輸左，一個仙都唔還唔畀都好地地，男人追債，仲係「冇瘋度、蝦女仔、斤斤計較、小家、係咪女仔使下男友$$$/畀女友使下你$$$都唔得先？味當同個女仔去街使左囉......」；男借女$$$，或同女人打牌鋤Dee 輸左，即使唔賴賬，都已經係「冇出色、好冇安全感」，還少個崩就更加係係騙財騙色、十惡不赦的死罪。

12. 在餐廳食肆、巴士MTR車廂之類場所，遇只有一個座位/一個較舒適的座位/靠牆位/窗口位，女人一聲不響「得」埋去就好地地；男人一聲不響「得」埋去，固然係死罪，即使問過女人，女人話唔坐，男人去坐一樣係「冇瘋度」。

13. 男人做阿四服侍女人(eg開門拉凳、拎女人手袋、飲茶男人斟茶遞水剝蝦殼、食麥記男人出去買)：「瘋度、錫女仔、男仔應該照顧女仔.....」；女人做阿四服侍男人(eg日本式OL斟茶遞水、泡菜式殘廢餐、飲茶女人斟茶遞水剝蝦殼、食麥記女人出去買)：「大男人、蝦女人、男女唔平等、女仔係要黎錫，唔係要黎做賓賓做阿四......」(綜合12同13，理論上，任何施加o係女人度，會被指為「性別歧視、大男人、蝦女人....」既東西，施加o係男人度，就會變成「瘋度」)。

14. 只有男人送女人返屋企，冇女人送男人返屋企，因為女仔夜晚單獨返屋企危險，咁講，當冇男人送返屋企時，女仔係咪就唔出夜街？當男人有咁要求：「大男人、管著晒、剝削女仔人身自由......」。

15. 男人既$$$，使o係自己度：「揮霍、浪費、玩物喪志、敗家、點解有$$$寧願買埋Ｄ無謂野，都唔送野畀女友/老婆，係咪女友/老婆連Ｄ無謂野都比唔上......」；使o係女人度：「細心、瘋度、浪漫、溫柔體貼......」。

16. 男人迷電玩動漫：「御宅族、電車男、毒男、大唔透 、唔成熟、幼稚低能、畀唔到安全感女人、唔識同女仔相處......」；女人迷hello kitty迷公仔迷明星刨八卦雜誌：「生活調劑、少女情懷、充滿童真的可愛小女生........」(綜合15及16，可見幾乎所有男人興趣都會被妖魔化，「車」除外，因為對女人有好處，可以用來接送女人)。

17. 咩野生日、情人節、乜乜紀念日之類，男人唔送禮物，固然係十惡不赦既死罪，即使送，但女人唔滿意：「男人唔細心、唔了解女友」，男人又錯；女人送禮物，男人唔滿意：「話晒係女友一番心意，你係鐘意個女仔既，就只要係佢送既野，無論係乜都鐘意啦，物輕情義重呀......」，又係男人錯，男人唔滿意都要扮滿意，當然，女人唔送亦唔係問題：「唔通你係為收個女仔份禮物，至同個女仔拍拖咩，仲有你知唔知為男仔揀禮物係好難架......」，或者：「我已經成個人送左俾佢，我味係佢既禮物囉！」 。

18. 類似17，男人送貴價禮物畀女人：「應份」；女人送貴價禮物畀男人：「好女仔，優秀女友」。

19. 男人check女人行縱、手機網上通訊、禁止女人同其他男人來往：「侵犯女友私隱、剝削女友社交自由、小器鬼、唔信任女友、冇自信、係要飛你既你點 check點管都飛你......」；女人check男人行縱、手機網上通訊、禁止男人同其他女人來往：「緊張呢段關係、係女仔都需要安全感、鬼叫你地Ｄ衰男人畀唔到信心女朋友、你清白既怕咩畀人check、個女仔都係愛你關心你緊張你至會咁做，唔係理得你死，你應該開心至係......」。

20. 要男人畀$$$埋單找數，就口口聲聲男人尊嚴；吵架後，就總係要男人認錯tum女人，男人尊嚴？「有冇攪錯，咁大男人，tum下女仔使死咩？」尊嚴喎........

21. 見家長，男人帶件普通少少既野做見面禮就係「寒酸、小家」，女人就帶疏蕉都冇問題。

22. 情人節、乜乜物物紀念日，照字面，明明係兩個人既節日，但事實卻往往係男人單方面討好、服侍女人既女友節/老婆節。

其實,這都是男女之間所有,不公平