今日真係超累呀！事關我尋晚返左大陸！

返大陸做咩？就係去睇下我既細佬！

佢係我叔既仔，佢剛滿月，我返去睇下佢，

佢真係真係超可愛呀！超得意呀！佢好細粒呀！

返到去睇到佢真係一D都唔感得累，但係返黎香港既時候，

唔知做咩，超多人，真係想死，不過都係值得嫁!!

=======================================================

雖然，今日好累，但都唔可以唔同佢地去打波，

我有時會覺得放假既時候，好耐冇見得佢地，

就覺得好悶，有一種好奇怪既感覺，唔知點，

好想見地一班朋友，想約佢地出去玩，

唔知仲有冇機會好似星期六咁，一班人約出黎玩呢？

真係想唔畢業，就好似中三的教育營，真係玩得好開心。

今日是母親節!!!!雖然我媽睇唔到，以下內容係我心聲!!

我係我媽心中永遠永遠都係一個細路~~~但係我想同我媽講我比以前長大左啦!!

我比以前成熟!!!我有能力照顧自已!!我再唔係一個小朋友!!雖然我成日要你擔心我!!!

我記得有一次我因為唔舒服入左院兩日!!!你由早上陪我陪到夜上11點幾先走，第2日早上好早就黎陪我!!!

你擔心我一個人係醫院悶，唔返工黎陪我，又煲粥比我食，果時我真係好感動呀!!!

每當我唔舒服的時候，你總係我身邊。照顧我!!

但你都要好好照顧自已呀!!有次你返完大陸返黎，你就大病左一場：我真係好擔心你!!

我話陪你去睇醫生，你又唔去!!!我只可以睇住你辛苦，又咩都做唔到!!我真係好擔心你。

我想比你知道我都可以照顧你!!!你有咩事唔好唔出聲，講比我知啦!!

媽，你對我的期望，我會用我所有的能力做到，我會升上大學，

令到你唔會再係親戚面前被人睇低!!!!

媽，我愛你!!!我會努力!!!