今日本來想去遵道退學，

因為佢要我修讀個D科全部都唔係我想修個D，

所以，我就出去試下搵學校，

我都知呢個時候搵學校係好難o既事，

到左最後都係搵唔到，(預左)

不過都要多謝ar琳、子楣同ar洪同我一齊去搵，

當我去到遵道o既時候，我估都估唔到佢會幫我改科目

之前我叫佢改，佢點都唔改，依家我想唔讀o既時候，

佢會幫我改，奇怪~~

點都好，我都會係遵道讀~~

尋日對我黎講係黑色星期五，就係尋日，

我分別被兩班人玩起左，點玩??

就係係同一日之裡，放我兩次飛機~~

第一次就係一早約好去沙灘玩，佢地話比我知唔去~~

仲要係個一日o既早上話比我知~~我頂~~

第二次，仲死，係下午約我去食飯，去到之後

有D人遲到，要我等左半個鐘，

佢黎到之後話比我知改左食燒夜，

個日我真係想打佢一身，當時真係火都黎呀~~

係同一日裡被放兩次飛機，

仲唔係黑色星期五~~

再一次被朋友放飛機，今日本來約好左去沙灘玩，

點知，到左12點幾，有人話比我知唔去，

我個時真係想打佢，成日都放我飛機~~

我每次約人去做某樣野都係到個日先同我講唔去，

一係你一開始話唔去，一係你就去，唔好放我飛機啦，好唔好~~

今日，天氣咁好，我仲嬲，我真係好想去沙灘玩，

今日又唔曬，又冇落雨，最適合去沙灘玩呀，

我冇得同陽光玩遊戲啦~~

我以後都唔做搞手，煩死人啦~~

唔知係唔係整定我冇得去，

之後有人約我去同去淵淵食飯~~

佢係我之前o既會計老師~~因為某原因已唔做~~

尋日去左打邊爐，事關係魔佬生日，

吃吃下野o既時候，呀國同我講話去重讀，

我初時都唔係咁想去重讀，不過，呢幾時，

我爸，媽不停叫我去讀書，唔好早出去搵野做，

所以，我今日去左報名，

就當比一次機會比自己，

我比張成績表佢睇o既時候，佢話我可以升中六，

我唔敢相信，我咁低分都可以升，

不過我到最後都係重讀，

好，我要再認真去讀好佢，再考多次，

一定要考到中六，係真真正正升上去~~