星期一啦．．　

起左身之後，　我就陪老婆去左食早餐．．　今日食左一個ＡＢＣ百搭！！　正正正．．．　同老婆食完野之後，　我就番左去自家．．．　因為今日開始要執野啦．．　星期三就要搬Ｄ野走．．　番到去之後＜　見到阿哥．．．　佢都準備去唔知點邊度邊度．．　跟住我就自己一個Ｏ係屋企係咁搬野．．　搬到傻左．．．　仲搬埋張床出尼．．　到左咁上下．．　老婆考完試．．　上左尼自家．．　執多一陣野之後，　就同老婆去左唱Ｋ．．　哈哈．．　今日得我同佢２個人唱．．　好開心．．　仲唱左好多我好想唱既歌．．　聽左好多好正既歌．．　到左５點３．．　我地走人．．　同老婆坐的士去左學琴．．．老婆入左去學，　而我就去左睇人打ｔａｂｌｅ　ｔｅｎｎｉｓ！好勁呀．．　＞．＜．．　睇完之後，　番左去等埋老婆放．．　我地就出左市中心食野．．　今日我地去左元氣食野呀．．　因為今年都未食過．．．　真係好耐冇食啦．．　今日叫左Ｄ壽司食．．　因為都唔係太肚餓．．　所以唔係叫左好多．．　食完野．．　去左行街．．．行完就去左高登洗眼鏡．．　之後回自家．．　

完

星期日既今日．．　好早就起左身．．　９點已經起左．．　不過都唔會出門口住．．　因為今日約左一個比我遲到得更多既人．．　ｉｖａｎ　ｌｅｅ！！　１０點左右到左慈雲山啦．．　到左之後，　我去左食ｍ記．．　但係因為食完之後ｉｖａｎ都未到．．　所以我去左行下慈雲山廣場．．　嘩．．　上次已經有好多野開左嫁啦．．　到左今日我去到．．　仲多左好多野．．　有２％啦．．　ｉｂａｓｅ．．　仲有多左間冒險樂園．．行到咁上下．．　打下電話咁等住ｉｖａｎ．．　打完一個到第二個．．　可惡．．　死人頭仲未到．．　最後等左２個鐘先尼到．．　太可惡啦．．　十一點半左右．　我地上左去水庫．．　已經有ｄ人到左啦．．　哈哈．．．　真係好耐冇踢啦．．　仲有就係好耐冇見中學同我踢開波果班啦．．　今日見番．．．　佢地真係變得好多．．　我地踢左一陣之後，就去左ｍ記食野．．　再食？　唔會啦．．　我都唔係太肚餓．．　所以叫ｉｖａｎ買左杯野比我飲算了．．　食完野之後，　我地上番去水庫踢啦．．　今日成日都好大雨呀．．　不過好好玩．．　唔知佢地會唔會病呢．？？雖然今日係落雨．．　不過都入到波既．．　正．．　今日我地踢到去４點半走人．．　坐ｔａｘｉ回家．．

晚上．．　去左太子食野．．　因為今日阿婆生日．．　一去到就覺得好悶．．　之後，　到左７點左右，　我落左行街．．落到去之後．　見到有間髮型屋．．　就入左去剪頭髮．．　因為原本今日都好想剪嫁啦．．　不過掛住踢．．　最後冇去到剪．．上到去之後，　同個老細講．．　我要快．．　！！　之後佢話好．．　跟住佢好＜快＞咁同我洗頭．．．　之後仲要我等多陣先同我剪．．　＝．＝．．　因為怕悶．．　叫左好表弟陪我剪頭髮．．　　結果等左好耐先ｋｏ左個頭．．　上到之後，見到ｄ人都已經坐低曬ｌｏ．．　哈哈．．　原本我上遲左去．．　仲令到老豆有時間打多一回．．．　！！！！！　仲食左ｄｉｍ！！！　佢真係要多謝佢個仔．．　今日都有好多野食．．．　太肚餓啦．．　所以食左好多野．．　．因為下午果餐都未食呀．．　今日仲比我搵到ｈｏ　ｌｅｕｎｇ既死穴．．　食完之後，　我就坐車番自家．．　

完

今日掉左對discovery

頭先打好左既日記．．．　冇左．　．可惡．．　唔打．　！！

星期五啦．．　今日我起左身之後就同ｇｌｏｒｉａ番左去嶺南食野．．　去左ｃａｎｔｅｅｎ食例飯．．　哈哈．．　成日都係例飯．．　食完之後，　我地就上左去ｈａｌｌ．．　今日要幫ｇｌｏｒｉａ搬野番景峰呀．．　到左３點左右．．　佢阿哥渣埋車尼嶺南．．　幫手車ｄ野番去景峰．．　大約３點９左右．．　ｋｏ曬．．　之後，我就番左去自家．．　拎埋個結他．．　因為唔想到左２４號我搬果時要拎咁ｘ多野．．　大約係六點左右．．　番到去彩虹．．　番到去之後，　食野．．　食完之後，　等埋阿爸番尼．．　一起落左去牛池灣文娛中心睇阿妹表演．．　真係好想去睇呀．．　因為平時要番果時，就算妹她有表演我都總係冇時間去睇．．　到左宜家放假啦．．　太好啦．．　有得睇．．　今日成個ｓｈｏｗ都係基華攪．．　正呀．．　有２個女仔玩ｖｉｏｌｉｎ．．．　都好好聽．．　仲有最後果隻舞都ｏｋ呀．．　！！　＾＾．　．睇完ｓｈｏｗ之後，　我地就去左基華搵埋阿妹去食野．．　有時候真係覺得阿妹比我幸福得多．．　好似果時我尼個年幾都好少有咁多機會表演．．　宜家ｄ小學都好重尼ｄ野．．　再加上多左錢去攪尼ｄ野．．　唉．．　如果我係小學就開始玩音樂就好啦．．　回想都係試過彈幾堂琴．．　比起妹妹真係少好多機會去表現自己．．　不過好在宜家都有唔少既機會比自己去表現．．　＾＾　因為我係一個表演欲都幾強既人．．　哈哈．　唔知點解上到去有好多人望住既感覺係好正嫁．．　！！！　搵左阿妹之後，　我地就去左ａｐｍ食野啦．．　今日去左和民食野．．　不過都唔係食左好多野．．　因為之前都食左ｄ野．．　只係阿妹未食．．　今日食左一個蟹子蝦壽司呀．．　正．．　妹妹唔信我．．　我都話好食嫁啦．．　哈哈．．　好食左好多呀．．　食完之後，　我地住ｔａｘｉ回家．．　哈哈　．．　正如爸爸講．．．　真係好耐冇試過４個人一起住的士啦．．　今日想買下野嫁．．　不過有Ｄ累．．　所以到左最後都係冇買到．．　

節 目 詳 情

快 速 連 結：- 　文 化 節 目 按 地 點 搜 尋 　文 化 節 目 按 類 別 搜 尋 　文 化 節 目 按 日 期 搜 尋 　文 化 節 目 按 關 鍵 字 搜 尋 　購 票 方 法 　返 回 康 文 署

節 目 名 稱
綜合節目--《仙樂飄飄耀彩虹》
主 辦 機 構
中華基督教會基華小學主辦
日 期
18-19/5/2006 (星期四至五) 19:30
地 點
牛池灣文娛中心劇院
票 價 / 課 程 費 用
正 價	$30
折 扣	--
( * = 學 生 票 價 ， # = 高 齡 人 士 票 價 ， + = 弱 能 人 士 票 價 )
票 務 機 構
城市電腦售票網
電 話	27349009
開 售 日 期
02/05/2006
類 別
文化表演 - 其他
節 目 查 詢
電 話	2320 0683
以 上 資 料 如 有 更 改 ， 恕 不 另 行 通 知 。 有 關 城 市 電 腦 售 票 網 節 目 的 優 惠 票 數 目 及 其 他 詳 情 ， 歡 迎 致 電 2734 9009 城 市 電 腦 售 票 網 訂 票 處 查 詢 。

http://community.webshots.com/user/lingnanting2006b

今日仲幫妹妹影左Ｄ相呀．．　比Ｄ幸福佢．．　哈哈