呼`    琴日終於個呢個痛苦既營地到碌番黎
[支力]到係架車就恰左陣
2日1夜既camp 好痛苦
D活動都唔係人玩既/____\

Day1`
朝早碌左番去...10點半係禮堂到
本來以為齊人就上車入營
點知原來係要係HALL到玩d集體遊戲=0=
        GAME1` 捉魚
        成班人係到扮魚 唔好俾個魚網捉住
        捉到既魚要一齊扮魚網
        過左1陣 花蟹`被捉到
        俾人扯到對手好痛Orz
        GAME2` 太空足球
        成班人分做4組  有1-14號
        叫中既號碼 就要去到中間拎起枝棍
        去爭個"足球" 其實只係1塊爛布
        花蟹`好不幸咁  係呢個環節到受傷
        原因係  有位同學好輕微咁撞到花蟹`
        花蟹下盤唔穩陣....  跣左出去...手爭損左...好痛
        GAME3` 抱抱?!
        就係4個組員  各人身上會有1條橡根繩綁係腰到
        之後係4個角落到跑去中間  抱抱大家
        鬥快亦鬥多  幸好冇意外發生...
玩完之後  放食飯   我就同同學食包/3文治
WENKY`勁搞笑 買LEMON TEA出可樂xd
花蟹`再幫佢買  又係出可樂  哈哈
之後就集合上車 去青協既營地了~
到左營地之後0__0  UM...冇咩特別
聽完個導師 RICK`(?!) 講解完之後
分房  12個人1個廳  6個1間房
入到房...碌架床  嗯  我訓上格嗯
放低野之後就玩DAY1`CAMP既第1個活動-------高牆
2個負責教練係十一哥同謎叔叔<<主要係我唔知佢叫咩名
個活動要我地27個同學 合作爬過1個高N米既木牆
上面有個高台  只可以企6個人..
聽完點玩之後  就開始玩...  又曬...
又要做底去托人企高俾=__=
跪低座d力既時候膝頭哥又烏糟喎/__\
到我上個時  唔知係咪撞到呢
個膝頭哥瘀左 Orz...
玩就6點幾(?!)  番房換1換3就碌去食晚飯
晚飯4"送"1湯 [[好似係
食飽之後就碌左去動感坊-__-
玩學校安排個d活動  設計件3俾個MODEL著..
我地組MODEL係  WENKY` xdd
玩到冇癮-__-  唔係悶既... 唔覺好玩姐
之後去TUCK SHOP 買左2枝珍寶珠`
夜晚傾左好耐計 又走黎走去咁搵人0___0
2點半先訓  嗯  個枕頭好硬
訓上架又唔敢亂轉身  搞到訓得唔好



DAY2`
7點起左身  爭廁所刷牙xdd
之後就換泳衣  粒番件T同沙灘褲碌去食早餐
個早餐係我前所未見咁難食...
腸仔同通心粉冇味既...仲要有方包[未去皮]搽牛油
仲有午餐肉=.=   同埋1壺阿華田....
食左少少  就冇食
DAY2`CAMP既活動係  尼斯湖
去左泳池..."深"到呢 0.78米-1.5米
負責呢個活動既教練係  欣(?!)+深
要札個木筏之類既野  令組員上半身唔濕既情況下安全過對面岸
中途會有所謂既水怪(欣)  係到搞搞震
札木筏呢樣咁複雜既工序  我地交左俾豬`同飛飛`  2個女童軍xd
我地其他人就負責幫手吹氣球
我吹頭個2個  2個都穿LONE既囧!!!
JACQUELINE`好gag  吹爆左  哈哈哈
札完個筏之後  放落水到0__0
嗯  斜既...嗯  冇所謂啦嗯...
之後每組有1個救生衣  每次過既組員都要粒住=.=[[強逼性...
JAC`係第1個...   只可以靠佢自己慢慢潑水..游過去...
到岸之後...發現...扯木筏條繩唔夠長囧..
我地要駁長條繩...  之後掟番過JAC`到 .....
掟左好耐Orz... 終於得左
但係其他組都過左1半人=.=
第2個上去既係花蟹`  唔俾郁
淨係可以靠岸上面既組員扯你過去
本來就OK架  點知個水怪=.=捉住左個木筏... 反左...
花蟹`半個蟹落左水...  由於唔可以落晒水...
所以花蟹`就捉住個木筏死唔放手
不停俾隻水怪淋水-____-....
完全睇唔到野既情況下...安全上壘
之後都非常順利咁過晒
YEAH`  可以落水玩喇~~~
好舒服  d救生員好gag  局部地區性驟雨 哈哈
玩到11點幾就碌番上水
沖涼  執野   食LUNCH  出營
本來以為可以番屋企...
點知....=.=車左我地去西貢區
玩咩定向喎...  O左囉...
詳細野唔講喇...玩到唔想玩
之後終於番到屋企...
2日1夜既 CAMP咁就完左喇
損手爛腳咁番屋企...唔係人玩架/口\