好可憐啊~~~放假先黎病, 仲要發燒喉嚨痛.........

尋日係屋企瞓左成日, 簡直係馬拉松瞓覺比賽呀, 我由前晚凌晨1點瞓到尋日下午4點,

跟住落街睇完醫生再返黎瞓過, 半夜起身食藥再瞓, 足足瞓左30個鐘,

咁就蝕左個假期喇, 好彩今日唔洗返工, 唔係我諗我只可以帶到個肉體返去咋,

不過今日病都總好過生日先黎病, 唔係就度度都唔洗去lu..........

今年生日願望係.......同以前一樣!!!

今年點慶祝好呢???靠你地喇~~~~嘻嘻!!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

今日係我爸爸生日呀, 所以我雖然病, 但我都專登同佢飲茶,

今晚家姐會同我地出去食飯, 同爸爸慶祝嘛,

但係亞哥就唔會出現, 其實男人小器起上黎仲勁過D女人呀,

點解我屋企咁難一家人齊齊正正???

爸爸~~我知我唔係一個好出色令你引以為榮既女,

但我自問係一個24孝既女, 凡事以家為先以你行前,

以前係, 將來亦都係, 因為老豆......你以前何常唔係以我地為先吖??

老豆, 你真係老左好多啊, 你D白頭髮多得令我有D礙眼,

《樹葉靜而風不息, 子欲養而親不在》

以後每年我都一定會係你身邊陪你過生日！