睇左喇睇左喇~超正呀!
魔盜王, 真係好鬼死好睇呀,
唔睇你真係走寶啊~
我真係愈來愈鍾意睇西片呀~
*************************************
如果你再唔打返電話比我,
我真係會嬲喇, 你完全唔記得左我呀~

成晚冇訓, 今朝一早陪爸爸同佢朋友一家飲早茶,
累死我喇, 仲要我埋單tim~好可慘呀!!!
不過算啦, 我都好耐冇同過我個肥爸爸飲茶喇,
就當盡下孝心喇, 又可以比佢係朋友仔面前有面~
**************************************
聽日開始可能要過返D返9收9既日子喇,
條數明明話6月尾先交架嘛, 而家又話要10號,
唉.........超苦, 不過好彩我班同事仔都對我好好,
VERY有義氣幫我手, 果然唔係"大難臨頭各自飛"~
***************************************
好掛住你, 好想打電話比你呀, 但又怕阻住你.........

自從同你提出過分手之後,
我地好似有條剌咁既??
雖然而家同之前一樣好似冇事,
不過講左就係講左, 冇得收返架,
因為剌已經存在嘛!!
不過我依然會想張條刺拔起!
你呢??你會努力維繫我地段感情嗎??

只要你個心有我, 我咩事都唔怕~
可能你講得岩, 我地開始得太快喇,
不過當日我都好清楚咁問你,
你係咪想同我一齊? 你係咪認真?
既然係都答左我, 點解而家又??
感情真係唔可以用黎玩架,
我一早都講, 我玩唔起架~
識你既時候都知你係一個點樣既人,
一開始已經預左會係咁,
所以我唔會去怨你, 更加唔會去怪你冇時間陪我,
我只係想你個心裡面會有我呢個女朋友咋~

我知道你唔鍾意受束縛,
我知道你唔鍾意對我交代一切,
所以我唔需要你為我改變,
我只需要你愛鍚我~
******************************
身邊多左你地呢班好朋友, 我好開心呀!
我諗我地下次可以唱"友誼萬歲"~哈哈~