有D野你想既時候, 永遠唔會發生,
但當你一切想順其自然又或者唔想要既時候,
我偏偏遇上你了........煩惱既事亦都開始出現了..........
其實我好驚呀, 我好驚同你開始,
我好驚你唔認真, 我好驚你玩我,
我好驚會失去呀, 我唔知點呀..........
我唔想當我投入呢段感情既時候, 
亦都係感情既告終呀!!!
愛情......我真係玩唔起呀!!
你可以俾到信心我嗎??? 

究竟我個心係度諗緊D咩呀??
好似塞實左咁, 咩都唔想諗呀!
呢幾日雖然真係過得好開心,
但有D野又好似開始慢慢湧現出黎呀,
我唔想再咁落去呀, 我唔要再一次沉淪呀!
人生冇幾多個5年咋, 而且明知冇可能, 又何必呢??
如果你地真係有機會, 我唔介意囉,
雖然我知道個一種感覺會好難受,
不過我相信將來我一定會好幸福,
只不過而家未係時候啫~順其自然喇~

呢個復活節假我過得好開心呀,
因為有你地陪伴住我~~
4月5日~
西貢BBQ, 好整呀,
第一次上船排咋, 好得意,
雖然個日好凍, 但同你地一齊個心永遠都溫暖~
返到屯門之後, 亞祖仲專登揸車同我, 小碗, 小豚去元朗食B仔呀~
4月6日~
收左工真係已經好累,
但我都無有識死同你地去唱K,
大家馬拉松咁唱左成5-6個鐘,
少D氣力都死呀, 當然我你死左o個個喇,
個晚又成3點幾先訓呀~
4月7日~
呢晚出左去覆診, 比力高罵死左,
唉, 一件曲奇啫, 真係咁嚴重??
sorry呀, 我真係知衰喇,
仲之以後食咩都問準你地先喇~
嘩哈哈~比人罵完返黎都仲有你地錫返我~
4月8日~
喇喇啦喇嗱.........
打邊爐, 食到個個反哂肚喇, 死未??
我真係投降喇, 我好耐都冇試過咁飽喇~
哈哈, 走既時侯大家都帶住"蘇蝦"仔落樓呀!
4月9日~
今日起身個陣個頭有D痛,
所以就請左病假, 冇返工囉,
不過今日又要出動去行街街喇,
好期待呀~~~~
****************************************
總括黎講, 呢個假期每一日都同你地一齊,
我真係好好好開心呀, 希望下次放孖DAY一齊再癲過啦~
*****************************************
亞祖, 好多謝你又陪我過左一個難忘既假期呀,
生命中識到你呢位好朋友, 真係不枉此生呀!

踏入4月點解仲咁凍架??
以前既我好鍾意冬天架,
不過今年個冬天好似好長咁,
加上唔知係咪個人瘦左d既關係,
怕凍左, 而且都容易發冷,
所以開始有d想冬天快d走呀~
快d到夏天喇, 我減肥都可以快d呀~哈哈
********************************
你工作係咪好忙呀??
你好似好耐冇打個電話比我喇,
唔知點解成日問人掛唔掛住我,
但原來自己先係掛住人o個個~
**********************************
有個傻妹竟然真係肯整蛋糕比人食喎,
傻妹, 只可容許自己傻一次咋~
**********************************
"時光機 留給你 回憶裡 朋友號
 只懂得欺騙細路 奉勸別太早仰望太高
 傻瓜機 留給你 誰苦戰 誰卻步
 青春的預言無數 有那個信守到老"
<預言書>