今日教呀joe彈琴

佢終於肯用手指公啦

但佢唔肯跟個譜彈

自己作d野出黎

又係咁話好痛苦

佢自己攞黎衰既

邊個叫佢唔剪指甲呀

希望下堂會好d啦

佢唔串我唔安樂既性格又黎啦

事件一:

又串我彈琴彈得差

話人地好過我wor

事件二:

笑我跑得慢

誇張左10倍黎扮我跑到喘晒氣

幾想推佢出馬路呀

如果我唔係攞住咁重野

我唔會輸比佢架

事件三:

話我捉棋好kai

唔得呀

我一定要勁過佢呀

我要我老豆呢個高手教我

佢死硬啦

呢個就係我之前講果個1年班既男仔啦

係咪好得意呢?

佢之前勁訓覺架

但宜家佢為左食糖同想我在佢本手冊都寫個"good"字

佢宜家無再訓覺

好勤力咁溫默書

佢默書默得好我就請佢食糖

請佢食左6,7粒

佢好開心

佢好可愛架

今日好開心呀

同班學生去唱k

之後去左影貼紙相

部機好唔掂呀

貴又貴過人

廢又廢過人

影得勁少

下次搵過部好d既黎影

之後教呀joe彈琴

佢真係未學行先學走架

基本野又話太低能

一彈就要彈勁野

要黎威wor

之後太難又彈返d易野

又好中意用自己既方法

唔肯用手指公

話樣衰wor

有幾樣衰?

用用下就慣架啦

佢仲話自己會青出於藍

教返我轉頭添wor

希望佢真係得啦

學完琴我地去搵呀鋮佢地

周梓軒細佬幾得意呀

不過唔知點解佢係咁針對呀ｊｏｅ

係咁串佢

呀ｊｏｅ覺得佢好煩

鋮難得地捉棋嬴左呀ｊｏｅ

呀ｊｏｅ真係老貓燒鬚

佢平時話自己成日嬴人

好少人地嬴佢

之後都比呀ｊｏｅ報到仇

周梓軒食飯我地就落去打波

本來諗住打到１１點

但比管理員趕所以１０點幾就走

今日玩左１０個中

我諗每個星期六都會玩１０個中到

好開心呀

做野果度有個ｍｉｓｓ勁好人

佢算係我呀頭

但一ｄ架子都無

勁ｌｉｋｅ屎（ｎｉｃｅ）

對小朋友又有愛心

又溫柔

我想同佢玩ｍｓｎ

點知佢無電腦

原來係因為佢媽咪有某ｄ原因唔中意電腦

所以佢就唔買

勁孝順

本來諗住約埋佢一齊唱ｋ

不過佢話太早未起身

話下次再約

ｍｉｓｓ中意李克勤同容祖兒ｄ歌

我又係呀

我一定要同ｍｉｓｓ去唱ｋ呀

佢英文名係ｒｏｓｉｔｔａ

連個名都好聽過人

真係好中意佢呀

今日同個１年班既男仔傾計

佢話佢爸爸死左

我即刻話唔好意思

我問佢有無唔開心

佢話無

但我都係覺得佢好慘呀

咁細個就無左爸爸

不過點都唔夠我以前個學生慘

果個學生係０５年暑假識既

我果時去做義工

係去學校教一班學生咁既

果個學生升小六

佢同我講佢呀爸呀媽死左

我即刻喊左出黎

覺得佢太可憐啦

咁細個就變成孤兒

係勁慘囉

無左是但一個都慘啦

何況係兩個都無晒

知道左之後我就決定對佢好ｄ

不過我都好耐無搵佢啦

我要搵返佢個電話打去問下佢近況先得