我事頭婆終於露出真面目了==||

返工首個月,她都表現得很仁慈大方,

可是,自從有幾次看見她"屈"店舖貼資生意額後,

她便遂漸不顧形象,露出其極愛佔人便宜的本來面目

那麼,到底她如何愛佔人家便宜呢?

例如,對兒子的旗下34間分店:

每天她也要收集店舖的生意結算單,

她看的不止是生意總額,還會觀察能不能屈店舖貼錢...

(我就要協助她做這些工作...)

又例如,對我:

事頭婆很喜歡叫我跑外勤,還喜歡我為她"順便"買生果,送貨...

有時候,還要"大方"與其他人share我這個文職助理,跑多兩轉,

"都係順便o者..."

其實,每個做打工仔的,

返工之餘要含冤受屈,畀人糟躓,都在預料之內

因為我部份人工其實可能就是"糟躓錢"來的!

別介懷吧~只要我繼續保持工作質數及"糟躓價值"雙料提升的話,

我將來找到更高人工的目標便指日可達了~

不過話時話,我是文職員工,不能直接為你帶來生意額,

你要糟躓我亦不為過,

然而,面對著一眾落手落腳為你賺錢跑數的員工,

你亦常常借意攞著數搵笨,真係有點意那個...

我想得通o者,但其他人未必想得通呢==||

返工有趣用語:

1."咩"字

所有上司阿頭聽了會不高興的字眼全部是禁忌,不能宣之於口,

只能用"咩"字代替

例子:假如我老細超速架駛,收到告票罰款後,我又要向事頭婆提起時,

便要說:"Ban Sir 張"咩"單到期繳費啦,麻煩事頭婆畀張"咩"我開票丫"咁樣~

2.反語

返工第一日便要說的話,不用人教的

例子:事頭婆hardsell客人,我便要醒目

到時到候和應說:"係呀~我事頭婆唔會呃人架,我返工咁耐,

都見住佢d客人返轉頭搵佢買野,真係好好架!"

3.    1+2混合用法:

例子:有人問我返工至今,做事是否稱心如意時,

我便會說:有時候都幾"咩"(受氣)架,但係我唔識野,事頭婆要教我咪重"咩"(受氣)!

事頭婆其實好唔話得(反語),佢又肯教,又體諒人(反語),對我都算唔錯架啦(反語)

佢鬧我都係袋錢入我袋o者(反語)"

咁樣~