今日1點幾先起身,皆因我發左好多個夢...起身無耐阿媽就送個十派俾我,佢打黎話一陣去bbq,刷牙都未刷呀陰公,不過去我阿媽果個總好過去1e果個既我覺得,起碼唔洗對住馮xx啦,廢事無啦啦俾人串都唔知咩事.....好彩我地係去大欖涌,佢係去黃金海岸,100個%唔會遇到啦!

我收到十派之後就即刻去刷牙洗面啦,急到連加旋仔都唔記得睇,1個禮拜先得一次咋...後悔 !之後就落樓下啦,見到阿媽,甘我同阿哥就一齊上左車,明仔叔叔就車我地5個去燒烤場啦!細珍姨,明仔叔叔同阿媽係車度狂傾計啦,明仔叔叔小心揸車牙-.-!

去到果到,傍左400幾元,連彤彤都計成年人價,搞錯牙=.=我地一路燒,d蜜蜂一路[嬲],燒都燒得唔安樂,仲要俾d蜜蜂嚇到我地走黎走去,踩死一隻又黎一隻先慘牙!之後有隻蜜蜂[嬲]地下d蜜糖,我本黎唔敢踩架,但因為阿哥話我實唔敢踩喎(佢都唔敢啦!),so我鼓氣勇氣,一野踩瓜左隻蜜蜂!哈哈哈,睇小我牙嗱!我一路燒一路同彤彤互串啦!我實讓細路既!(其實我地play下架姐~~ !)

燒燒下,彤彤大嗌,話有隻蜜蜂爬左入我罐忌廉度!我搖左幾下啦,阿媽再拎黎睇,突然....隻蜜蜂由條吸管爬番出黎!太過份啦!罐忌廉仲洗飲既! 不過我已經報左仇啦,我狂踩隻蜜蜂,佢已經死無全屍啦!!!!!好彩彤彤睇到,唔係我飲左就大煲啦!

到左夜晚,d蜜蜂返哂屋企lu,終於有d安樂日子過下...bt我地通通都唔知點解冇乜心情燒.....我突然靈機一觸,甘悶..不如玩電話啦,我就用133打比佩佩,將聲線拉高8度,扮學校d職員啦!佢d反應超bad牙,搞到我勁無癮囉!唯有開估啦!算,下次再玩過!

8點幾,明仔叔叔送我地返屋企啦,回到家我太無聊啦...就睇兒歌頒獎典禮啦!預左啦,冠軍唔係明日恩典係咩牙!媽媽超人做馬啦,甘都最受歡迎,唔係無線做馬,我真係諗唔到第二個理由囉!之後我就睇鋼之啦,好慘牙又死一件啦 ...

雖然沖完涼,但我覺得我身上有股燒烤味=.=....今晚希望發d好夢啦,都唔知點解成日發d甘驚嚇既夢架>3<!!!