今日11點起身,照舊落樓下飲茶...個肚一直都好痛 ..

番到屋企就覺得好攰,訓左一覺,訓到3點幾=.=....起左身,阿媽狂鬧啦,話我11點先起身,仲訓得落...又叫我做暑期作業,我米隨手拎起本中文出廳做囉!(從第四頁開始做)做做下,我就話:[阿媽,我今日做到70頁,你有咩獎勵先?!]阿媽就話:[做哂成本佢先算啦~~!]我即刻狂做啦,d閱讀理解又多又長,做到 !!!!做到7點,先係做左三十幾頁,我都唔覺得有機會做哂架啦!不過我無放棄,繼續做!做到大概12點,終於做左70幾頁,做哂d作文(作文我一d都冇偷工減料架,作夠250字架!),之後入左阿哥張電腦台做,做牙做,做到百幾頁,我隻已經同跛左冇分別,好痛 !!!但我覺得我已經贏左自己架啦!我從來未試過做一件事咁有恆心架 !我就go on啦!做到淨番幾頁,我隻手真係勁痛,手指公好似斷左咁,魔鬼就出現喇![唔好再做啦,你好攰架啦!訓個覺啦!]不停咁引誘我...感謝主,主領我戰勝魔鬼 !跟住果幾頁係要寫好多字果隻,雖然係幾頁,但就好似幾十頁一樣....凌晨4點幾5點,我終於做哂啦!我終於做哂啦!我好開心,同時亦好感恩 !隻手痛到已經無辦法打日記啦!

2005年8月14日,我終於知道咩叫[只要有恆心,鐵杵磨成針!]啦!感謝主!