今日朝早9點幾起身,出左廳訓係梳化睇卡通片,勁爽!!睇完成套卡通先刷牙,哈哈 !今日又有得睇孫悟空喇,好野!琴晚又發左個好攪野既夢,發夢o係學校露營,仲見到佩兒姐同珊姐tim,哈哈!

搭升降機果陣見到畢k,我地成日望住對方狂笑,嚇親人牙真係...哈哈....之後我地就一齊行啦,忽然有隻小強路過,甘畢k米[呀]囉,我又跟住[呀]啦...真係嚇餐死....我地都想一齊番學架,但大家都約左fd,冇法啦~!我跟住就同鄭心一齊番學la,行到一條小路,見到一隻類似蜥蝪既小動物,我同鄭心就[呀]啦,勁驚 ,等隻野走左先肯行....今日真係驚險牙!

番到學校,遲到.....果個老師勁低b囉!叫我出去畫野,仲叫我[Yan Lai],嘔心 ,由細至大未俾人甘嗌過架我!!!!我出到去就梗係畫錯哂啦,佢米趁機鬧我成日傾計囉!又狂講雞腸喎,鬼識咩..都痴痴地既!!好,我忍多你一日!

放左補習班之後就同朱芬去拎野,終於拎到啦! 好開心牙!今次就算你啦朱芬.....跟住就同佢去影印啦....番到屋企又整e個又整果個,勁忙!同橋姐傾左陣msn就行去葵芳check數....又再行番上西邨個郵局寄野,勁熱勁攰隻腳勁痛!寄完又行番去樓下商場幫我同阿哥張8達通入錢....終於番到我溫暖既家啦,即刻飲汽水抖番下,玩左陣msn又出發喇!要去荃灣---阿姨果度食飯!橋姐,遲d先開解你!

等車都等左半粒鐘,好在有阿姨果餐飯補番數!好味!....真係好攰牙今日!今晚實訓到擋豬甘姐!