今日勁慘,11點幾起身睇完加旋仔同矇面超人之後,我阿哥個fd就黎左....一入屋就入左我阿哥間房,仲要關門...換言之我就冇電腦玩啦,佢地就係間房[大聲講大聲笑] ,我就呆坐梳化嘔電,真係聞者傷心,聽者流淚 .

3點5個字,我既[3年零8個月]終於過去啦,我哥同佢同學話出街牙!!!!我趁佢地一出門口,就即時衝入房開機啦....唔覺唔覺,都用左好似成粒鐘..等我玩得最興起既時候,日軍竟然返左黎 !!!!!我係果刻真係想食人!!但最後都係自動投降--出廳,[黎x傑,周x宏我記住你!]!!!!

夜晚,我想整e個日記板既時候,發現喇叭無左聲!我就等我阿哥沖完涼再向佢興師問罪啦...佢一出到黎,我正想發惡鬧人既時候,佢就向我展示一個新既[咪]同[耳筒],佢話用e個聽就有聲架啦,雖然我地都已經買左個有內置咪既cam,我唔知佢買黎做乜?! 但我頓時發現我阿哥好靚仔!!哈哈!

今晚有鋼之睇牙!好野!我今晚唔想再甘夜訓啦,希望睇完鋼之就訓啦!!