成兩個幾月冇打blog喇,都係講番今日先啦
D老師要我地暑假功課要全部做曬喎,做唔曬既要留低做曬先可以走,痴線架
我都係勉為其難咁做左
今日第二個小息果陣''
有個大口怪走左入來,係其它班既,又係綠社既
跟住我同愷琪講話有個大口怪呀
可能係我講得大聲左D
杜志明就望左過來,佢以為我講佢
唉''我又唔係講佢,都唔知佢做咩自認
無奈..
到上中文堂果陣''miss話要分組,OK'分咪分囉
咁做咩第一行果D人就來左我地組呀
跟住胡健X(果個字唔識)攞住凳過來坐係我隔離既隔離,咁都冇咩所謂
但係miss又話佢坐係度阻住佢行,佢又過左來我呢邊坐喇
唉''搞到曉晴係咁望過來喎''我真係想同佢即時調位呀''鐘意人咪同佢講囉
跟住就係度講D無聊問題''就咁過左兩堂,無聊~
放學果陣miss同我講話叫我同唔知邊個調位
超唔想呀''咁鬼後又全部係男仔喎
都唔知點解次次調都搵我,被逼..
佢仲叫我星期一記得提佢喎,痴線既先會提佢呀
最好佢唔記得調啦''哈哈
跟住就同妍一齊搭車番去
係車果度居然俾我遇到個好人喎
架車就得番倒後坐果D位,我又坐唔到,因為我會暈
跟住妍就坐低左,佢叫我坐...
D對話可能俾前面個男仔聽到,佢就站起身同我講話俾我坐
咁佢俾我坐冇可能唔坐架嘛,跟住就見佢上左上面喇
好耐未見過好人喇,THX''
就係鐘意有風度D男仔,哈哈
跟住就去左食吉野家,噢..好好味呀
|