今日係聖誕節..Merry Christmas~^^~...

今天依舊..冇人約我~但係我真係好想出去睇燈飾ar/.\..

唔通一枝公出去咩=.=

講番呢日先~基本上成日都冇野做~早上聽歌..

中午開始就做acc功課~一邊聽歌一邊做..

做到5點幾先做完~

晚上食飯之後又聽左陣歌~之後過左對面家看戲"窺兇殺人"

雖然冇鬼果d~但有幾幕都幾驚心動魄..但入面有條女幾索ga=.=

好期待明天tim~因為明天約左ive班fd去bbq~可能通宵tim

平安夜快樂ar~各位~今晚玩得開心d ar^^

我就慘了~冇人約我出去囉~仲要25號果夜都冇..

lonely christmas=.="...無奈囉

講番今日先~今日超開心~因為有生以來第一次去機場..

朝早5點15分起身~天未光..好大雨..超涼..

跟住帶著3分開心7分害怕ge心情搭E22A...亡命巴士=.=

因為上星期先有一單交通意外發生係架巴士身上..又係凌晨果陣..

後來因為驚驚地~扣左安全帶..因為我以為從來唔扣的=.=

途中經過青馬大橋果陣~d景色超靚下..對面好似有座若有若無的山..

d霧又一層層咁..好似畫咁..加上天仲未光

直至去到機會接姑姐同表姐機果刻~天先開始光番少少..太陽未出黎囉=0=

去果度等左1個鐘~終於見到啦。但我冇學其他人咁,..沒有來一個擁抱

之後齊齊搭機場快線番青衣姑姐屋企..今晚食完飯先出番去~

快到平安夜了~這是前一天..

原本諗住琴日冇打波今日補番的~點知又落雨..仲要勁大=.=

搞到早上在家中勁無聊..唯有等到下午3點出去補習..

又補習!?當然啦~因為第2個星期呀sir個堂唔舒服..所以今日補番

由3點15補到4點30~補完之後回家..係番到屋企果刻又收到細妹電話

我發覺每次收到佢電話都要幫佢做d野~今次都唔例外=.=

要補佢扲番隻vcd去南豐還碟~仲要比10蚊tim...

比完之後去左東港城入面的新百佳搵dad mum..買左個新吸塵機

買完之後去左行街~買餸..買完之後回家lu...

明天無論如何都要打波!!仲有做acc功課=.=

星期六~好充實..

但係朝早落雨..冇得打波囉=.=

所以只係中午12點半出左去補習..補完習拿拿聲返屋企

因為今晚做節..要幫媽咪做野..

首先齊齊去左街市買餸..但途中見到邱思圓..佢都去買餸..

買左勁多野~多到我同細妹+媽咪兩隻手都扲晒野..

買晒番屋企開始整野~拜神果d lu~

最後整到8點半先食飯..食完之後過左對面家睇戲

睇完回家玩多陣msn就訓了~

大家覺唔覺得~無線d劇習愈來愈on 9..我覺得囉=.="

依家d戲都唔知做d乜..18禁ge愈來愈多..

勾心鬥角~勾老婆老公ge都多左..粗俗說話ge都多左囉..

唔單止教壞細佬..連本身有老公or老婆ge人都會睇到心驚..

最離譜ge就係d戲ge脈絡完全唔知做d乜..結局做得愈來愈差..

自強劍開始..就好似一路差落去..就好似呢場兩妻時代咁..

足而教壞所有人啦~而且個結局仲超離奇超無"溪"

講番正題先..今日去左交電話費..交完打左比樂一齊行左新ge東港城

入面乜野都變晒lu..正如我已經讀左ive一樣..一下子什麼都冇晒lu

晚上比呀媽罵左一餐..原因係罵前ge一刻我都叫樂上黎睇片..

媽話我咁樣做好唔o岩..人地都有自己的生活..話我點解係都要纏住人呢

或者呀媽講得好o岩~我真係錯了..差d唔記得左大家依家ge路都唔同左

我唔忙唔等於人第都唔忙ar...唉~想不到升唔到中六..真係改變左我一生

朋友~沒有了。生活~又要從新開始。放心..沒下次了..

順帶一提~今日呀聰飛左lu..臨飛前sd左個sms比所有朋友..我都收到..

希望呀聰將來ge生活會好好..但千萬不要忘記香港ge朋友呢..

至於讀ive ge我~可能呀媽講得o岩~我已經唔屬於大家樂果個世界了..

希望將來我d升到中六ge朋友們~沒有忘記我這個曾經有緣一班ge朋友..