講少少題外話先..各位網友覺得無聊的話可以省略不睇的..

小時候..我的夢想是導遊同探險家..因為我喜歡大自然

總之所以關於大自然的奇妙景象,動植物的生態環境都喜歡

例如極光~海底~宇宙..甚至地底的地殼都喜歡..

因此我小學同中學都喜歡看國家地理集誌~大自然的書..十萬個為什麼等

但係後來發覺係香港根本冇得讀呢d科~or讀呢d科都好似冇乜用

所以放棄了這個夢想~雖然如此..但我冇放棄到可以看大自然的每一個機會^0^

直到中四開始..學到會計呢一科~先發覺自己原來對會計都好有興趣

所以現在的夢想是做會計師..今次我點都唔會再放棄這個機會了!

我講呢件事係想同大家講:千萬不要放棄從小的夢想..一但放棄了就沒法番轉頭了

正如好似我依家咁...所以以後我都會珍惜每一個能實驗夢想的機會~蹤使距離好遙遠

題外話講完..入番正題啦...

今日番1點半...頭兩堂acc~繼續學control...做左幾題數

而且仲將以前不明白的地方都明白了..hehe^^

最後兩堂IAE..呀k話想聽書~所以4個人就坐左第一堂啦...

E夫人講野仍然都係超悶...搞到我極常訓教~但坐第一行係訓唔到的~所以死捱下去

一個鐘之後有十分鐘的Break~朱仔唔知係邊度整到個BL出黎~

之後同k+danny仔3個一齊玩成堂BL~而我地3個就係咁望住佢地...

原來BL真係超好玩呢...可惜自己部機太廢而玩唔到=.=

5點半放學之後食左5蚊3串魚蛋腸仔..又飲左朱奶~之後就搭車回家lu

今天19度..天氣終於開始回暖了..睇黎拉尼娜現象終於結束了

今日返10點半..所以早上在家中睇左一陣書先返ive

9點半出門口..去到MTR站竟然見到Alpha+_+...

勁啵~我還是首次見到佢咁早返學的..原來係因為....(原因唔講得~sor)

之後就同佢一齊搭到觀塘..然後一齊行到某地方就分道揚鑣lu

頭兩堂普通話堂..基本上成堂都睇我的新書..但偶而都會讀下普通話的

之後有兩堂食飯時間..呀k話食canteen d野食到悶~所以就出左去食啦

行黎行去始終去左裕民坊食m記lu~又因為我有m記的折扣卷=.=

第一次食板燒雞腿包餐..原來係咁好味的^0^...

期間我地一路食一路傾計..主要係講番每人以前的童年ar~之前的事..

有講有笑..好開心ar^0^~所以我就話這一班是我的第2個家..

食完之後成班趕番canteen玩uno=.=...玩左25分鐘...

最後兩堂econ..學左一課以前中四中五都未學過的課題

Law of Diminishing Marginal Utility~但同呢一課好似-->Law of Diminishing Marginal Return

後來問過Irene...原來先知原來唔一樣...但覺得學d野真係好似

連果d Total Utility~Marginal Utility都同以前學果d差唔多囉=0=

上到4點半就放學lu~明天又有E夫人堂...真係唔知該用什麼心情去面對好=.=

秋風起..三蛇肥~但無奈這個時候不是秋天=.=

但今日的天氣好涼快..比琴日更似回到了秋天~最like的了^0^

如果香港可以有地方有埋一大片楓葉樹林or被楓葉樹林包住的路就好了

講番正題先..各位網友~有冇發覺我轉左背景音樂呢~

原本果首係情深深雨矇矇的主題曲..依家轉了做The Greatest Love of All

講起呢首歌..我發覺自己都同佢好有緣的...

想當年(=.=")我還是在原校讀的時候...我是一個西樂團+步操管樂團的成員

負責吹小號..姐係你地叫喇叭的樂器~

在我中二的時候~咁o岩又撞正十年一度的香港唔知咩野的音樂節..

要係荃灣大會堂同香港向有份參與的樂團同other業餘樂團一齊表演..

果晚我見識左好多樂團的排練ar~吹奏~吹果陣玩的花式等..

其中最令我有心刻的是一個業餘樂團...亦是我到依家仲好專敬的樂團

--劃時代雅樂步操樂團~前名為德貞小學舊生步操樂團<--佢地當時排的花式超好睇

仲一共演出左3隻歌~其中一首就係我依家的背景音樂--The Greatest Love of All

果陣時佢地又吹得好慢~連d花式都慢慢的..加上現場燈光又配合得好~整到超浪漫..^0^

如果唔係個樂團只收取舊生的話..我一定會練好d歌入會的/.\

所以如果你地不嫌無聊的話..不妨細心聽下..首歌真的好浪漫的~

講番今日行程先啦..今日係最多堂上的一日..要上6堂

頭兩堂econ~supply elasticity--->供應彈性..唔錯~掌握得到..可能因為以前學過

之後一個鐘休息~後到兩堂英文堂..繼續傾關於project的問題~我地決定左做eating culture

之後又有一個鐘break~最後兩堂中文堂~亦係我自以前中三到現在最留心的一堂

因為今堂學識簡體字~發覺原來我地中國文化真係好偉大的~

到唔知邊個發明左呢d又深又難寫的字=0=...仲有功課做tim~難得一見...

上到5點半就放學lu~明天返十點半...

今天~天氣不錯的一天...唔暖唔冷~好有秋天feel^0^

10點起身..開著部機聽歌..之後就開始睇書..

其實都係翻抄番本<和上海姑娘談戀愛>..只不過今次係細心留意有冇特別的句子

睇完本書之後..又另我改變了自己的人生看法:

"想一想自己有沒有一個很想達到的目標,但最後因為某些原因而氣餒了~放棄了。

心裡有悔恨的話,就要告訴自己珍惜接下來的人生的每個機會,不要再重蹈覆轍了。

所以能克服一切的只有一種力量:勇氣。

只有相信夢想,相信自己,我敢說你的人生一定會過得很精采"

書仲講呢個道理對愛情~事業~對人生的態度都o岩用...我覺得好受用呢

所以前果幾日的blog我都改晒lu(其實只係改左一日的=.=)...不能再放棄自己的了

"一個夢碎了，又會有一個更好的夢"~將來我一定會找到自己的夢的..hee

另外呢本書..都教曉了我愛情的另一個意義...非常感謝天航的書(誠意推介)

他的書可以是半愛情,半勵志,半搞笑...未試過睇到一本唔好睇的..

而通常我msn上所打的說話..幾乎全部都係書入面的句子=.=

賣完廣告了..繼續講番今日行程先..

睇睇下書..約莫2點半到..送新洗衣機的人到了...

之後送完隔多一個鐘之後~安裝師傅又黎埋...跟住就開始安裝啦

過程中~我一路陪伴住而且得閒又傾下計咁..順便學新洗衣的工序

因為以後洗衫的工序就一定是我做的了..原因是因為我係最遲訓的一個=0=

師傅走左之後..我就開始搞清潔啦..清地下垃圾~將d原本ge野搬番原位咁

做左半粒鐘之後終於做完..之後繼續聽歌~仲有同人傾下msn咁

後來到到5點幾先發覺原來自己冇食早餐同午餐..真係feel唔到肚餓都唔記得=.=

明天又要上堂lu~明天的堂的時間排序好似中學果陣的排序..

所以每當到星期三的時候..都會不自覺的想起了從前.....

今日8點鐘起身..但超眼訓~唔想起身返學囉

原因係同琴晚有關的~其實都係自己的錯,,仲累到屋企又破費了/.\

平時每晚每當我沖完涼的時候~都是我負責放衫落洗衣機and開機洗的

點知琴晚洗衣之前我竟然唔記得關左上頂蓋..所以係我訓左教唔夠1個鐘到

個洗衣機又咁o岩搞到fing乾d衫ge工序..結果部洗衣機不停咁郁

嚴重到個洗衣機好似係度跳舞咁(真係的~不是吹水=.=)...

後來嘈醒晒屋企人..呀爸熄左總制先冇事...

但係我地出到去睇果陣~個境況超級壯觀..個垃圾桶成個跌左落地下(反轉=0=)

而個洗衣機個蓋就連埋部機的整個外殼都脫落左..某d機件飛晒出晒..

我相信如果唔熄機的話~可能爆炸都似...幸好好爸的機靈救了全家一命

但依家反而擔心果d嘈ge聲會唔會嘈醒左下面的住戶..跟住比人扣分..

之後我就執番d手尾~即刻浪埋衫同執番d野..整整下3點先訓=.=

所以今早就唔想起身~但最後都起左~仲開埋機聽左一陣歌先走

一番到課室即刻訓教~訓到E夫人黎到~原本想訓多一陣~

點知條xx(E夫人~超想罵佢)竟然唔比訓教囉..仲好似小學生咁話出去去廁所要簽到

所以後來就半迫半眼訓咁上埋果兩堂~之後去左canteen食飯

食完飯之後上acc..朱仔因為病左所以走先

放學之後陪bill~edwin~k行多一陣街先番家..

但明天我就冇得去立法會返工~因為剛剛陪左媽子去買洗衣機~聽日送貨黎~

所以明天要整天留在家中守門口...一定又係好悶了=.=