我忘記了琴日發生了的所有事..只記得以前的瑣碎事
記得以前bb的時候整傷耳仔..記得和我依家住隔離的人一起bbq
記得之後因為少少事同佢地關係變差了...
記得5歲時因為肺炎入左醫院...住左1個月...天天打針天天食藥
但那時的我還以為很快樂...很開心的和入面的朋友玩
最開心的童年..莫過於就讀以前的西貢中心小學...
返學的時搭校巴..校巴一早就返到去了...入面靜英英
成班小孩係度玩扮鬼叫..嗚嗚聲..
校園地理環境優美...可惜後面係條臭河...但只係讀左半年...
之後入陳耀星小學...記得第一年係陳小娟做班主任...
記得讀小六的時候最開心..尤其係去渡假的時候...3曰2夜..
夜夜同老師玩捉迷藏..如何不被老師捉到而周圍走..而夜走卻只為了睇星星
升到中學第一年...我d小學朋友個個唔同班...1個A..1個B..1個C..其餘F
從此感到絕望..午息只係到2樓的後梯望出面ge風景...草多風又多..寂寞
之後比林建敏老師發現左...逐漸又自閉變回乖仔..識左第一個朋友--呂境
中二最開心...miss馬同梁sir好好人..果年可媲美小六..
尤其係成班去bbq..但我因為唔識游水..所以淨係去果度睇海..
之後仲係清水灣2灘行路返屋企!?....行左兩個鐘..5點半至7點半...
中三因少少事同呂境開始關係惡劣..後悔當初...
中四選科了...同呂境佢地分道揚鑣...關係愈來愈遠
開心的回憶會逐漸淡舊..才明白當時的快樂原來真的無法永遠擁有
其實人的一生發生過很多事...你地又記得幾多...忘記幾多呢
就算記憶再差...都仲會記得一d開心事..記得一d一直存在心悸裡的事
ps:其實琴日都沒什麼發生...只是前晚4點送完細妹去尚德後
返到屋企只訓左4粒鐘...然後就打機打足成日...所以就無野寫了
|
