經過呢幾日之後..呀爸條氣好似順番d law..

遲d我一定證明比佢睇讀ive係有前途的!!

話雖如此..如果我能夠係夜晚開機打日記的就真係奇蹟=.=

因為到左夜晚呀爸就唔會比我玩..佢話"夠膽郁就打爆部電腦"

老實講佢做得出的=.=...而且我細妹都要玩..我唔想累左佢..

所以依家唯有暫時朝早打日記啦..

多謝bat姐姐同大家樂支持我..thx..你地都要努力ar...

因為中六中七最難捱。大家樂..你唔好放棄啦..

比心機搞掂d英文佢..唔好一見到英文就走先得ma..

ps:係邊度跌倒就要係邊度起番身..沒嘗過挫折是不會進步的!!

連續陽光左一星期..今天終於落雨啦..超好..

但係因為突然由熱變涼ge關係..我感冒了

開始流鼻水。今天9點幾起身...開始打機..

今天放棄搵學校了..決定讀ive..我一定要努力

遲早叻過讀正規學校ge朋友仔...

中午後去左比超家玩啤牌..玩到7點幾先走..

好耐冇一大班一齊玩了..唔知以後有冇機會呢..

我那個家..根本不是家..

讀中六中七同讀ive的名銜真的咁重要咩..

我一話報左ive..呀爸即刻黑晒塊臉..仲成日罵我..

依家個家每日都像死氣沉沉咁..再不是我以前認識的家..

沒有歡樂的家..我就快受夠了..

原來ive給人的印象真係好差..只有升中六先唔會比人睇死

我講多句野就比呀爸用粗口回10句..有時真係想離家出走

起碼唔洗成日受人冷言冷語..原來有時孤獨仲好過熱鬧...

讀中六的朋友..你們要比心機呀..唔好步我後塵..

依家的生活真係好悲慘..至少你們比我幸福

經過連日來的會考放榜及搵學校..最後都讀左ive

12分..唔高唔低...我憎呢個分數..

琴日朝早6點起左身沖左去葵涌搵學校..校風好差的

正想面試果陣比呀媽call番黎將軍澳..果一刻真係好絕望

不但浪費左我3個鐘時間排隊同搭車..學位更加愈來愈少了

果一刻有了死ge念頭..之後心情平伏左之後沖番去tko

搭mtr去石硤尾搵taxi..點知不但搵左好耐搵唔到..最後仲要跑斜坡

搭左taxi後中途又整路..冇左5分鐘時間..學位由3個變成2個...

去到觀塘繞道由2個變1個...終於去到啦...比一個女仔快左一步..唉

沒希望了..好似個天整定要我讀ive咁...tko學位冇晒...

其實讀ive唔係唔好...我可以專讀會計...但呀爸由頭到尾都唔鐘意

佢根本就唔支持我..不斷罵我同同我冷戰..

有時我想搵話題講佢又話"未嘈啦..最憎d人馬後炮!!"

唉...近排呀爸又拉傷肌肉痛..媽又腳痛..屋企財政又差..搞到我好內疚..

我的人生好絕望呢..我d朋友唔係重讀就升到中六..

得我一個讀ive..以後d人一定睇唔起我..

ps:升到中六ge朋友要比心機呀..唔好好似我咁..

     重讀ge人更加要努力呀..依家連重讀ge學位都冇晒..你地比我好..努力d!!!

     ＊沒有離開的不捨．就沒有重逢的喜悅

        請不要忘記我．我一定會再回來＊

7點起身...聽歌加睇片...

睇完之後就打左一陣機..去到9點半就返學了

超慘..呢排高左+肥左少少..搞到條褲勁唔o岩我..

超窄..窄到連樂都話我比平常更瘦=.=

今次返學校係聽講座..內容係d放鎊前我地應該做ge野

又要影印啦...帶定錢啦..選定學校同科啦..之類的

總之今年制度轉晒..搞到我地心慌慌..

講完升學ge野就到校長同副校+周sir ge說話..

但前兩者基本上係廢話...周sir講ge野反而好d

"不在乎成績高低...只在乎問心無愧"

放左學後我地班boys去左椰林閣食飯(得6個boys=.=)

食完就各自回家..回到家後就約左關公..樂同立一齊在我家

先玩啤牌(我贏最多^^)..之後就聽歌(係關公屋企帶黎ge歌)

最後就幾個齊齊係飯桌上選合適學校同科目..

去到7點到就散了..但未講晒...明天繼續...