琴日果日日記唔打番啦..因為都冇咩好寫..

就寫番今日啦..朝早仍然係要番ive的..

依家發覺我地班的同學愈來愈熟咁..睇黎已經打成一片了=.=

今日上完兩堂mgt後就有兩個鐘食飯時間..

食完之後就同成大班boys玩uno..輸左要做掌上壓..

最後係呀bill輸左..佢得番一隻牌..係9..所以做左9下..

完左之後到左上cit堂..我地趁呀sir未黎果陣又玩左uno..

哈哈~由於冇desk..所以用左部電腦黎做..

玩玩下我地狂出draw2 draw4..draw draw下draw左20隻..

呀祥食晒..超慘..成手都係牌=.=...

之後呀sir入左黎比我地收..收完之後我地d boys應該就冇聽書啦..

個個係度打機..搞到要做word都唔識做..

今曰2點半就放學lu..

慘啦..依家上左咁耐堂,都唔知mgt學過d乜..淨知勁多野背..cit就唔知點溫=.=

今日落雨..所以帶遮番學...

但唔到勁大雨果隻我都唔會開遮的..因為毛毛雨好涼的

番到去上第一堂pa..成堂係度講數同做數..

完左仲比左4條功課..好彩琴晚一早做定先..

之後果堂係MGT..都唔明點解咁多mgt的..明明係讀會計同資訊系統學

但最多堂ge反而係mgt..仲要miss教得極度唔知佢講咩咁..

最離譜就係一樣LQ的功課都冇就話要下個月測驗..咁我地點知點答ar

條友仲要淨講書..超悶..有時就講講下扯到冇雷公咁遠..

搞到我地d男仔後來全部訓晒=.="..

上完之後又到食飯時間..食完之後玩左一陣uno...

之後上最後果兩堂英文堂..雖然英文堂成日教埋d學過ge野

但起碼真係有練習做..真係會學多好多句子同生字..

有時真係想一星期有多堂eng..少d mgt=.="

上完之後就番家lu..今晚又有大把功課做..日日都多~_~

今日係咪打風呢..一起身已經覺得好凍..

而仲好眼訓..事關經過3日周車勞動..一日bbq~兩日番鄉下

搞到成個身散晒..仲要今日d風好凍..個天又黑..都唔知帶唔帶遮好

一番到去上第一堂MGT..又係肥miss上堂..又遲到=.=

仲要個教員室係正對面..都唔明點解仲要遲左黎10分鐘..

之後直落上BIA..教左好多新野..好彩呀sir好好人..放左10分鐘break

上完之後12點半..落下canteen勁多人..搞到又要出去食..

今次仲行左上秀x坪村果間m記度食..試左隻新野將軍漢堡餐..

食完之後玩左一陣啤牌..終於玩左半個鐘有人罵了..

睇黎間m記ge效率唔係太好=.=..

最後兩堂又係最悶ge pa堂..真係新人事新作風..

竟然要我地改晒以前ge做法..跟佢果套做..唉...有排轉啦...

但後來佢講野實在太悶..於是陸逐有人倒下zzzz...

而我自己都頂唔住zzz左半個鐘..之後先起身做數..

4點半到就放學lu

7點半起身..不過已經係最遲果個..而且仲比人罵tim=.=

之後去左酒樓飲茶..飲到10點幾就分開兩批人..

我就一定要番鄉下睇grandmother的..表姐就開始去行街la

grandmother又老左好多lu..之前仲傳話就快唔得..

點知一番到去見到ge反而係龍精虎猛..可能係表哥結婚掛..

又or可能係遠係中國北部工作ge大孫兒番左黎la..

探左之後就齊齊去左高贊睇今日ge男主角(高贊係一個地方名)

嘩..表哥穿得超靚..去到仲見到好多香港ge親戚番左黎..但我九成唔識的

哈~有幾個仲係同我同年紀..而且好靚女..

之後就一齊跟住新郎哥出發去接新娘lu..而呢段行程係最悶ge一段=.=

開頭都覺得幾新鮮ge..因為有15架車排成一直線咁慢慢行去接新娘..

又唔可以越過頭同太慢..不過當地那天都有多對人結婚..所以係街度見到勁多..

去到之後發覺原來仲有勁多人..大約有500人到啦=.="...

之後500個一齊沖上去新娘屋企門口叫門同噴果d雪!?

就果part都用左30分鐘先開到門..入到去仲要爆多次新娘子間房..今次仲耐d tim

後來由於太多人而且間屋太細..我同呀媽+幾個識ge親戚就係下面等..

足足等左1個鐘=.="..期間我ge職責就係看住d細路去玩千秋ar~滑梯果d..做左保母

接完之後又要番番新郎屋企拜天地..原來真係同睇電視劇一樣..

首先要越過火盆..之後要一拜天地二拜高堂果d..

而我就冇睇到..同埋表姐出左去食花生..搞掂晒之後就要等食夜晚果餐..

由於仲有太多時間..所以就行左去探親戚..媽呀=.=...d路勁曲折..

仲要兜左30分鐘ge路..但原來實際只等於行左5分鐘的直路=.=

去到夜晚去酒樓食晚餐..入到去見到ge景象完全係變態的..

有冇咁多親戚呀..有55圍desk..每張desk有10張chair..點知真係全部坐滿晒

後來先知道原來總親戚真係有咁多..仲唔止五代同堂tim..有d已經過百歲=.=

d送勁多勁好味..期間食食下不斷見到新郎同新娘分開兼逐張desk去敬飲..

55張desk..真係辛苦晒佢地...

大約食左個半鐘到就散席lu..之後就搭佢地特派ge大巴番番落馬洲過關..

過完就搭車直通番觀塘再轉mtr番家lu..番到屋企已經係12點半

呀媽仲有心情去買雪糕食tim..琴晚2點先訓..聽日仲要返學=.="

回來啦..等我講番呢兩日係鄉下ge行程先..

首先星期日果日..朝早冇咩發生..只係不斷忙緊行李ge野

跟住1點45分就出發去尖咀搭ship..點知35分鐘就出左去=.=

早知係咁係屋企聽多陣歌先啦..去到咪又係坐..

仲要坐40分鐘啵=.=..其實我地可以搭火車轉大巴ge..

但由於呀媽~姑姐同表姐3個搭車都會嘔..所以就改左搭ship..

終於3點20分開ship lu..之後就係ship度溫左一陣書..

然後全程係度睇書同食野..兩個鐘後番到鄉下lu..

我鄉下係廣東省順德市..最出名係雙皮奶..因為超滑同超好味..對女仔有益

一落到ship當然係搵酒店住啦..我地點都唔會番鄉下屋企住的

因為果度真係農村地方(超農村)..又dirty又臭..加上蚊又多..

搵完酒店之後就同埋綁下d親戚食飯..食完番番酒店吹水=.="

其實係d師奶吹水..細路仔就用紙接飛機玩..而我就開電視睇一擲千金

睇完呀笨同呀占之後就出左去天佑城食甜品(天佑城=香港的新都城啦)

食到12點幾就番酒店訓..準備明天ge飲喜酒lu..