繼續打回憶中的日記..不要看小我..在下很有記性的

我最記得星期三了..因為果日行程幾緊湊..玩得幾開心的

第一堂係Appi..比勁多功課..但由於以前學過..所以好快搞掂lu

之後就上MGT..又係超悶ge一堂..加上仲未買書..搞到聽左等於無聽

上完之後又有1個鐘食飯啦...但只用左15分鐘..飯就食完了...

之後又要呆坐..好彩有個同學仔帶左啤牌..所以就一齊去左4樓玩lu..

4樓好就好..夠偏僻..而且靜。但美中不足..太熱..

其實我地唔係驚比人捉到..只因canteen玩太揚了..雖然好多人係果度玩=.=

因為ive好開通的..除唔比食煙同做其他不法行為外..其他你任玩都得..

如是者我地就玩到夠鐘..終於捱到上最後兩堂啦..ENG..

英文呢堂幾好上的..MISS多以game形式進行..既能學到野..又可樂趣一番

果日放2點半..見咁早我都唔想返屋企lu..於是就出左尖沙咀買書..

其實我一早就諗定去買ga啦..而且仲睇埋地圖邊度有商務..係星光行..

果度基本上去慣去熟..除左謝師宴係果度外..我考的外國試都係果度考..

但事實又豈能盡如人意?..一去到佢同我講"小朋友..搬左啵~搬左去美利華酒店果邊啵"

超慘ar..事關尖咀的地鐘站超大..E出口同B出口差勁遠..依家就係要我由E行到B=.=

終於行左半個鐘就到了=.=..果度超大..仲大過wws同ive ge library..

買完書之後就返屋企啦...一番到屋企個新雪櫃就送黎啦..

之後就超忙..因為要打理雪櫃..而且仲要成家總動員出馬=.=

搞掂晒d野之後個雪櫃終於用得啦..但空空的...

於是成家人就一齊去左parkshop掃貨..掃左勁多..

連其他人都問我"你地屋企出了什麼事嗎=.=?"...哈哈

係呀..香港倫陷啦..

今日要返ive..又係一大早返左去..

第一堂係MGT..由於冇書ge關係..所以上完等於冇想

跟住係BIA..連續兩堂..教多左兩個新方法..都明GE

我發覺我科科都唔掂GE都係英文..勁睇唔明D字..唯有係屋企努力啦

之後有兩個鐘食飯..媽呀..只係30分鐘就食晒..

之後係度呆坐..坐坐下去左2樓睇人打波..又磨多半個鐘

跟住有少少眼訓..去左圖書館借書睇..

點知扲左書之後太眼訓..於是淨訓教就算..就咁磨晒D TIME

最後兩堂係APPI..唔知係咪因為以為學過..所以特別想訓教呢

但我發覺唔係呢個問題..係班主任講得超慢同超悶..

教左3堂先完左第一課=.="..但唔知點解今次訓唔著

所以最後竟然好精神咁上晒兩堂..而今日都選左班長啦...

屋企部機壞左..所以唯有係學校打日記啦..

由於幾日冇打..又要扲番d回憶出黎想下之前發生ge事

果日唔洗返ive..係屋企溫書..溫左好耐..

基本上係由朝溫到黑..但係開住部電腦黎溫啵=.=

所以係半打機半溫書..夜晚都係冇野做..

又係睇電視呀..睇下書呀咁..

我記得果晚發生左件事..令到我平生第一次訓廳..

1:50分果陣..細妹係度大叫"哥..有蟲呀..我要同你調房訓"

跟住就調左啦..點知原來真係有蟲..仲見到隻野係我隻手度爬緊=.=

之後咪諗住訓廳..訓到4點幾..太熱..又番左房訓

跟住可能太眼訓ge關係..唔理佢仲有冇蟲就訓到第2日lu~

在姑姐家..10點半起身..

食完粥之後就入房睇書..

睇左唔夠10分鐘就陪表哥去街買野..

之後我地周圍去格價..行左接近一個鐘..買左勁多野返黎..

返到黎之後就係廳溫書law..溫左一陣又抵唔住武俠小說ge誘惑..

之後睇到表哥出黎我先沖忙放下..表哥係度kaka笑=.=..

跟住我終於扲起心肝..開始溫書lu..一直溫到3點幾..大約一個鐘到

因為肚餓..所以同表哥去左m記食野..食完就行樓梯返屋企=.=

點知表哥話佢要消耗下d脂肪..迫我陪佢行上最頂層35樓..再行番落17樓=.="

行完之後身水身汗..返到姑姐家又繼續溫書..一直溫到7點幾食飯..

食完飯之後呆到11點就走..返到屋企都12點lu..

一大早起身..而媽咪唔洗返上午工..

因為成家人都要留係屋企等個新買ge雪櫃黎..今日送黎

點知等到12點~1點~2點~3點..媽咪返左工佢都未黎..

跟住我就無名火起..打左電話去豐擇罵佢..

點知佢話"我唔知啵..我同你查查佢..遲d打比你"

跟住佢打黎話"個雪櫃太好買了..依家無貨..25號先有"

我頂..25號??中秋節先有..話到尾如果係果日ge話..我地都有半個月冇得用了

於是我即刻打比呀爸呀媽..同佢地講..呀爸話"等我一陣去xyz佢!!"

大約4點幾..約左樂去打乒乓球..打到5點幾..

之後聽多一陣聽就走lu..去姑姐屋企比野佢同住一晚..

目的係去入面溫書..不過其實係屋企都溫到..但驚有勁多誘惑=.=

幸好今日都溫左3個鐘到..入去再溫啦..

依家係ive入面同讀中六冇分別..下下用英文..好難呢..

日日都要返屋企查完字典先明句野講乜..但我要努力!!

因為我知中六d朋友仔努力中..我都要加把勁=.=