今天係測驗前最後一天上堂..要好好充實下..

頭兩堂MGT..半聽書半溫書半打nds..

之後食飯..今天有免費午餐食lu..因為我儲齊20個印仔

我地ive獨有的午餐咭只要儲齊一定數量ge印仔有不同的獎勵呢

但其實超易儲..只要每日食飯買15蚊以上=.=..

最後兩堂cit堂..又係比心機聽書..因為有mock test..

都做得幾好的..只不過時間控制得唔好..超時左少少..

做完之後玩埋最後15分鐘cs..只殺左1個..比人爆左5次頭

放學之後冇溫書..因為明天星期六同日..明天先溫啦..

玩埋今日先..於是就打波加踢"蜆"..玩到5點就走lu..

但冇番到屋企..去左樓下籃球場打波with好友樂..打左個幾鐘先走

但唔知係咪出左一身汗..搞到感冒好左了..謝天謝地^^

頭一堂keyskill唔洗上..但我都照返學..

因為edwin話要搵miss leung問present d野..

咁o岩我又想問完再溫溫書..所以就一早返左去..

點知去到library等左半個鐘都唔見佢到..反而見到呀bill返左黎

原來呀bill諗ge野同我一樣..都想利用呢空餘ge一個鐘溫書..

點知又過左一個鐘之後..先見到edwin番黎..比佢放左飛機..

超把火!!之後果堂cit堂..我記得呀sir話會教新..所以一於比心機聽書..

這肯定係我入ive以後第一堂cit認真的..點知呀sir教左半粒鐘都冇冇野講

所以最後都係玩cs完堂=.=..之後得1個鐘食飯..又係食完玩uno..

最後兩堂BIA..又教概率..途中又傳張list問我地去唔去工展會..

我記得差唔多年年都跟屋企人去..今次轉下新口味都唔錯..

但要講比各位知:要預先有迫到半死ge準備=.="

放學之後去左library溫書..咁次終於有位啦..又係冷氣位..

結果認真的溫左3粒幾鐘...

經過多日黎的瘋狂冷氣係咁吹之後..終於冷傷風了

就實在我地班又是瘋狂的..20度頭還要開冷氣..

最不幸就係我次次楝親個位都係d冷氣位..衰多兩錢重=.=

講番今日先..第一堂當然係account堂..都冇咩事發生..

第2堂又去到果個山頂戲院度上堂..今次又好好心機聽書..

好惜唔知係我蠢定真係佢教得唔好..經常帶我地遊下花園咁

then 2 hrs食飯..食完都冇得打波..事關個場比學校老師book左

唯有成班男仔打1個半鐘uno..其實都幾無聊的~只是draw的新紀錄變左22隻

最後兩堂eng堂..個小肥把聲勁尖..而且我又剛剛食左藥..搞到好想訓

第2堂eng又要去超凍ge冷氣電腦房..好彩小肥醒目..

見咁多人著厚衫..熄晒d冷氣變成開window..

所以後來都可以熱了..最搞笑就係我地個喇叭同隔離間房係連接的..

搞到個喇叭口有冷風吹入黎同人聲law..超嚇死=.=

放學之後去溫書..但由於下星期係測驗週..ive d人個個溫書..

搞到library都冇晒位..唯有落左下面d長桌度溫..

結果吹水多過溫書..事關BT(男班長)黎左..係咁吹以前d野..

溫書時間只維持了1個鐘(佢走左之後.)...

第一堂係MGT..我記得條肥婆又遲到..仲要遲左15分鐘

今日又係我其中一堂比心機聽書ge一堂..但都唔知佢up乜

之後係BIA堂..教新野..好似係概率..

上堂之後又係兩個鐘食飯..食完之後同danny仔果班去左買蛋糕

事關朱仔生日..所以我地要神不知鬼不覺咁買蛋糕比佢

但我記得買左勁耐..尤其係揀蛋糕果陣..左傾傾右傾傾..

最後買左個168蚊的蛋糕..買完之後又去左惠康買刀叉果d

最後搞到淨番50分鐘就上堂..之後見朱仔未番..去左玩uno

近排edwin人氣急升..原因係吹水太勁..仲有好似佢同某女仔有一手啵!?

朱仔番黎之後無幾耐就要上堂..所以佢都黎唔切食就成個扲左上去

上堂果陣miss見到咁ge狀況都知道係咩事..所以超好人咁比我地繼續

之後成堂APPI堂都係度食下蛋糕ar~玩下吱人緊..

我比人前後夾攻..超慘..edwin仲慘..因為佢人氣急升ma..

放學之後去左研討室溫書..係超多人兼係咁吹水..

所以基本上溫唔到書的..去到6點幾就走lu..

今日day off...唔洗返ive..

原本我今日都要去做義工的..但ive就黎測驗..

加上前日果個人打黎比我果陣我應該未起身..miss左個tel

所以應該冇得做了..但就算有得做我都會請假..測驗要緊ma

因此今日雖然day off..但我都番左去ive溫書..溫足成日

其實ive的讀書氣氛好好的..因為我今日番到去果陣..

見到係超靜law..超少人打波..全部人去晒library溫書..

而且幾乎同我一樣..溫足成日..起初得我同bill由10:30溫到3點

後來edwin同keith都黎埋..齊齊溫到4點半..

之後edwin有野做要走..而bill就話溫左成日好累..所以番左家

最後得番我同呀k溫到6點45分先走..

一番到tko..我即刻衝去A&B唱片鋪..因為Westlife出新碟啦..

而且因為特價..所以我即刻買左佢..超開心^^

夜晚發生左一件事..我超火law...又係因為屋企人!!!

琴日我同表姐佢地影左好多相..所以我就楝左d放入呢度的相簿度..

點知呀媽走過黎一睇就係度罵我!!"有冇搞錯呀..相都可以胡亂比人睇ge!!

仲有..你寫d咩日記呀..公開比人睇??第時有麻煩搵屋企你就知死!!"

唉..邊有屋企人咁古板ga..我又唔係比個人資料同密碼比人知..洗唔洗罵我??!!

雖然我都知可能有d壞人會睇到相之後將佢copy..做d壞事出黎..

但我諗冇人會咁做掛...壞人並不多..我相信=.=