又有下d記憶先..活到老~學到老

果日天氣已經開始轉涼lu..23~27度..

第一堂MGT..又聽佢up廢話..最離譜係肥婆又遲到

加上之後佢講d野唔到point..兜兜下又遊左車河

唉...睇黎呢一科都係要靠自己努力啦..

之後係BIA堂..呀sir派左過往兩年ge test paper比我地試下

睇下先知原來呢科都要背少少書..唔一定全計晒數..OH NO!

跟住又到漫長的兩個鐘食飯..食完之後又係玩數字球同羽毛球

搞到我近排好似瘦左but強壯左=.=...但就真係次次流晒汗

最後又係兩堂APPI堂..都快到3個月了..仲教緊cash book..好慢

放學之後去左學校圖書館溫書..溫到7點鐘先走

涼風有迅..秋月無邊..月亮還掛在天空上發著光

又是做義工的一天..今次做的範圍係港島西..

朝早出門口果陣..又見到日出..但今次晨曦的光係橙紅色的

今日又係果幾個人做..但就每次都有同一個女仔唔做..

睇唔出佢係學校咁勤力..估唔到係d應承左人唔做ge人..

果然人不可貌相..對佢改晒觀=.="

做果陣一有休息時間..我通常都訓著左..因為琴晚好夜訓..

今日遇到一個超賤ge呀婆..佢濫用易達巴士law..勁想x佢..

件事係咁ge"個呀婆係睇精神科ge..其他身體狀況好好..完全冇事

所以係唔洗搭我地ge bus..但佢就扮晒野話隻腳有事

點知我地個司機華哥一早睇得出..於是就暗中令到佢露左狐狸尾巴

但其實都係個呀婆自己衰..睇完醫生又唔去toilet..架車洗緊果陣先叫停

明知果度係雙黃線唔停得又唔理..最後由於顧客至上..我地放左佢落車

點知佢即刻除晒d手腕呀~護墊咁..跑去醫院去toilet..係瑪麗醫院

瑪麗醫院係山度..佢只用左5分鐘就來回左..我地仲以為佢係山度呵左

點知佢話"傻啦..我跑去醫院on ga.."<---穿左啦..扮晒野腳有事=.="

後來先知佢真係為左少出車錢而濫用我地巴士服務..真賤...

最後我地做到4點13分就做完...之後我約左卓同樂去m記食雪糕..

食完就走lu...明天要返學呢...成身散晒...

今日超黑仔law=.=

首先朝早9點鐘醒左..但頭好痛..再訓過

之後11點先起身..跟住食個飯..食完玩左一陣機

到2點半諗住落下面溫書果陣..先發覺唔見左張證

搵左勁耐..諗左好耐..罵左超耐(罵自己=.=)...唉...

剛剛先扲左今個星期的日常費用..無啦啦就冇左30蚊

扲左去補證..去到厚德果度..d人話"E..你之前唔係黎過咩??"

跟住我先同佢講話唔見左證..搞搞下冇左一粒鐘溫書

去到3點半先扲番張新證去樓下溫書..一溫又到5點40分..

返到屋企之後飲埋碗湯..明天又要做義工lu..

秋風起..三蛇肥..但唔關事啵=.=

總之今日就好涼啦..心情半喜半驚..

朝早8點45分比fishball一個電話嘈醒..向著球場進發

打到11點鐘就走lu..之後on左一個鐘msn..

跟住就去灣仔補習..去到灣仔先發覺唔夠錢食中午..

但如果揀用錢食中午ge話..就要行路番屋企lu=.="

最後問左大家樂借錢食..補完習之後去左tko圖書館還書

還完之後番屋企扲齊d野去樓下自修室溫書..一溫又到夜晚lu

今晚樂ge屋企人又去婆婆家食飯..所以我又拖左佢上我家一齊食

今晚打邊爐..食食下細妹講左勁多爛gap同推理兼心寒ge故事..

有幾個超恐怖的..我就講其中一個爛gap啦..但要你地估啵^^

唉..但都唔知有冇人估ge..我個blog咁冷清=.="

"黑貓同白貓係好朋友..有日佢地一齊過馬路..點知白貓比車講撞到..

咁隻白貓臨死之前同隻黑貓講咩呢??"....哈哈..超爛的gap..估下啦^^

講番今晚先..講講下心寒古仔..呀爸又講番以前小時係鄉下ge事

原來呀爸話佢以前真係見過鬼的..但佢知只係魂魄..

我同樂聽左之後超驚..當時唔止呀爸見到..佢ge已故朋友都見到~_~

跟住講講下又講左去其實鬼的真正意思:平時大多不會見到..

但如果你成日同某過親人見面同傾計..但有一日佢瓜了..

咁你會好易見到佢地..因為你對佢印象深ma<---呢個係呀爸ge心得

食飯之後叫左對面屋企ge暉暉同佢家姐過黎玩uno同啤牌..

一邊播歌一邊玩..玩到12點鐘就唔玩..跟住送大家樂出lift..

講番今日真係把鬼火!!..我發覺令次發火都係因為肥婆

事因係咁ge..我9點10分返左去ive..點知上到405室..

見到門口貼左張紙..cancel class!!!...我頂..

又冇人通知我..我明明琴晚成晚開電話ma..都冇人打比我

個肥婆又係ge..講都唔講聲就cancel..搞到我浪費晒車錢

當我係咁罵佢ge時候..見到FANNY返左黎..

跟住陸續有人返黎---睇黎全班人都比肥婆fax左..

最後我地去左library坐一陣先..之後成大班落左去操場..

見到朱仔佢地超無聊的玩2人排足球..腳手並用..

後來我約左幾個boys入左canteen玩uno..玩左2個幾鐘=.=

之後食完飯之後上cit堂了..一上堂呀sir話要做一份文件..

點知做左勁耐之後先發覺原來我地做錯晒格式=.="

搞到重頭做過..做完之後到2點了..之後見仲有半個鐘

我地成班boys連aoc..4打4..但學校d機太廢了..

一入即跳機...搞到試左30分鐘..跳足30分鐘=.=

完左cit堂之後見咁早唔想返家..就同班上d人玩數字球..

3盤之後由數字球變左水果球..但玩玩下我地連自己係咩水果都唔記得了

搞到最後呀bill輸左..佢係哈蜜瓜..但一次都冇叫過佢就變左龜了=.=

一盤之後由水果球變左人名球..今次玩ge野仲難..

每人屬於人第的一個名字..冇人記得law=.=

又或者某d人名太出名..狂比人叫..哈哈..

後來呀祥叫""黎啟祥!!""叫番自己..點知最後佢輸埋..

搞到屬於呀祥ge名ge人射番佢..自己射自己=.=

玩完之後睇人打排球啦~羽毛球啦~籃球啦..睇到4點半就走..

番番自修室溫書溫到7點半先走..