今天ive要補課..返10點半..

以為九點鐘先起身實遲到啦..點知仲係早到左15分鐘=.=

點知去到11點都未開始..最後先知原來一早可以入去..

只不過係B班的進度唔同我地..所以要等到11點先一齊上

一入到去miss話可能12點半先放..係的話就趕不到去bbq了

唔知係咪我地A班太聰明..搞到12點鐘就放左..haha..

原來諗住問栗米粒去唔去bbq的..點知佢一放學就同佢fd走左=.=

之後就自己出發去九龍塘再轉KCR啦..去到已經1點10分..

點知打比gary..原來gary放流料..立同埄哥根本未到,,白等左半粒鐘

之後呀立出埋黎埄哥先係MK出緊黎..唔知仲有冇位bbq tim..

跟住就同呀立入百佳買野..順手等呀陳同呀貞仲埄哥黎..

等完之後一齊入大尾督..一入到去先發覺根本大把位=.=

之後埄哥要出番去大埔中心接other people..淨番我~立~陳同貞係度

我地等左勁耐..唔耐煩就開始自己試下整起個爐..

呀貞負責點火..我同立負責加炭同係咁撥..撥左半粒鐘到終於着左啦

哈哈..我地終於識整着爐啦..利卓變廢了..

但我地唔記得左一樣野..d報紙幾乎比我地燒晒個爐先着左..

而且佢地有排都未入黎..咁早燒做乜=.="

之後貞同陳太肚餓..去左買菠蘿冰同一包腸仔食住先..

食完就繼續加炭延續個爐..延到5點幾佢地先黎..姐係我地燒手指燒左2個鐘=.=

一見到佢地黎..即刻交比佢地啦..我地可以功成身退之餘..我終於可以食早餐啦..

之後就係咁燒..勁多野食呀..埄哥同利卓仲煲埋糖水比我地食..thx

期間男仔食飽就去打機..什麼psp~nds等通通扲出黎..

而女仔就係咁傾學校ge野同外面ge野..無意中聽到周美玲話要入港大..

超有信心..我覺得佢應該有機會入到的..就信心已經增加贏面啦..

玩完又繼續瞽..燒到最後班女仔出左碼頭傾計..我同利卓就去左睇星星

頂=.=..香港d光污染真係超離譜..光住晒個天..搞到星星都睇唔到..

最多見到一兩粒..最清楚的都只係睇到八仙嶺呢座山..仲有個海..

不妨介紹下:這個地方的日落好靚呢..絕對是一個好地方..得閒去看看o^^

燒到10點半到比超同立仲有藍藍要走先..因為比超冇帶key=.="

而我就陪埋利卓佢地去到11點先走..搭小巴去到大埔中心後..

由於我冇散銀搭車..所以去左7仔買野找錢..點知有車到了

佢地竟然冇等我就走左..唉..想不到到頭來都係自己一個回家..

不過我都預左佢地唔會等我了..因為班女仔對我的態度好冷淡..

只有呀貞同呀陳唔係咁..係咪因為我升唔到中六..所以你地對我咁呢/-\

ps:bbq期間..我想幫cathy倒水..因為佢唔夠力..咁o岩我又係側邊

     點知佢一見到我就理都冇理..仲強行自己倒左佢..連被我幫都免了..

     這是什麼意思呀=.=?就算你唔當我係你同學都好..我都會幫你的

     起碼我們曾經同班ma..要這樣絕情嗎..hehe(冷笑)..

明晚要番大陸..因為要飲表姐餐喜酒..所以明天可能打唔到日記呢..

今日由於MGT的miss要去大陸..搞到頭兩堂冇左

改左係星期六上午=.=..明天又要返學啦/-\...

所以基本上上午係冇野做的..因此去左圖書館..

去果度呆左兩個鐘..還書扲書睇書最後借書..

借完之後去左大快活食飯,,食完飯先返ive..

午飯之後上電腦堂..又係兩個鐘..教書同打倉頡速成..

上完之後就返家lu..悶悶的一天..

今日仲收到個消息:11月14日係ive測驗週..

計落計落..ive考ge試的次數比wws仲要多=.=..

ive返學..今天算是開心的一天

第一堂係keyskill..玩左個低b遊戲..磨左半堂=.=

之後另外的30分鐘就做d好important ge野..就係搵工做

玩下ge姐..只不過係想帶出今堂ge目的ja..

上完之後到cit堂..cit堂仲悶..由於全間ive ge computer都上唔到網

所以呀sir都唯有淨講書..但講得超悶..我地班九成人都玩上唔到網ge game

而我就玩小畫家..結果用左兩堂整左一幅靚畫..仲做左wall paper..

畫入面的主角:龜..係完全唔同畫成比例的=.=..佢仲高過棵樹..

上完cit堂之後有兩個鐘食飯..去完canteen食之後就出左去打波

但嚴格d黎講就只係射波..仲要全都是我地班的..

之後女班長提議玩鬥射波..a入左但b唔入的就要做掌上壓..

最慘就係女仔可以係一分線度射..但男仔就只可射3分波=.="

開頭朱仔同danny仔連入兩球3分..我唔入都算了..仲要air tim..

由於air要射雙倍..所以一開頭就做左20下掌上壓..

哈哈~之後我逐漸適應左個波之後..之後基本上只射失了一球..

點知玩玩下女班長要開班會議..然後我地班boy就轉玩數字球..用排球=.=

輸3次要做龜比人射..第一次我就輸了..比人當笆咁射..

有一球仲比人射中個肺tim..都幾痛的=.=

但之後果3盤我都未輸過..反而lemontea就連輸兩次..仲比人射到個頭=.=

最後總共玩左個半鐘..之後上bia堂..

又教左d新野..比埋功課做放學law

10點45分起身..之後睇左陣電視

11點食粥...食完之後就開始溫書lu..

由12點溫到5點15分..之後唔溫..

總之成日都係屋企渡過啦..悶就唔悶ge=.=

但我諗夜晚會悶d..因為屋企人係度..

而且多數唔比睇電視..睇黎又要溫書lu>_<

今日係中秋節..一個與別不同的中秋節..

我驚寫滿整頁日記網都未寫晒..因為真係好多野寫=.=

首先係今朝返ive先啦..唔知點解我早左勁多返去..

可能因為有得買舊書ge關係..但去到先發覺原來自己一早買晒..

但就見到好多同班同學係度等..於是就join埋一齊等..

魚..女班長又話9點鐘有..點知遲左15分鐘..早知唔洗咁早返la..

買完之後搭lift上去..我依家先知原來ive係有lift的=.=

第一堂係MGT..今堂講d勁history ge野..搞到有少少悶..

其實我地一早覺得個miss教得唔係幾好ga啦..而且仲超多缺點..

又冇記性..上上下堂無啦啦有個電話響..響完仲要唔收線..出去傾=.=

又成日遲到啵..最弊遲到但早返呢..所以基本上我地備課仲好..

跟住上BIA堂..超初教d野都好basic下..而且呀sir仲超搞笑..

佢話:"大家望住個35..35係點組成ge呢..望住..係又3同5組成..所以就叫35啦"

哈哈..我地無啦啦變左kindergarden的小朋友..齊齊學數字的組成..

但跟住果d就幾難..仲要記勁多新英文生字同公式..功課都多呢..

上完兩堂之後又有2個鐘食飯時間..今日超多人..所以我地4個人落左翠屏村食..

點知行左勁耐..由於咁o岩係食飯時間..2間中學加一間ive ge學生一齊去食..

所以度度都冇位..最後狼狽到去酒樓買飯盒去公園開餐tim=.=..

食完之後番番ive睇人打波..睇左45分鐘後去左班長玩啤牌..玩到上堂唯止

之後上PA堂..學d野超basic..但比左勁多功課..4點半先放學..

一返到屋企..呀立打黎話今晚中秋晚齊齊出去玩..8點半樓下等..

我原來諗住食埋晚飯先出去ga..點知呀爸太多野做..等左勁耐都未返家..

最後都係決定出去食..今年難得約左8個小學fd去打乒乓球=.="

由9點打到11點..而我ge晚餐竟然係m記ge 5號餐=.=

最估唔到ge係今年冇candle玩..反而玩左乒乓球..哈哈...

打完之後去左新都行..可能太夜ge關係..冇晒冷氣=.=..

搞到唯一ge目的冇左..行行下有3個小學fd要回家..

之後就淨番我~樂~立~比超同小學fd魚仔一齊去清水灣半島行..

而我地ge歷險旅程就開始lu..我地一去到果度..

就即刻行左入去d人釣魚ge最入處..一去到..別有一番天地..勁多人..

之後見入面仲有路..咪一路繼續行law..點知冇光..又勁黑..超恐怖..

行左勁耐..大概用左30分鐘到又見到一大塊空地..又勁多人..

但d人係行緊出黎law..可能因為果陣係12點半掛=.=

點知條路都唔知係咪無盡ge..咁長ge..之後我地5個就繼續走落去..

之後又去到一個勁黑ge地方..伸手不見5指..遠處有人玩到火光紅紅..

但遠到好似鬼火咁..超恐怖..仲無啦啦有個人好飄忽咁行緊過黎~_~..

之後因為太黑..我地就變左小朋友玩火車遊戲咁..搭住肩膀行..

行左勁耐..勁耐..去到前面以為係死路..點知走走下又有空地..而且勁多人tim

都唔知佢地點搵到呢塊世外桃源的=.=...

最後行行下行左去調景嶺後面..但好似冇路出去..

no~有路..但超黑..仲有時有少少怪聲..嚇死晒我地=.="

又行多一陣..終於見到出口啦..但出之前有條小斜坡..有條獨木橋=.=..

係小斜坡果度我差d碌左落去(因為要幫一對夫婦搬單車)..

幾經辛苦終於出番大路..果陣係1點20分..

旅程超驚險law..平時就比錢去ocean park嚇自己..

今年唔使tim..去探險..搞到自己嚇自己=.=..番到家真係要沖番個靚涼lu..

事實證明.."山窮水盡疑無路~柳暗花明又一村"呢句野絕對係o岩ge=.=