海龜的家 - QOOZA BLOG 網上日誌

greenturtle : 個人主頁 - 相簿 - 訂閱 [ QOOZA - 論壇 - 登入 ]

greenturtle

暱稱：小強
性別：男
國家：香港
地區：西貢區

MORE...

最近沒有訪客

日誌統計

文章總數： 261

留言總數： 65

今日人氣： 34

累積人氣： 3109

站內搜尋

RSS 訂閱

2007 年 10 月 25 日星期四

2007-10-25

分類: 未分類

哈哈~呢兩日超開心呀^^講番星期四先..

星期四我地班一早知道只上頭果兩堂..所以一早決定了

決定了在cit堂之後去apm唱k..原本只得15個人到..

後來我地班d冷門人物見咁早放無野做..全部去了

到左最後竟然有19個人去wow..book左大房..

我地唱左好多歌..大多都係yenphy同呀淦仲有朱仔佢地唱

呀祥同呀耀都有唱唔少..而由頭到尾冇唱過ge得振昌~浩然同二爺

原本我都冇唱過的..點知後來keith同danny仔叫我齊齊唱westlife d歌..

所以我就無啦啦唱左兩首歌..唉..唔知係首I Lay My Love On You太快定..

我地3個d聲太沉..搞到完全唔match..唉...出醜了..

最後每人要出45蚊..唱完之後已經4點..

但我地仲未走..我地去左隔離打機..開頭狂玩氣墊球..

朱仔超勁..玩得超好..但女仔好邊呀余又係超神...

玩完氣墊球後我去左睇人玩跳舞墊..有個呀叔超勁wow

玩超難果d冇一下miss過..仲扲晒AA成績..

後來我地成班boys睇d女仔玩反應快ge game..愈睇愈好笑..

yenphy成日輸..amy隻手唔知係咪神手黎=.=

我地玩到6點就走了

發表時間：2007-10-26 08:42 PM [ 訪客留言(0) ] [ 編輯日誌 ] [ 分享至FACEBOOK ]

2007 年 10 月 24 日星期三

2007-10-24

分類: 未分類

哈哈~今日我相信我地1A班最笨..

雖然話今日係好莊重ge日子..但肯定冇我地班咁嚴重。

今日一番到ive..就上班房啦..點知入到去見到有人比我早到

但只係得d書包係度..仲要唔開燈..我都覺得奇怪la..

點知係開燈果剎那..R~K~仲有兩個唔識ge女仔哇一聲嚇我..

但都嚇親..因為我入班房後冇望到地下..只係一心想開燈..

所以不但嚇唔到我..仲差d比我識穿左..搞到佢地好冇癮..sor^^"

之後班度陸續有boy同girl返來..見到只係全部boys穿晒西裝

但d女仔就好平凡..搞到我地班個樣好怪=.=

嘩..原來著住西裝係ive入面行黎行去個樣真係好怪..

仲要1A同1B得我地班的其中10個男仔著..搞到超搞笑咁

後來我地d boys直頭冇食到lunch..個個係度連nds~太鼓..

捱埋最後兩堂英文堂..終於要去043室扲證書啦..

見到好多BA ge boss級人馬..但學生ge服裝就同佢地有d格格不入

只有我地10個加B班的數個先似番d莊重ge樣..

跟住叫名扲果陣又發生左件小插曲--我同男班長比人叫左名但張野唔見左!?

原來佢地唔小心放左最後..搞到我同男班長罰企左好耐..

最後仲有點心茶聚..係自己扲..勁似謝師宴law..

我地班boys仲狼死咁..扲3~4包..咁又係..唔洗錢ma..哈哈

放學之後趕快沖番屋企換衫..換完之後去左自修室溫左3個鐘書..

之後就返家lu..明天好似要想好少堂..改晒時間..

發表時間：2007-10-25 12:20 AM [ 訪客留言(0) ] [ 編輯日誌 ] [ 分享至FACEBOOK ]

2007 年 10 月 23 日星期二

2007-10-23

分類: 未分類

今日一番到ive..已經見到內閣之一ge積木係度..

佢地真係勁..所以我當時就決定左要投佢地票

其實原因都有好多..第二內閣circle都唔錯ge..

只不過做野好懶散..至於第3位yellow bomb我最唔like

因為佢地真係好似冇做過野咁..連1分鐘介紹果陣都好hea咁

好似覺得交左差就算。最後係第四位air..佢地都唔錯的..

只不過佢地好鐘意搞欄gap..欄得黎又有少少白痴..

我記得佢地1分鐘介紹果陣講"我地ge目的係征服世界...."..=.="

但之後佢地都冇乜點做過野..開頭好努力..好似衰收尾咁..

但積木就真係好好..就睇佢地每朝一早返學叫我地投票咁啦

雖然話咁樣好似係度抄晒野咁..但起碼佢地肯比心機做過..

講番今日行程先。第一堂係MGT..沒什麼事發生

到左BIA堂..又要做project啦/-\..題目係研究5大成份股

要係恒生指數40大種成份股中楝5隻黎做..又係12月交

MGT同BIA都係12月交..跟住11月又要測驗..時間好少呀..

之後兩個鐘食飯..由於每星期一都係最多人係ive..所以根本冇位

後來我地班的10個boys一齊去左酒樓食飯..入到去最驚訝..

原來唔止我地..大把~小學生係入面食..18蚊大碗飯同麵+送lemontea

超抵..食完之後番ive睇人打波..最後20分鐘上去玩uno等上堂

最後果兩堂又係悶..APP..又係差d想訓教..

放學之後去左投票..投完票番青年空間自修室溫書溫左2個鐘

之後就番屋企law..明天要著西裝番ive ar(特別規定)~好期待^^

發表時間：2007-10-23 10:43 PM [ 訪客留言(0) ] [ 編輯日誌 ] [ 分享至FACEBOOK ]

2007 年 10 月 22 日星期一

2007-10-22

分類: 未分類

獲益良多的一天..縱然辛苦亦愉快^^

天仲未光..就要起身..出門口果陣大陽剛剛出黎

之後6點半出到藍田..然後就等埋朱仔佢地一齊出發..

Keith遲到..唔等佢law..搞埋晒d野之後就正式出發!!

由於每人跟不同的車..所以之後什麼都要靠自己..

今天工作的範圍係香港島..睇完張list..先知同遊車河冇分別=.=

架車好特別..橙白色..入面d設備先進到我驚訝晒

入面果道的地下有條齒輪路軌..目的係鎖住架輪椅車..超安全

跟住入面仲有升降台..目的係幫助坐輪椅同行唔到ge人用它步入車廂

跟住入面又有各式向樣ge鎖..所以基本上有accident都唔洗驚..

講番行程先..第一站is銅鑼灣某天橋下..司機同護理員加我一齊去買包包食..

食完之後接第一個伯伯..之後就係灣仔同銅鑼灣不斷兜..

架車狂搖之餘我又要低下頭寫問卷..搞到一向唔暈車ge我都頂唔住

差d嘔=.="...之後接齊果11個人之後就車去律敦治醫院..

車完之後開始第二程..下一站係北角~太古果邊啦..

又係去d我完成未去過ge地方..接完之後送去東華東院..

之後第3站係去瑪麗醫院接人番屋企..又行新路=.=

佢竟然兜摩星嶺果邊去香港仔..所以兜勁耐..

期間有個伯伯超好心..佢話"我地d老人病多..你唔帶口罩好易出事"

之後就比個口罩我帶..跟住同我講左好多野:

"你唔好因為自己讀ive就睇死自己..讀ive冇罪的..

只要自己冇睇低自己就得..唔洗理人第點諗點睇"我感動到想喊^^

之後佢仲講"做義工亦不要玩玩下..一定要扲個心去做..

如果唔扲心做ge話..你做落去都冇意思..老是埋怨..

總之你記住..做義工最緊要係人第開心..你先開心.."

我聽完之後諗起范仲淹果句名句..同個伯伯講ge野差唔多

"先天下之憂而憂..後天下之樂而樂"..同做義工一樣的

之後架車又繼續兜..東至小西灣..西至香港仔..中至香港大學果邊..

總之香港島什麼路呀..山呀都兜過晒..差未去西環同石澳..

最後5點半先係太古做完..回到家中..天都黑了

月亮高高掛在夜空上..今天真好..日出日落都睇晒..

發表時間：2007-10-22 07:02 PM [ 訪客留言(0) ] [ 編輯日誌 ] [ 分享至FACEBOOK ]

2007 年 10 月 21 日星期日

2007-10-21

分類: 未分類

9點鐘起身..太早又無野做..

所以就係度睇書..睇到12點..食早餐..

食完之後繼續睇書..睇到2點半..樓下自修室開了

所以就落左下面溫書..落到去見到大家樂..於是就一齊溫

我地溫到5點45分..果度d職員黎趕人..因為星期日只開3個鐘

完左之後大家樂冇番屋企..所以就去左我家玩uno..

總共有5個人玩..加埋對面鄰居的2個..結果同一結局!?

始終都係我同樂輸得最多..就連細妹唔識玩第一次玩都比我地勁

我同樂就係少緊份運氣..玩左半個鐘之後樂走了..

之後7點鐘屋企食飯..食完之後依家就打日記law..

ps:期待明天的義工---照顧公公婆婆..有得行善積德都唔錯^^

發表時間：2007-10-21 08:05 PM [ 訪客留言(0) ] [ 編輯日誌 ] [ 分享至FACEBOOK ]

« | 29 | 30 | 31 | 32 | 33 | 34 | 35 | 36 | 37 | 38 | ... | 53 | »