古祖是讀時裝出生，雖然被一站式教育洗禮，由紗線織布車衫質檢學起，以至零售採購設計廚窗供應鏈商業環球市場概況都涉及到，無錯，關於市場學，我只有涉及到 概況已而，但畢業後一直從事 Marketing的工作，神奇吧？！啊，不！我有做過採購的，即 Merchandizer，是一間專接國際大品牌的公司 (夠虛榮吧 ~.~)，負責周邊配件的採購，即Trim & Accessory，公司福利是至今打工生涯裡 最好的一間，老闆十分闊綽，新年利是極大封，pantry雪櫃有雪糕任食，飯後又有專人批生果過你吃！！！可恨的是，我了解到自己的材料，跟本不能在此行立足（每日不知幾十（百？！）計的email，做起來其實很刻板的工作)，於是很快便 離開了。
其實我只是愛美，對於別人的創作、畫功、攝影、雜誌上的造形等，我通常都能發出無限欣賞和羨慕，只可惜天生畫技嚇人，進不了設計行業；採購已嘗過，不會回頭了；餘下關於時裝的行業不多，質檢(QC)？好像都是中年男人躲在東莞的藉口，不fashionable啊；到公證行做Lab Test? 沒有chemical底子好像好蝕；到前線做啦，做埋管理層感覺幾威？但我又冇sales的口才...；做Styling啦咁，日日夜夜對住d衫呀！好似要識人先入到行既；入時裝雜誌做？人地又要求你文筆好...；得返Marketing好似無咩特別要求，睇落咩都有d一定唔悶啦∼就係咁，我掙取到第一份關於市場營銷的工作，初初未係好關FASHION事，只是接觸零售界，但有時裝品牌咁啦，遲D有機會會分享到。
最後，我悟出了一個道理：有誰仍牢牢記住F.5會考的數學精讀本？大家只會簡單的加減乘除面對日常生活吧。同樣地，市場營銷最核心的精髓，咪就係on the market！所以，我從來不以不精通市場學為恥，讀多多書都不及你放眼看一下市場的動態呢∼當然也有書到用時方恨少的時候.....
（點解叫古祖，只因朋友間最近談起＂古早味＂這個term，入左腦，就將佢同我合二為一啦，哈哈！）
|
