27日,今日好開心咁同班同學上左一日堂,堂在二堂課六個小時內ko完神經系統,我覺得真係好神雞下加!在中段的時候我地大部分人都已經比大腦完全ko,而我都只係得返百幾血到,都在快不行,而人生老師出大絕,令到我地立即又無多成百血,大絕名叫"課堂一個中請返去用3到5倍的時間温習",大佬我都上左三個星期堂21小時,如果真係咁的話咁咪要用63到105個小時黎温習咁最少都要三日先温完,重要唔訓,咁十一就完左啦,yeah!!!!!當堂死多一半人,哥時我得返10血到,都快死啦,頂到去12對腦神經和31對脊神經時,我已身亡啦!之後一直處於半死狀態,完左之後去左食野,同同學去食日本野,ok但好貴下,之後都唔可以咁大洗啦,得番幾百蚊,政府的助學金11月先比,要頂往呀,重要學車,點算呀!

下就,去左關愛的活動,今日真係好好彩,咩都有我份,要每個人講一包四字成語,我講左一箭兩鵰,點知佢之後叫我地講,大哥哥/小妹妹洞房花燭,我兩xxxx(就係哥句四字成語),我之後先發覺我笑點好低,我笑左好耐好耐,但真係忍唔到=.=之後每人囉紙卡,我攞左"賣淫婦女"sad咁好彩加?咁我就變左高危人士啦!!!,之後要分兩組人,比賽打牛奶x  比人逼左在最後,要轉十圈再同枝本帶,好xxx呀,不過都係我最快^^

上中文,無咩點听,听下唔听下,有d担心.下堂要听番先,不過都幾開心下今日.

但返到屋企,見到張電話費單,見到佢8月15到9月15的月費,我就知我下個月就大件事啦! 我就快見到湖底啦!點算好呀><