| «‹ December 2014 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | 31 | |
|
2012 年 5 月 2 日 星期三  |
| 屋企廁所塞咗.......>_< |
分類: 生活 |
呢兩個星期.... 真係過得好慘.....
因為屋企個廁所 "塞咗", 令到我和我男朋友去廁所時, 非常擔心.....
擔心辦完事之後, 沖唔到廁所.......!!!!!!
本人於 1/5/2012 致電 "勁達" 93044242 的職員查詢廁所通渠收價,
通渠地址 : 保密
Ref no.: R120501003
已收取費用 : HKD$1100.00
本人已在當日的電話通話中, 清清楚楚地說明有關事件之詳情, 而且都問清楚該職員當日有無師父可以上來 “通渠”,
該職員聽完後, 就立即報回通渠價錢是 HKD$400~$600 "通唔到唔收錢", 並告知本人需要等候一個多小時 就會有師父來到為你通渠.
當日, 本人由下午 15:20p.m. 等到 17:00p.m. 都沒有師父前來通渠, 於是我在 17:28p.m. 再致電該職員查詢,
還要等多久才會有師父來通渠, 該職員每次都是回覆我 (吓~~無理由會咁耐喎, 我幫係問一問先, 轉頭覆你),
好啦~~~ 我又等.... 等到 17:52p.m. 終於有一個師父來電 "電話號碼 : 62956654",
他問我, 宜家係咩情況, 我再次在電話中清楚楚地說明有關事件之詳情, 我講完之後, 問該師父何時會來到通渠,
他都是說 "轉頭覆我", 之後我又再等...等... 等..., 在 19:13p.m. 我再次致電 "勁達" 93044242, 結果 "無人聽".
到19:22p.m. 有個 "91806857" 既不知明師父來電, 他又再問我宜家既情況, 於是我又講第三次,
等咗一陣, 又再有師父來電 "93715158", 呢位師父真係來通渠.
我覺得好奇怪... 呢位師父一上到來就開價 HKD$600
我就同佢講 : 通渠唔係 HKD$400~$600, 通唔到唔收錢咩
師父答 : 是…… 跟住唔出聲, 佢望住個廁所一陣之後就問 : 咁你通唔通呀
我就答佢 : 你試下通…
當個師父拿出一個 “高氣壓泵” 時, 我和我男朋友就心知佢一定通唔到, 因為個師父既工具好 “流”
結果, 個師父整咗幾下之後, 就話 “通唔到”, 話需要移開成個坐廁先可以拎番d垃圾出來
咁我問個師父 : 你咁樣整要幾多錢 & 要整幾耐....?????
師父答 : 呀…… hkd$1100, 要整一個多小時
咁我問 : 要移開成個坐廁, 你需唔需要搵你d同事來幫忙啊…??
師父答 : 唔洗, 我宜家落去拎d工具就得嫁喇….!!!
我答 : 哦……
等咗一陣, 師父返來, 但唔見佢拎咗d咩工具可以幫佢移開成個坐廁, 之後個師父就開始整….
整咗一陣, 個師父就話通咗喇, 但個坐廁你無移開過, 佢只在坐廁後面的渠位道, 開少少孔, 搵支嘢整咗幾下, 然後用d膠封番, 就話通咗, 佢仲試比我地睇, 但其實睇唔到d咩, 因為d膠都未乾, 個廁所都未正式可以用
師父已經同我地講 : 要等d膠乾咗先可以用嫁
我問 : 咁要等幾耐
師父答 : 要等一至兩個鐘
到比錢果一該, 我問 : 師父, 點解你仲要收hkd$1100 啊, 你都 “無” 移開成個坐廁, 咁都要收hkd$1100, 你剛才係話, 需要移開個坐廁, 所以先要hkd$1100喎
師父答 : 因為D泥太實, 所以個坐廁移唔開
我問 : 咁我頭先問你洗唔洗搵你D同事幫手, 你又話唔洗, 咁你宜家都無移開個坐廁來整, 你咁都要收我HKD$1100, 你應該平番D比我喎……!!!!!
師父答 : 我都有做功夫, 都有幫你封番d膠啦
我答 : 師父, 你要開孔通渠, 就要整番靚佢嫁啦~~
師父話 : 咁我宜家功夫就做咗啦
我問 : 咁係咪要平d啊, 你都無移開成個坐廁
師父答 : hkd$1100 唔係我收嫁, 你公司收嫁, 無得平啊, 你放心啦, 7日內包保養
我問 : 咁如果過咗7日先有問題咁點啊…??
師父答 : 唔會, 放心啦…..
最後, 我地都有照比 hkd$1100 個師父, 並要求師父留下聯絡電話 及 收據
我地由師父話通咗整完計, 等到晚上十二點, 先安心用個廁所, 但非常失望嫁係,
我男朋友用完個廁所到真正地沖廁先知道, 個廁所根本就 “無通過”, 根本就 “沖唔到”….!!!!
於是, 第二日 (2/5) 我上午致電給"勁達" 93044242, 說明昨晚既情況 及 結果, 職員聽完後, 又係話轉頭覆電話比我,
都係一樣, 我等咗兩個小時, 都係未有收到任何回覆, 所以我又再致電"勁達" 93044242, 他們既電話已經 “無人聽”,
之後我再試打了好幾次, 並按收據上的電話試打過, 所以電話都係飛咗去同一個 call台, 於是我再試下打比個師父, 點知個師父 “唔聽電話” / “電話接通後, 辦聽唔到, 唔出聲” / “睇到來電唔聽, 飛去call台”
直到晚上, 我同事見我咁慘就試下幫我打電話, 一樣打去"勁達" 93044242, 有個女職員接聽, 個女職員既回覆都係 “我查一查先, 十五分鐘後覆你”,
都你一樣, 過咗十五分鐘之後, 係無任何回覆, 於是我同事就幫我再致電"勁達" 93044242, 今次係個男職員接聽,
“佢就話, 個師父今日放假, 佢聽日中午十二點前一定會覆電話比你嫁喇, 放心……..!!!!!!"
等到今日(3/5)過咗中午十二點鐘, 都係無收到任何回覆, 於是我同事就再致電"勁達" 93044242, 結果係 “無人聽電話”, 之後就打比個師父, 結果都係一樣 “無人接聽”
我宜家都唔知點算好囉~~~
我估唔到一間咁大既公司, 又有網頁, 又有BLOG, 又係YAHOO買KEYWORDS, 做足曬網上宣傳,
做嘢可以咁不負責任, 錢就識收, 嘢就做唔到, 收完錢之後, 就無曬影
我仲要查到呢間 "勁達" 93044242
同下面嗰工個名係同一間公司, 可能會有更多, 大家要小心...........!!!!!!!!!!!
係 = 程記通渠服務工程公司 TEL : 36256064 / 51111690 FAX : 21173521
又 = 快捷通渠
都 = 文記 TEL : 91806857
http://chingkee.com/
大家如果有需要 "通渠" 的話, 而只係在網上搜尋見到以上 "公司" 及 "電話號碼" 的話, 千萬唔好覺得佢地 "好專業 " 咁
其實佢地一D都唔專業, 佢地只係會將你既電話號碼, SEND比周圍唔同既師父, 我真係唔知佢地係識邊樣, 係負責整D咩.....!!!!!!!!!
搵個唔識通渠既師父來幫你通渠, 最後通唔到, 錢照收, 仲要玩失縱........!!!!!!!!!
|
| 2012 年 4 月 18 日 星期三 |
LUX 黑鑽極致修護護髮霜體驗  |
分類: 護髮 |
黑鑽極致修護洗髮乳
黑鑽極致修護潤髮乳
黑鑽極致修護護髮霜
黑鑽極致修護免沖洗能量補充精華
我既頭髮好乾, 特別係髮尾部份, 經常都打結
洗髮乳, 我只係PUMP咗兩下, 就可以洗乾淨成個頭, 我平時都要PUMP 三下先足夠, 咁樣已經可以慳到錢...^-^
用完潤髮乳, 我已經FEEL到頭髮開始順滑
護髮霜, 佢既氣味令人好舒服, 但搽完之後, 要沖好耐水先洗得乾淨...>_<
補充精華, 最後到佢, 用完之後立即順滑, 唔打結, 而且唔會LUP
用完之後, 好舒服, 頭髮變得順滑, 有光澤, 仲有淡淡既香氣
總結：用完 "黑鑽極致修護系列" 之後, 我既頭髮明顯地順滑易梳, 柔軟而且有光澤, 頭髮變得容易控制, 頭頂唔會有咁多 "毛毛", 淡淡既香氣令人舒服, 只係需要4個STEP, 就可以令頭髮變得"乖乖" 聰話, 唔洗等到去 SALON, 係屋企都有呢個效果......最緊要係唔 LUP, 正~~~
|
| 2012 年 4 月 4 日 星期三 |
頭髮輕柔順滑 - DOVE 2 STEP 深層修護  |
分類: 護髮 |
好開心被 IMORE 抽中 "DOVE 絕密新護髮500人體驗團" 之 "第一擊: 百人初體驗 現場親身試"
因為係第一次, 所以你特別緊張... >_<
由於參加人數 "眾多", 所以大會都安排咗六個日期和時間 (如下):
日期及時間：
1) 2012 年 3 月 21 日 6:30pm - 8:30pm
2) 2012 年 3 月 21 日 8:30pm - 10:30pm
3) 2012 年 3 月 22 日 6:30pm - 8:30pm
4) 2012 年 3 月 22 日 8:30pm - 10:30pm
5) 2012 年 3 月 28 日 6:30pm - 8:30pm
6) 2012 年 3 月 28 日 8:30pm - 10:30pm
待我們容易在放工後參加活動, 真係好細心啊~~~
由於我放工既時間係 19:00P.M.又唔想等咁耐既關係, 仲要係港島區, 所以我係選擇咗第二場 (即是 21/3 20:30~22:30)\(^_^)/
因為舉辦地點 : 九龍尖沙咀富豪酒店 B217 O.H. HAIR SALON, 我搭港鐵去到尖沙咀站都仲要行約十分鐘路程, 行到我差點流汗
好彩...... 當晚我都可以趕到會場, 好彩無遲到炸, 哈哈~~
一去到 SALON 就先在接待處簽到, 然後 SALON 既職員就幫我換袍 (仲細心咁幫我掛起件外套添~~), 當 IMOER 既同事就為我安排坐位後, 再安排咗一支果汁和一件蛋糕給我 (件蛋糕仲好靚添啊~~ 我真係唔捨得食, 到最後都係無食到, hehe~~), 真的很細心噢...!!!
因為剛下班趕到會場就已經好口渴, 又攰, 而且在場無一個人我係認識既, 真是令我非常緊張.......!!!!!!!!!
講番 DOVE 2 STEP TREATMENT 先, 呢個TREATMENT係以 “先修護, 後鎖水” 既原理來令頭髮更健康, 更順滑……!!!!
只需要用一次, 效果就可以 KEEP 到一個星期, 而且用法簡單, 又唔會浪費時間, 最緊要係 “價錢相宜”, 值得一試。
一盒有8支, STEP 1 和 STEP 2 各四支, STEP 1 係 15ML, STEP 2 係 5ML, 睇落細細支, 但以我頭髮既長度…… 我諗我可以一 SET 用兩至三次……!!!
STEP 1 : 含『髮絲纖維修護』因子, 能深入髮芯, 幫助補充秀髮養分。
STEP 2 : DOVE修護鎖科技的精華素, 能有效鎖住修護成分, 展現髮絲光采, 令秀髮順滑不打結。
我地係分開三組 (應該係…), 而我就係第一組, 首先我地去洗頭, 洗乾淨D頭髮之後, 就由SALON既專業髮型師係無滴水既濕頭髮上幫我搽上 “STEP 1 髮絲纖維修護”, 由髮身搽至髮尾 (避免搽到髮根), 然後在髮絲上輕輕按摩, 按完之後等三分鐘, 再去洗乾淨D頭髮, 並用毛巾 “輕輕” 擦至半乾……
跟住在半乾既髮絲上搽上 “STEP 2 DOVE修護鎖科技的精華素”, 同樣只係搽髮身至髮尾, 都係 (避免搽到髮根), 之後無須沖洗, 直接吹乾頭髮 及 SET 頭, 就OK嫁喇~~~
之後, 就坐定定留心咁睇住頭髮造型既示範 和 留心咁聽住今季髮型既潮流, 仲有今季會流行D咩顏色配搭…… 等等~~
一星期之後, 我既頭髮都好柔順, 只係髮尾位置開始有少少打結。
 新產品既介紹
 大會安排既果汁 (係西柚味...酸酸甜甜...正...!!!), 飲完醒神曬 ^_^
 IMORE 編輯在詳細地講解新產品既用法和效果
 分組貼紙...
 完成咗 STEP 1 & STEP 2, 等吹頭......
 個頭吹咗好耐... 終於吹完... 眼見件蛋糕咁靚, 忍唔住幫佢同自己影番張相
 DAVE 2 STEP TREATMENT - 正面
 DAVE 2 STEP TREATMENT - 背面
有詳盡既說明 和 用法
 DAVE 2 STEP TREATMENT - 1盒有4SET, 共8支
 DAVE 2 STEP TREATMENT - 咪睇佢細細支, 分分鐘可以用兩至三次, 咁要睇你D頭髮有幾長喇~~~~
|
| 布吉 3日2夜 package |
分類: 去旅行 |
我想去布吉 hea 幾日,
今年既 4月5日 ~ 4月7日
人數 : 3~4人
邊間航空公司 : 舒服就ok, 因為要坐三個幾鐘, 最好係早機去, 黃昏機返
邊間酒店 : 最好可以幾個人住係同一間房, 可以的話, 係房行出去就可以落水
有無一d 潛水 plan 介紹, 可以的話有證書就好
有咩好玩 / 好食 / 好飲 既地方, 介紹下
請各位幫忙介紹一下, 或者有咩平既 package 都可以介紹下比我呀~~~~
唔該..... |
2012 年 2 月 7 日 星期二  |
| 龍年春茗 之 夜上海 |
分類: WORK |
 昨晚公司灣仔譽宴道食龍年春茗，主題係 "夜上海" ，所有同事分成六組，
分別要扮 交際花 / 大老闆 / 歌女 / 歌舞團 / 斧頭幫 / 警察，
而我地office係抽中左扮 "交際花"，一開始抽中既時候, 我真係有d "灰"......!!!
因為扮交際花其實都 幾花費, 每組得嗰 $400蚊 贊助, 根本無可能夠用, 雖然都預咗, 但我地都會盡力去扮...!!!!
不過, 好彩... 
全公司只有 兩個男同事都係我嗰組  ，所以將佢兩個妝扮得 "美艷"![[花心]](http://img.t.sinajs.cn/t35/style/images/common/face/ext/normal/8c/hsa_org.gif "[花心]") d，我地其實已經唔洗 "書"，
淨係 "小蠢" 和 "小gil gil" 都已經足夠笑成晚  , 哈哈~~
可惜我 唔可以upload d 相上來同大家 分享一下.....!!!!
由於人手 有限既關係，所以司儀 同 禮物小姐都係我地 自己做番，成晚不停地 走來走去, 不停地抽禮物獎, 不停地抽bingo,
d 禮物抽曬之後, 又抽 現金獎, 到現金抽曬既時候, 又要求加碼再抽, 抽完 第一次加碼之後,
全場人高呼話 "唔夠喉" 要求第二次加碼...... 
總之成晚就 好忙... 係道 抽啊~~ 抽啊~~
所以一整晚都無咩點 食過野![[抓狂]](http://img.t.sinajs.cn/t35/style/images/common/face/ext/normal/62/crazya_org.gif "[抓狂]") ，但唔知點解成個餐有 十幾道菜，
晚上8點半 開始上菜，十點十五分可以 玩完，而且係個個換番自己d衫，埋單 走人![[汗]](http://img.t.sinajs.cn/t35/style/images/common/face/ext/normal/24/sweata_org.gif "[汗]") ，
d菜已經 唔係上得快，都可以 咁早走得，真係一個 "迷"。。。
結果... 我返到屋企附近再要買燒賣同牛肉球來食... |
| 2012 年 2 月 1 日 星期三 |
團購 - 香港拉手網 - 退款 (HELP~~~) - 3  |
分類: 生活 |
續前日好不容易先 "打得通" 比呢個團購網.......
佢地前日既回覆係... 退款時間要兩至四星期, 會用e-mail 覆番我...!!!
昨天....我等了一整天都沒有收到任何回覆既郵件.........
真的很奇怪....
我上午已經收到 "香港傳藝中心" 既來電.....!!!!
話通知我有班可以上堂, 但係又無講清楚 "日期" 和 "時間",
上邊一堂 (因為我當初係報咗四個不同的語言, 是日文 / 韓文 / 德文 / 西班牙文),
總之係一個完成零交代既電話,
之後, 下午又收到佢地既來電 (其實係收咗兩至三次, 來電既次數由如食藥般...)
我聽佢講到... 連我自己都 "頂唔順" 既時候,
我就同佢講 : 我已經向團購網嗰邊申請咗 "退款",
跟住佢地既反應都係一 "舊" 雲咁.......!!!!!!
好正常, 佢地之後既問題係 (我相信大家都會估到~~~)
無錯~~~~ 就係......
吓~~ 點解啊...!!! 原因係咩啊....!!!!
大家又估下我點答佢.....
無錯.... 都係一個好理直氣壯, 而係好正常既答案
我答 : 我唔想咁麻啊~~ 明明確認好曬 D 日期 和 時間, 你地又要延遲, 延遲又要延幾次, 等咗咁耐都收唔到回覆, 所以取消曬佢囉.....!!!!
傳藝 (女職員) : 佢仲好似聽唔明咁, 又問 : 咁我地宜家有堂上喎, 我地只係日文班有問題炸...
我又答佢 : 我唔理你邊班呀~~ 當初係你地話 "順延", 總之我宜家已經同團購公司嗰邊確認了 "退款"
我心諗......真係唔知佢地係點樣同呢間團購公司溝通的....!!!!
其實由我係 "香港手拉網" 道睇到有語言課程可以 "平平地" 報讀嗰陣, 團購網上顯示的日期都已經係錯,
就連 "香港傳藝中心" 自己都唔知道, 都係我打去團購網道叫人幫佢地更正番,
之後團購網就幫佢地延長個團購期, 佢地仲好似唔知道發生咩事咁.....!!!!!!
到今朝, 我又試圖上午打電話去呢個團購網, 好正常....都係 "打唔通" 既........!!!!!!!
之後我再係中午 "試打"... 今次終於打得通, 而係有人聽電話喇~~~~
我都係問同一個問題.... 點解我仲未收到你們既電郵回覆...??
今次接電話個女仔... 同樣 "唔知道發生咩事",
所以我又要講一次, 之後個女仔答我 : 通常電郵回覆要三日喎....!!!!
我 : 前日你個同事無講過喎, 只係講信用卡 "退款" 要兩至四星期炸...!!!
女仔 : 可能佢比較忙....!!!!
我 : 我唔理呀~~ 咁你地會幾時先 SEND 個 E-MAIL 過來回覆.....??
女仔 : 咁我 SEND E-MAIL 覆你啦~~
我 : 咁姐係幾時覆啊....??
女仔 : 一陣.....!!!!
過咗兩個鐘後, 我終於收到佢地用 E-MAIL 既退款回覆喇~~~
宜家維有 "等~~", 等兩至四個星期啦~~~~
希望真係會收得番D MONEY 啦~~~~
|
團購 - 香港拉手網 - 退款 (HELP~~~) - 3  |
分類: 未分類 |
續前日好不容易先 "打得通" 比呢個團購網.......
佢地前日既回覆係... 退款時間要兩至四星期, 會用e-mail 覆番我...!!!
昨天....我等了一整天都沒有收到任何回覆既郵件.........
真的很奇怪....
我上午已經收到 "香港傳藝中心" 既來電.....!!!!
話通知我有班可以上堂, 但係又無講清楚 "日期" 和 "時間",
上邊一堂 (因為我當初係報咗四個不同的語言, 是日文 / 韓文 / 德文 / 西班牙文),
總之係一個完成零交代既電話,
之後, 下午又收到佢地既來電 (其實係收咗兩至三次, 來電既次數由如食藥般...)
我聽佢講到... 連我自己都 "頂唔順" 既時候,
我就同佢講 : 我已經向團購網嗰邊申請咗 "退款",
跟住佢地既反應都係一 "舊" 雲咁.......!!!!!!
好正常, 佢地之後既問題係 (我相信大家都會估到~~~)
無錯~~~~ 就係......
吓~~ 點解啊...!!! 原因係咩啊....!!!!
大家又估下我點答佢.....
無錯.... 都係一個好理直氣壯, 而係好正常既答案
我答 : 我唔想咁麻啊~~ 明明確認好曬 D 日期 和 時間, 你地又要延遲, 延遲又要延幾次, 等咗咁耐都收唔到回覆, 所以取消曬佢囉.....!!!!
傳藝 (女職員) : 佢仲好似聽唔明咁, 又問 : 咁我地宜家有堂上喎, 我地只係日文班有問題炸...
我又答佢 : 我唔理你邊班呀~~ 當初係你地話 "順延", 總之我宜家已經同團購公司嗰邊確認了 "退款"
我心諗......真係唔知佢地係點樣同呢間團購公司溝通的....!!!!
其實由我係 "香港手拉網" 道睇到有語言課程可以 "平平地" 報讀嗰陣, 團購網上顯示的日期都已經係錯,
就連 "香港傳藝中心" 自己都唔知道, 都係我打去團購網道叫人幫佢地更正番,
之後團購網就幫佢地延長個團購期, 佢地仲好似唔知道發生咩事咁.....!!!!!!
到今朝, 我又試圖上午打電話去呢個團購網, 好正常....都係 "打唔通" 既........!!!!!!!
之後我再係中午 "試打"... 今次終於打得通, 而係有人聽電話喇~~~~
我都係問同一個問題.... 點解我仲未收到你們既電郵回覆...??
今次接電話個女仔... 同樣 "唔知道發生咩事",
所以我又要講一次, 之後個女仔答我 : 通常電郵回覆要三日喎....!!!!
我 : 前日你個同事無講過喎, 只係講信用卡 "退款" 要兩至四星期炸...!!!
女仔 : 可能佢比較忙....!!!!
我 : 我唔理呀~~ 咁你地會幾時先 SEND 個 E-MAIL 過來回覆.....??
女仔 : 咁我 SEND E-MAIL 覆你啦~~
我 : 咁姐係幾時覆啊....??
女仔 : 一陣.....!!!!
過咗兩個鐘後, 我終於收到佢地用 E-MAIL 既退款回覆喇~~~
宜家維有 "等~~", 等兩至四個星期啦~~~~
希望真係會收得番D MONEY 啦~~~~ |
| 2012 年 1 月 30 日 星期一 |
團購 - 香港拉手網 - 退款 (HELP~~~) - 2  |
分類: 生活 |
魚......
剛剛又試下打多次, 今次終於有人聽....
但我覺得佢地都幾奇怪, 
首先, 係個男人聽電話,
(男人) : 喂~~ 你好, 香港拉手網 (係聽唔清楚佢講咩嫁~~ )
(我) : 我 send 咗個 e-mail 比你們, 係關於 "退款"
(男人) 就問 : 小姐, 咁你個 e-mail address 係...?? 
咁 (我) 照講啦~~
(happyyee***********) 啦~~~
(我) : 講完佢之後......
(男人) 就話等一等, 就 hold 起咗條線
(我) : 等~~ 等~~ 等~~ 等~~ 等~~ 等~~ 等咗一兩分鐘之後........ 有個女人聽電話
(女人) 又問 : 有咩幫到你...
根住 (我) 話, 下...  你剛剛有個 (男) 同事跟緊喎~~~
之後 (女人) 又問... 係咪關於退款既事......
(我) 係啊~~  你地個電話打咗好多次都無人聽, send e-mail 比你地又無人覆........!!!!!!!!!
(女人) 咁我 by e-mail 覆番你呀.... (想快快收線嗰隻~~ ),
(我) 問佢 : 下, 咁姐係點啊....!!!!
(女人) 咁你嗰陣係用咩方式付款...??
(我) 信用卡囉...
(女人) 咁我地係信用卡道退番d錢比你, 不過要等兩至四星期喎.....!!!!
(女人) 你有無問題.....??
(我) 無... (我心諗... 你地願比番錢我就一定無問題啦~~~)
係佢想收線之制...
(我) 咁你係咪會 e-mail 覆番我嫁....??
(女人) 係......!!!
咁就收咗線喇..............!!!!!!!!!
所以有時買團購呢d 噖麵幾煩麻.............
當你比錢 買既時候, 又驚被人騙.....
好喇~~~ 到你買咗 既時候, 又驚約唔到時間 or 確認唔到 或 攞唔到你買咗既嘢......!!!!!!!
已經確認咗之後, 又被嗰間公司延遲, 一拖再拖..... 唔知拖到幾時...!!!!!
之後到你 "開始擔心" 打電話去團購公司道, 每次都係直飛
"唔係留言", 而係... 唔好意思, 我地已經無位比你留言, 88"
我心諗... 唔係呀.... 咁 "斜"
好啦, 打電話...打咗好多次都 "打唔通" 既時候, 好彩仲有一條路, 就係 e-mail, 如果你唔覺得麻煩 的話.....
到你 send e-mail send 到 "心灰意冷" 都無人回覆既時候, 你已經真真正正 擔心 起來喇~~
究竟我係咪被人騙呢... 點算好呢... 點做好呢...
被呢隻 "不安" 既情緒影響底下, 如果你有 寫下 blog 都好d, 都可以寫下~~ 求救下~~~
但無寫 或者 唔寫 blog 既人又會點做呢.....??????
有咩方法去發洩 呢.....!!!!!!!!
|
| 團購 - 香港拉手網 - 退款 (HELP~~~) - 2 |
分類: 未分類 |
魚......
剛剛又試下打多次, 今次終於有人聽....
但我覺得佢地都幾奇怪,
首先, 係個男人聽電話,
(男人) : 喂~~ 你好, 香港拉手網 (係聽唔清楚佢講咩嫁~~)
(我) : 我 send 咗個 e-mail 比你們, 係關於 "退款"
(男人) 就問 : 小姐, 咁你個 e-mail address 係...??
咁 (我) 照講啦~~
(happyyee***********) 啦~~~
(我) : 講完佢之後......
(男人) 就話等一等, 就 hold 起咗條線
(我) : 等~~ 等~~ 等~~ 等~~ 等~~ 等~~ 等咗一兩分鐘之後........ 有個女人聽電話
(女人) 又問 : 有咩幫到你...
根住 (我) 話, 下... 你剛剛有個 (男) 同事跟緊喎~~~
之後 (女人) 又問... 係咪關於退款既事......
(我) 係啊~~ 你地個電話打咗好多次都無人聽, send e-mail 比你地又無人覆........!!!!!!!!!
(女人) 咁我 by e-mail 覆番你呀.... (想快快收線嗰隻~~),
(我) 問佢 : 下, 咁姐係點啊....!!!!
(女人) 咁你嗰陣係用咩方式付款...??
(我) 信用卡囉...
(女人) 咁我地係信用卡道退番d錢比你, 不過要等兩至四星期喎.....!!!!
(女人) 你有無問題.....??
(我) 無... (我心諗... 你地願比番錢我就一定無問題啦~~~)
係佢想收線之制...
(我) 咁你係咪會 e-mail 覆番我嫁....??
(女人) 係......!!!
咁就收咗線喇..............!!!!!!!!!
所以有時買團購呢d 噖麵幾煩麻.............
當你比錢 買既時候, 又驚被人騙.....
好喇~~~ 到你買咗 既時候, 又驚約唔到時間 or 確認唔到 或 攞唔到你買咗既嘢......!!!!!!!
已經確認咗之後, 又被嗰間公司延遲, 一拖再拖..... 唔知拖到幾時...!!!!!
之後到你 "開始擔心" 打電話去團購公司道, 每次都係直飛
"唔係留言", 而係... 唔好意思, 我地已經無位比你留言, 88"
我心諗... 唔係呀.... 咁 "斜"
好啦, 打電話...打咗好多次都 "打唔通" 既時候, 好彩仲有一條路, 就係 e-mail, 如果你唔覺得麻煩 的話.....
到你 send e-mail send 到 "心灰意冷" 都無人回覆既時候, 你已經真真正正 擔心 起來喇~~
究竟我係咪被人騙呢... 點算好呢... 點做好呢...
被呢隻 "不安" 既情緒影響底下, 如果你有 寫下 blog 都好d, 都可以寫下~~ 求救下~~~
但無寫 或者 唔寫 blog 既人又會點做呢.....??????
有咩方法去發洩 呢.....!!!!!!!! |
| 團購 - 香港拉手網 - 退款 (HELP~~~) |
分類: 生活 |
各位~~~ HELP.....!!!!!
本人於2011年在 "香港拉手網" 購買了 "香港傳藝中心外語課程" 之優惠卷, 是 日文 / 韓文 / 德文 / 西班牙文 各一張, 共 4張
每張價值是 HKD$250, 共HKD$1000,
原本已經確認了以下上堂日期及時間, 是中間第二和第三個,
但 "香港傳藝中心" 把上堂日期一拖再拖, 至今還未回覆幾時可以上堂, 最慘係, 優惠兌換期由2012年1月3日至2012年2月29日，逾期無效 ,
我本來是致電 "香港拉手網" 要求退款,
但一直都 "打唔通", 已經 SEND 咗兩次 E-MAIL 去呢個團購網, 但仲未有任何回覆,
原本諗住可以 "平平地" 學下嘢...增值下... 宜家好似攪到 "得不常失", 如果無期比我地呢D買咗團購既人咪宜接講囉,
唔好係咁拖呀~~~~~~ 拖到人地都唔記得有件咁既事,
最慘係.... 宜家只係要求 "退款" 姐, 好似 "退款無門" 咁.....!!!
點算啊~~~
請各位幫幫忙啊~~~ 唔該........
 |
| 2012 年 1 月 17 日 星期二 |
幹細胞是什麼....??  |
分類: 護膚 |
各位sis, 你地有無出現過一d問題... 
每朝訓醒去照鏡時, 都見自己面上的 蜘蛛網,
(即當皮膚 超乾燥時, 會出現的... 白色網紋  )
好似就快 甩皮 咁嗰隻呢....!!!!!
我就係一個好例子... 
成日都唔搽嘢, 又好少 full mask, 基本上係唔洗點見人都唔執下咁囉...... 
點講都係一個 "懶" 字 
最近, 我用緊一隻叫 豌豆幹細胞既serum (stem cell ampoule)
幹細胞...有無人知道幹細胞是什麼....??
有人知道就 回應下啦....啦!!!!
如果唔知道的話, 都唔緊要~~
可以睇睇下面張相, 因為太多字... 我都唔續隻字打番出來
請大家見諒!!!
宜家市面上, 都有好多同類既幹細胞產品, 不論動物 和 植物......都有...!!!
應該係話多到你唔信...... 
點解....
因為我試呢隻 豌豆幹細胞之前, 已經係其他美容院道試過 "什麼蘋果幹細胞",
但做完出來係 無效果囉...
最慘係... 我嗰陣係訓係張床道, 聽佢介紹嗰隻 "垃圾產品", 聽完佢講就知道係無用, 都想唔做嫁喇~~~
問佢仲有無其他介紹, 佢竟然同我講 "無囉"
嗰次真係迫住要做啦~~~
真係 "灰爆"
至於係邊間就唔多講喇.......!!!!!!
-------------------------------------------------------------------------------------------
但今次我用呢隻個感覺 同 效果又幾好喎~~~
想知道我點解咁講, 就睇睇我下既內容啦...!!!!
-------------------------------------------------------------------------------------------
呢隻 豌豆幹細胞既serum (stem cell ampoule)
單睇個包裝就已經知名佢好衛生同方便...
點解......??
大家睇下張相就知道我點解會咁講嫁喇~~
而且手按位仲印上了 "記號", 等你留意仲有幾多就用完, 又幾細心喎... 
唧出來既原液係 "無色" "無味", 個感覺就好似 "無添加" 一樣
佢係好容易推開, 一d 都唔 "痴笠笠"
呢隻係左手, 無搽到任何嘢 (係超級乾既左手, 係乾到我自己都頂唔順嗰隻)
呢隻係右手, 係剛剛搽完 豌豆幹細胞, 已經吸收曬
搽完之後, 係明顯地水潤, 皮膚立即見到有光澤, 而且仲滑咗,
可能係因為已經補咗水滋潤咗我乾旱既皮膚, 所以手上d 乾紋都係少咗
其實我上年去廈門旅行時, 已經試用過,
當時我只係帶了潔面乳 同 呢支 豌豆幹細胞, 就無帶到任何護膚產品 和 化妝品喇~~~
係廈門既天氣比現在香港更乾燥, 嗰四日我一洗完面就立即搽佢,
搽完好快就吸收曬, 而且面上既暗啞都無咗, 個感覺係成個面容都精神曬一樣
真係好想再計續用佢........
|
| 2011 年 11 月 24 日 星期四 |
期待25/11-28/11的廈門之旅  |
分類: 去旅行 |
真係好期待明天去廈門旅行...
不知道廈門這個地方是有什麼好玩好食呢~~~
不知道我們的領隊是不是 "靚女"呢
希望整團成員不是阿公/阿婆就好了... 
不過在出發前...
今天要在公司盡快完成手上的工作.....  |
| 2011 年 11 月 16 日 星期三 |
| 需要解決~~~~ |
分類: WORK |
最近公司真係忙, 一陣話要攪 open day for "shop A", 再過一陣話要攪 "EVENT",
跟住第二日又話要攪多一次 open day for "shop B", 實在有點令人 "流汗"
不過, 唔緊要, 我都會盡力去做, 因為呢份係我既 "工作", 但有時工作上的磨擦, 並不一定會產生出 "良好的火花",
如果大家與上一些喜歡發放負能量 / 喜歡野起事端 和 將一件事簡單複習化既人, 你們會點樣面對 和 會用咩方法去解決呢...???
請大家指教一下, 唔該.....!!!! 
|
2011 年 11 月 9 日 星期三  |
落雨天...總掛念從前...!!!  |
分類: WORK |
快d到25號就好喇...
點解, 因為我25號報咗團去海南島囉~~~
真係好想快d飛.... 如果可以飛咗去唔返來仲好添啊~~~
我發覺, 原來每日幹活既日子真係會令人 "悶透"
平日既時間都係用來返工, 放工既時候, 成個人都已經無心情去睇戲食飯...
星期六/日一出街就 "人迫人", 一係就 "人車爭路",
為咗令自己唔好亂洗錢既情況下, 我都係選擇 "唔出街為妙" 既方法
雖然呢個方法有 d d 唔係咁健康,
但都無計, 因為我仲未諗到其他方法
|
| 結婚~~ |
分類: 生活 |
昨天, 我收到一個來電...
係好日都唔會出現係我電話的一個來電,
當時, 我左手忙於打馬吊, 右手就聽電話, 噢~~ 原來係我一個中學同學, 唔知佢有咩事想搵我幫忙呢...
因為我 d 朋友 or 同學一係就唔搵我, 但每次搵親我都會係有事發生, 不論係好 or 唔好, 開心 or 唔開心,
不過, 今次係一件好開心既事, 因為我同學阿招會於九月份結婚......^_^
原來佢打比我... 係想我幫忙找人出席佢既晚宴 & 幫忙搵另一位同學做姊妹......
聽完佢個消息後, 我局馬吊就出沖喇...... >_<
所以大家打馬吊時, 唔好分心講電話...... >_<
|
| 2011 年 5 月 16 日 星期一 |
| "厚粉" 或 "厚妝" 唔一定傾倒異性...?? |
分類: 未分類 |
我真係唔信D男人會鍾意...
佢身邊既女人化到個妝咁囉~~~
我諗佢一定係盲咗...
又或者係個環境燈光比較暗... 等等~~
因為在我身邊... 或我所認識既男性朋友中...
係一般情況下, 應該係冇一個男士會鍾意D "厚粉" 或 "厚妝" 既女士...
其實要傾倒異性或吸引到異性既注意...
唔一定要厚妝 / 厚粉先得囉...
只要你自己足滿自信, 有足夠既睡眠 既話...
就算唔化妝都一樣會有人追, 一樣會吸引到異性既注意嫁...
|
| 2011 年 5 月 11 日 星期三 |
復活重生篇  |
分類: 生活 |
復活節期間，我哋公司有d小裝修改動 (主要係改改個接待處同加多間房.....)，
咁老闆就襯機請哂全公司同事一齊去旅行，目的地係：芭堤雅 x 2days + 曼谷 x 3days
我哋先去咗芭堤雅玩水上活動，再落曼谷shopping。
芭堤雅真係一個度假勝地，d水上活動多得很，根本冇可能玩得哂！
eg:滑浪風帆、滑水、徒手潛水、水肺潛水、降落傘、香蕉船、海底漫步、水上電單車..........
我哋仲去咗騎大笨象、餵鯊魚、睇鱷魚........d跟團必做嘅行程！
仲去比魚仔啜腳仔，超乾淨，死皮無哂，滑∼滑！(頭3秒有d噁心，爭d頂唔住！)
而曼谷就係一個超•超•超•超塞車、塞人嘅地方！
不過shopping呢，就好方便嘞！
個Siam Paragon
大到呢......
裏面個超市同food hall 大概有10個City Super咁大.......
喪行....勁正！
佛寺都係呢個城市嘅特色
曼谷周街都有生果賣，
d Mango又甜又多汁， Juicy！！
曼谷雖然好繁華，但作為遊客，點都應該要爭取喺酒店Hea吓嘅時間！
飲吓嘢！又或者自製美味PIZZA！YumYumYummy~~~~
總括今次係一次又Hot又開心嘅旅程，大家都玩得好盡興！
好唔捨得5日行程話咁快就過咗，
回程嘅時候，仲有d傷感添
！
唔知下年去邊呢？希望下年嘅旅行都一樣咁正啦！
無論如何都多謝哂老闆
！
|
|
