昨晚公司灣仔譽宴道食龍年春茗，主題係 "夜上海"，所有同事分成六組，
分別要扮交際花 / 大老闆 / 歌女 / 歌舞團 / 斧頭幫 / 警察，
而我地office係抽中左扮"交際花"，一開始抽中既時候, 我真係有d "灰"......!!!

因為扮交際花其實都幾花費, 每組得嗰 $400蚊 贊助, 根本無可能夠用, 雖然都預咗, 但我地都會盡力去扮...!!!!

不過, 好彩...
全公司只有兩個男同事都係我嗰組，所以將佢兩個妝扮得"美艷"d，我地其實已經唔洗"書"，
淨係 "小蠢" 和 "小gil gil" 都已經足夠笑成晚, 哈哈~~
可惜我唔可以upload d 相上來同大家分享一下.....!!!!

由於人手有限既關係，所以司儀 同 禮物小姐都係我地自己做番，成晚不停地走來走去, 不停地抽禮物獎, 不停地抽bingo, 
d 禮物抽曬之後, 又抽現金獎, 到現金抽曬既時候, 又要求加碼再抽, 抽完第一次加碼之後,
全場人高呼話 "唔夠喉" 要求第二次加碼......
總之成晚就好忙... 係道抽啊~~ 抽啊~~

所以一整晚都無咩點食過野，但唔知點解成個餐有十幾道菜，
晚上8點半開始上菜，十點十五分可以玩完，而且係個個換番自己d衫，埋單走人，
d菜已經唔係上得快，都可以咁早走得，真係一個 "迷"。。。

結果... 我返到屋企附近再要買燒賣同牛肉球來食...