今日 因為796 的關係 我又再次跟佢去教會
至於原因當然係陪佢去音樂會吧
先說說下午的教會
今日題目俾上次簡單 好似係講福音
不過就唔好問我講咩了 我都係聽 d 唔聽 d
無真係好想去明既打算
好快完結呢種討論 又到一d 講近況時間
難得地 我竟然好多野講 諗起都覺得自己好勁 嘿嘿
當中其實最無聊果個係我 我話我差唔多成個禮拜都留係屋企
對電腦對到好悶咁 日日都好無聊
當然呢種講法係好易令在場人士羨慕 但我都係講事實姐
之後夜晚就跟大隊聽音樂會 呢個音樂會都幾好嫁
又唔會悶啦 又有得聽王祖藍分享 仲有佢真人唱歌都真係幾好聽啵
途中仲有些少時間令我有多少感受 感動
哈 我不是因為宗教而感動 純粹係d 歌令人感動
我想講既係 聽果刻 我個心係無任何回顧的 姐係我無諗野
不論以前 現在 未來 我都無諗 至少果刻係
好可能你會問我感動d 咩 呢層我都答你唔到
我最後選擇既答案係 我內心有好多好多個結 只係我成日都唔理
我可能有時係自己好辛苦 我係選擇性唔理
亦都可能 係我人生 人際間既一d 依賴 我感覺到愈來愈薄弱
而我選擇處理既方法 係自我解決 自立一下
原因可能有好多 例如話這個要拍拖 唔好阻住佢
那個已經夠忙 煩不得
那個和那個 相處的形式已經改變等等
通常黎講 呢d情況 都會令我自己解決好多好多既事 然後獨留 "辛苦" 同 "唔開心" 係個心度
由得佢地 唔理佢地
然後事情忘記了 可能會記得當中的苦 但就已經失去左分享的方法 連最基本的起因 亦分享唔到了
看來 呢種情況只會一直咁持續落去 沒可能解決
畢竟 隨著年紀漸大 我溝通既能力亦開始下降了
音樂會完左之後 就去左同796 及一位新認識的小姐食飯
當然 呢位小姐既事跡其實我一早就聽唔少 不過都係第一次見真人 當然我亦估佢知道我好多野
只係估唔到第一次見就一齊食飯姐
估唔到既野仲有既 就係無啦啦俾796 令我要同呢位新識既小姐講我以前既野
拜796 所賜吧 令佢成為我第一個一d 都唔熟悉 但又要講野佢聽既人
說實在 諗諗下 我身邊有好多人知道我一d 中學往事
但由我自己親口分享講哂既 我都諗唔到有咩人 呢位小姐都算係第一個了 極有可能係唯一一個
哈 其實好絕大多數既原因係 身邊既人多數比我多野講 什至係知道我既野比我自己仲清楚
加上我生性文靜 向來沉默寡言 唔識表達自己之過吧
說回分享 唔講都唔知原來自己忘記既野真係好多好多 其實時間真係會改變一切
只係每次回憶果陣 都只係留意到或者記住果個好重點既心情
先忽略左 其實自己亦係不斷咁將當中既心情 唔開心或者開心既事 都一一遺忘吧
嗯 呢樣野人皆有之 我一向說 記憶雖然最重要 卻不是最重要
至於什麼先係最最要 人人唔同 係咩就自己諗吧
|
