風雨同路iii

走在風中今天陽光 突然好溫柔
即使到最後你還是看不清
我們的緣份*
這一刻並沒什麼需要一樣
朋友: 沒有對 沒有錯 ,,, 無論如何我們都會在
今日一起身就見到天氣好好, 藍藍的天(#)
很開心 大家休息1陣, 我地黎緊再gogogo!

馬交之旅 - part3



上次講到我地向各富豪酒店進發,,,.
不過係碼頭度搵唔到接駁巴士所以我地依舊都係搭的士
我地已經去到搭的士可以分開男女2架, 唔使再有1個男仔去磅住的地步
係等緊的士既時候,, 前面有1班高高的男人-v-
係無論外表定內裡都好韓國人的韓國人,,, 令我想起我們的那句"'核字媽!""
好,, 去到hotel之後. 我地同人渣佢地扮唔識 為的係唔好人知我地6個1間房
係lobby的時候. 那位姐姐的態度真是那個...
而我地發現左下次男仔負責對付女的, 而女仔就負責對付男的,,
最終我地都順利上到房
上次我們是rm 2220,,今次我們是rm 1110,,, 哩ｄ咪就係整定架囉
一入到間房, 完全就俾間房的浴室吸引了. 大玻璃,,,呵呵
當大家係度諗住等陣點樣沖涼之際, 壞人就衝左入去示範落窗簾
車! 仲以為會有野睇tim= =;  然後大家收拾一下行裝又再出發lu
向我地既晚餐進發,,,,. 地區依舊都係新馬路附近
雨依舊落得很大 我地都係2個人1把遮 岩岩好的
去到首先同佢地買當晚用黎替換既衫, 然後就 尋找晚餐的地點
係途中cy話左俾筆者聽一個驚天大秘筆.. 原來......
發現左成員中2人的性取向, 哎,,,, 點解哩 .
大家都小心翼翼的, 因為都俾中午既果間日本野嚇親了
最後決定了1間叫左 [ 蕃茄屋 ]的東西,
蕃茄蕃茄,不過我地沒有點蕃茄的菜,, 因為筆者不吃蕃茄
有: 阿里巴巴雞, 薯蓉忌廉焗龍利柳, 葡汁豬頸肉, 芥末燒羊腰
都唔錯架, 幾好食, 尤其係阿里巴巴雞
食飽飽後大家就向手信街進發, 筆者掃左好多好多-V-
我仲特登買左老公餅同老婆餅俾死基佬 & 另1伴
然後就去準備我地是日的宵夜,,,
1盒20隻的窩貼 & 令人會醉的珍珠奶茶/椰果奶茶
我地去埋好好好出名的雙皮奶店食雙皮奶 & 薑汁撞奶*
好似薑汁豆腐花既撞奶, 各位請記得唔飲奶的筆者食食哂成碗奶的,.
食完奶後我地就1齊番hotel了,,,,,
大家番到黎又排隊洗白白, 次序係 :
(永遠都係第1的) cy> maths> 筆者> 另1伴> 小文> (永遠都係最尾的) 死基佬
然後大家1路玩大老二一路食窩貼, 好好味哩=v=
不過另1伴佢就食唔到了, 因為佢一沖完涼已經訓著左
而死基佬係沖涼期間俾我地猛吹, 狂敲塊玻璃,,, 最終忍受唔住
掀起個簾舉起隻中指俾我地睇,,. 所以話做人最緊要係揸實隻中指是對的
係11點45分, maths說要小睡15mins*
大家休息完, 就係播完瞬間看地球既時候又開始我們的遊戲=> killer
首先我地1邊玩, 1邊討論什麼是壞男人跟壞女人
killer的懲罰就係彈額頭同耳仔, 然後演變成打手, 哩隻方法原來好考技巧
哩個遊戲實在太好玩喇
期間玩玩下死基佬說了1句 :oh! baby  而另1伴就說了1句: come on! baby
哩ｄ係咪可以叫做旁若無人orz 你地使唔使咁呀, 真係無眼睇
之後我地又玩左七級豬,, 今次做豬果個唔再係我.
哈,, 大家發覺最大的懲罰係俾人問問題
玩到4點幾5點,,,, 開始左另1個節目 .. 吹水
而是次吹水的內容係 [不能說的秘密] ,不過可以肯定既係奶茶係會醉人的
聊聊天* 令大家明醉&暗醉了,,, 放開了懷抱*
係咪可以用哩句:酒不醉人 人自醉
奶茶既威力仲大過夜媽媽自己一個聽陳奕迅
有時咁樣抒發下都係不錯的宣洩渠道,, 筆者都不知不覺咁醉了
醉醒既時候. 已經7點幾,,,. 梳洗完感覺好番好多
然後大家陸續起身,. 我地3個女人去幫死基佬吹乾佢對襪
點知死基佬知道左之後唔係多謝我地,
而係拎起佢同我地講:點解仲咁濕既? =.=
哼, 男人!!  死基佬佢完全無諗過佢原本對襪係有幾濕.\/. ,,
為左俾佢係度知道佢係不對的, 筆者要公開佢的 ......
哩個秘密就係係最尾果日筆者踢死基佬起身的時候,
有意同無意間突登令筆者同cy見到死基佬條unun係白色的
而因為昨晚大家不斷去買醉,
令到大家的紙源短缺, 去到個一發不可收拾的地步
呵呵,搞笑的就係小文果句: 去廁所柯s, 無廁紙-V-,, 好在我懸崖勒馬
果個4字成語最近被我地廣泛應用。
好, 大家準備好哂執好哂野,,, 十點幾就出發去港澳碼頭lu*
我地好似成班大鄉里咁搵唔到個閘口
等船的時候有個旅遊發展局的人黎做問卷調查
一上到船, 大家都好快訓著左 ,, 因為實在太攰了
到落船的時候, 因為好大浪,,, 個個行到好似飲醉酒咁
番到香港過完關,, 突然俾ｄ海關check我地=.=
問我地有冇帶煙帶酒,, 可能因為我地幾日都無乜點樣訓過
個個都唔夠訓, 前果晚又醉哂, 令個樣都殘到無人有
搞到好似成班人過大海係賭場賭左3日3夜, 輸哂$的垂頭喪氣look
到步之後大家就搵番個地方,食我地的早餐
食飽飽後, 就做番個旅程回顧*
然後就番屋企倒頭大睡, 而可憐的另1伴就要番hku教波&開會

澳門之行, 就是這樣完結了
我真係覺得好開心,,
有人講過: 去邊度, 做d乜, 都唔緊要
最緊要係同邊個去,同邊個做
今次既旅程可能有好多地方我地無去到
但我地一齊經歷左好多, 至少有風雨同路過*
感覺close了很多,,, 多謝你地 我的最佳損友系列=>
宜家諗番起/ 睇番我地的照片,
或者提番起某些詞語都會不自覺地會心微笑

 問君西遊何時還. 畏途巉巖不可攀

支籤內裡的意思應該係呢句了..我信呀祺~~

well...重點係幾時定性- -

 而我已經面對左~

暫時都算有定案嫁啦我~~

後著都算有的了~

大家不用擔心~

多謝各位朋友整年來的支持~

不想說傷心的話~

就此矣已~

 可唔可以再過得快d...

風雨同路ii

今天走走走走走, 去了不少地方
寶林>黃大仙>九龍灣>九龍塘>油麻地>旺角>將軍澳
hee*我都覺得我地勁, 今日既內容容後補上
等我打番之前剩抵既行程先-V- 如果唔係遲D實懶,會唔打架喇


馬交之旅 - part2

 

話逆係第1日玩完之後就訓左,,,
訓覺期間, 因為得3張被,,, 原本2人1張被係好公平..
但世界上就係充滿住ｄ鍾意爭被既人=.= 搞到我地其3位唔夠被
今次既勝利者係壞人, 小文 同埋maths*
由於maths訓覺既樣帶有殺氣, 所以筆者就算被佢搶哂ｄ被都唔敢還擊
而cy,唔好睇佢平時唔好恰既樣,,,.
原來佢係唔夠壞人爭.哎, 只因壞人太大份
除左cy之外,個個都好晏先起身, 最遲的係筆者用maths
係朦朧間筆者好似俾人用枕頭打同風筒襲擊, 用熱風吹我真變態
不過因為有起床氣的關係, 相信筆者係有還擊 ,,hee*
哈,, 大家因為糾纏得太耐. 最尾係miss左hotel既自助早餐
係再出發之前筆者又再次流鼻血= ="'''
而壞人再次係咁搽保濕, 佢更持著無太陽就唔使搽防曬的錯誤觀念
壞人呀壞人: 紫外線係無處不在的
12點幾checkout, 3號風球仲掛緊,,, lobby ｄ話仲未船開
原本想係酒店間大酒樓食, 最尾都係放棄了 向番新馬路的小街出發
出面仲係落緊好大雨.. 隻腳又濕了, 還好今次選擇踢拖到馬交
否則,, 筆者1定會炆爆. 心火盛上加盛
因為筆者真的超級不喜歡鞋入面入哂水仲要俾襪"業"住的感覺, 真的很差勁
我地冒住雨, 行行行,, 去尋找我們的午餐, 最尾入左1間叫x藏/藏x的日本野
不過, 佢真的不好吃 , 這1間沒有壽司的日式食店 ..
牛肉好硬, 滑蛋飯唔夠咸, 拉麵太咸, 餃子煎得太硬,,
最高質素的就是罐裝汽水同埋紙包飲品 =.=
食完lunch因為仲係好大雨, 放棄左氹仔的豬扒飽同埋葡tart計劃
大家都諗唔到去邊度好, 又唔想再日曬雨淋.. 最後決定去賭場-v-
金沙賭場gogogo, 因為好近所以我地揀左搭巴士
但係由車站行去賭場真的感覺上好路途遙遠,,
澳門的馬路係無交通燈的, 咁樣令我地覺得過馬路真係好危險
我地行行行行, 行到成身濕哂的. 原本仲擔心踢拖同短褲會唔俾入
但,, 俾佢check完身分證就入去了
一到步之後, 小文即刻搵電話亭想搵親戚求救,,
大家見識見識完哩個金沙賭場後就尋找地方謀殺時間
最後係m記搵到個舒服的角落,, 各人買左少少野食
小文同cy就去打電話問hotel仲有冇房
淨番果4隻野就係度玩下大老二, 輸剩4隻果ｄ要罰除衫架
然後, 就開始商討下3號風球究竟番唔番hk好哩
3號風球搭船好危險架, 媽媽係咁同筆者講架=>
加上筆者又唔識游水,, 你話識游先死都死得抵ｄ丫
hee* 不過其實心入面係諗住難得,不如玩多1日
同lokki認真地研究第2日究竟番唔番得切hku教波哩
最尾全體同員一致決定左番多1日 ''' 好野=V=
決定好之後,就拿拿臨去碼頭改上船既時間
因為走的時候, 行錯左另1個出口,,, 我地再次面臨風吹雨打
今次就真係十分的風雨同路,, 因為把遮都俾佢吹爛埋 orz..
大家索性連遮都唔用就咁行番去正門, 就係因為俾雨水淋
小文講左句: 我終於見到你有染到頭髲,,,
之後係大堂坐接駁巴士去碼頭,,
車廂中不斷係度播小文年代的經典金曲: 徐小鳳的.. 吹呀吹, 讓這風吹
好明顯較年輕的筆者係唔知哩首歌既歌名,,
仲有另1首就係筆者爸爸經常用黎卸膊的名曲: 舊夢不須記
類似係: 舊事也不須記 事過境遷以後不再提起 有時都幾岩丫
去到碼頭後我地分開男,女子組,, 男的去改船票, 女的去book酒店
經過澳門中旅社的姐姐介紹我地今次揀左富豪酒店* 加床只需$120
cy book緊之際, 筆者同maths去尋找男士門
上到售票處遠遠見到男士唔知點解呆企左係度=.=
原來改第2日的船飛要每張加$100轉做貴賓票先得, 所以佢地決定賣左佢
佢地係係度等陣人買佢地手上的6張船飛
hee* 而筆者去到之際, 諗住幫手搵人買,, 可能經過幾年的洗禮..
筆者真係變得越來越唔要面, 開始四處係售票處四出兜售門票
佢地聲稱筆者係5mins就賣哂ｄ飛... 十分成功
經cy所說:哩ｄ就係少女的魅力, 只不過係同呀婆比=.=
再買番第2日最早果班的船飛後, 大家就向碼頭不遠處的八伯伴
行過去八伯伴要經過果條亡命天橋, 行緊的時候真的十分淆底
因為行果陣, 地板係會沉落去, 有ｄ位仲見到入面d鋼筋 ..
有點搖搖欲墜的感覺, 驚心動魄得很 ,,我覺得好似隨時會跌落去
入到去八佰伴, 感覺上佢係馬交唯1的商場
1入到去,,, 首先就去搜尋童裝. 只因筆者著得落加加加一碼
然後當一眾女士想向ck進發的時候, 男士就即刻有意識地轉方向= =
hee* 大家最後都無收穫, 決定番酒店放抵ｄ野先算
所以大家再次行番果氣危橋,, 去番碼頭, 再向酒店進發!
gogogo*

宜家已經4點幾, 我真係用左2個鐘喇
所以我決定哩個馬交之旅再次....
待續


hee* 風神你真係黎得是時候