| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2007 年 11 月 11 日 星期日  |
| 今日有兩位屋企人生日 |
分類: 未分類 |
今日係我大家姐(魚頭) & Daddy(老爺)生日,不過Daddy係舊曆而魚頭就真係新曆生日,點都好祝兩位生日快樂,永遠都可以開開心心地過每一日
|
| 2007 年 11 月 10 日 星期六 |
| 無得踩單車 |
分類: 未分類 |
好開心咁等到放工入沙田join Him Him,Him爸,Him嫲食個 Tea後去踩單車,點知去到單車舖,才知沙田唔比踩家庭車,所以無得租...唉!好唔開心呀!,跟往Him爸話去大圍租,但因太晏所以又係無去...已經連續兩個星期無得去...今次去唔成又唔知要等幾時Him爸放星期六or日才有得去 |
| 2007 年 11 月 8 日 星期四 |
| 病未好 |
分類: 未分類 |
可憐嘅Him Him又病呀!其實都唔算又病而係由頭到尾都未完全好番晒一直拖住隻尾...不過今日病情重了點...又咳,又溜鼻水,又有痰,所以媽咪就同佢去睇第二個醫生...剛剛見到媽咪喂藥比Him Him食嘅時侯,佢合埋個口喊到七彩(小時候Him Him好乖好鍾意食藥嫁!)見到佢咁個心好唔舒服...不過食完佢又好開心咁走來走去......
瞓覺前媽咪同我講諗清楚Him Him讀幼稚園問題...其實我知大家都好關心我哋一家三口,他們每一個問題早在Him Him剛出世時我都有仔細考慮過,例如:上了幼稚園後可能會病多咗...這一點更令我頭痛,我諗足年幾都唔知點好......還有好多好多問題...有無需要咁早讀...有無作用...等等...
不過在我立場我好希望把我做到的就算我會辛苦一點或好辛苦我都係咁心自願,為Him Him做(不過我都知可能有人會話我如果你生多個又點呀!咁我會平均把我所有資源&愛心分給我兩個寶貝)可能係由細到大屋企又唔係好鬼有錢兄弟姊妹又有好幾個,想學多D嘢都會少機會, 所以我才會有這種想法......其實我知不但我一個,係每一個父母都想
點都好,多謝晒所有關心我哋嘅人...現在我都諗緊要點做... |
| 2007 年 11 月 5 日 星期一 |
| Him Him無事了! |
分類: 未分類 |
今日一早起身摸吓Him Him都係有D燒,所以同平時比都係無咁活躍,可能唔舒服,佢見到我差唔多要出門口,佢就要我抱,咁我抱咗佢一陣之後放佢落地,佢死都唔肯,摟住我要我抱,那一刻我真係好想再摟實佢抱緊佢,因為我知佢好想我留低陪佢,無奈我真係耍返工,所以我出門口時佢就喊咗幾句......晚上返到屋企知道Him Him已退燒了...真開心呀!......Him Him希望你能在天使看顧下健康成長,你唔好再病..... |
| 2007 年 11 月 4 日 星期日 |
| 發燒呀!... |
分類: 未分類 |
一早起身Him Him發燒 ......食咗兩次藥都無效,燒得利害咗由101.8F上升至102.2F..搞到佢全日眼濕濕,嘴紅卜卜,好嗲人,...到咗18:00佢瞓醒後,媽咪發覺佢高燒咗,咁我哋就同佢去咗睇醫生...去到診所探熱才知Him Him好高燒...103F真係好擔心...到我哋同佢去見醫生時,個醫生同佢睇喉嚨時佢一邊喊一邊捉醫生隻手唔比佢睇,之後聽肺佢喊得更利害好似比人打...當時我真係好心痛,唔想再比醫生聽,(但這是唔可能的)我不斷呵佢都係無用,佢都一路喊,我睇見佢咁我都好想摟住佢喊,不過我都忍住...睇完醫生食藥後諗住佢會好D,點知8點幾佢又嘔,嘔到Him Him成個人都驚驚地,唉!總之Him Him今日好可憐啦!
P.S 今日我才真真正正感受到作為一個母親看見自己嘅心肝寶貝有事,那一刻嘅心情係有幾痛,簡直想我代替佢,(可能Him Him由出世到現在都無咩病過,今次係最利害嘅一次,所以我到現在才體會到,希望唔算遲啦!)在往後我,老公&Him Him一定要更加愛錫我嘅父母&老爺,奶奶,因為佢哋事事為我哋擔憂又為我哋做了很多...Thankyou!
Him Him第一次學識用飲筒飲嘢! 好可憐呀!
 
|
| 2007 年 10 月 29 日 星期一 |
| 2007 年 10 月 18 日 星期四 |
| 生日快樂...老公 |
分類: 未分類 |
今日係老公生日,所以我哋決定一家三口&媽咪一齊去Ocean Park,不過我哋同一般年青人好唔同,我哋全日一樣機動遊戲都無玩, 唔係因Him Him細個,而係我太細膽咩都唔夠膽玩,所以大家齊齊唔玩,不過最搞笑係Him Him,當我抱佢去睇人哋玩過山車,點知佢睇度呆咗之後拍吓自己心口示意驚驚...笑死人啦!男仔咁無膽...還有..在看深海魚時,一見大魚就驚到彈開唔肯近睇...真係激死...不過最後我都可再一嘗跳樓機....(係兒童跳樓機),但我都係有點驚,坐我隔離嘅小妹妹不斷安慰我叫我唔使驚,佢上次坐我個位都唔驚好玩嫁...(諗起都有D搞笑)...6點我哋就走,因為今日玩得好開心&行咗一日所以一上巴士就全部瞓晒 Z.Z.Z.z..
之後晚一就一如以往又嚟甄氏宗親聯誼會(甄家上上下下都有出席)為老公&三叔(亞健)這對孖仔慶祝生日...
PS.生日快樂老公,不知不覺已同你慶祝了8年生日,真係多謝你8年來照顧和愛護,希望往後我哋一家都可以咁開心&快樂,呀!唔係希望而係一定會...
|
| 2007 年 10 月 11 日 星期四 |
| 2007 年 10 月 6 日 星期六 |
| 一家大細去唱K |
分類: 未分類 |
今日又喺我哋家庭日,不過今次好突別......就係同Em 姑姐,Daddy,媽咪,老公,Him Him,亞健&亞施一齊去唱k,聽落都有D搞笑...
 
|
| 2007 年 10 月 5 日 星期五 |
難忘探親團  |
分類: 未分類 |
返嚟啦! 今個探親團真辛苦又驚險, 不過最終都係開心嘅:
第一日: 原本打算一早起身搭早車上,點知太眼瞓,所以遲咗,跟住又同嫲嫲,Daddy,媽咪,姑姐,亞健,亞施佢哋飲茶,搞到要搭3:30pm班車,返到已經6:30pm...一落車我同老公諗住再打的去姨仔度...點知等極都無...一係有人,一係拒載...搞到我哋都唔知點算...唯有搭我最鍾意嘅人力車......排除萬難終於去到...姨仔落咗樓嚟接我哋&幫我手抱Him Him上去, 好乖嘅Him Him一見姨仔就肯比佢抱,無扭計...上到樓一開門已經有一隻好熱情嘅狗嚟歡迎我哋,初時我都怕Him Him會驚or隻狗會咬佢...點知佢哋一見如顧,好鬼老友...之後我哋同姨丈姨仔一齊去食飯,D嘢食好鬼好食,食到摟住個肚,可惜亞敏無去(因為約咗同學)......
 我個Friend
第二日: 我哋一家三口,姨仔&亞敏一齊去咗長隆個動物園玩(諗住比Him Him睇多D嘢,雖然十分熱和辛苦但見到Him Him咁開心都值得嘅, 不過個衰豬又發揮佢嘅本性...週圍同人Hi & 飛吻,搞到D姐姐鬼咁開心,還請糖比佢食,回程後就同姨丈,姨仔&亞敏一齊去食潮州嘢,好好食,食到十分飽......
第三日: 今日可以瞓遲D起身因為無咩行程, 只係姨仔和亞敏同我哋約咗舅公,舅婆,表姨佢哋一齊出嚟飲茶...跟住上咗舅公屋企坐吓...點知him him一上到去就好唔客氣咁走來走去,又入房...不久佢重(賴)咗屎,搞到全間屋嗅晒,於是舅婆就叫我同佢用花灑洗吓,搞到好似喺度沖涼咁,真失禮...搞掂晒之後...點知個衰仔唔夠一陣又(賴)過...真係激死我,跟住我就再先抱佢抹咗個Pat先...點知抹抹吓突然覺得有D唔對路,點解個身暖暖哋.....嘩!原來個衰仔喺我度(賴)尿激到我差D暈低...佢呀!(賴)到我衫又濕褲又濕,行出街人哋唔知以為係我(賴)尿, 好彩天氣十分熱好快就乾咗...之後再去姨仔佢哋間新屋,地方好寧靜,好似香港的私人大型屋苑,間屋雖然未裝修好,但個景觀OK!喺望會所&泳池,間屋比舊屋還要大一點,姨仔話下次返嚟可以同Him Him喺樓下游水...到咗夜晚我哋一齊去食小肥羊真係好鬼正,食到好飽呀! 唔知香港間係唔係都咁正呢?(我同老公都未食過香港間小肥羊)...
第四日: 因為約咗Daddy,媽咪, 亞健&亞施佢哋喺碧桂圓,所以我一早起身收拾行李,而Him Him就好似知道今日要同佢個friend say goodbye咁,一起身不停週圍找隻狗同佢玩,食完午飯後我哋都好依依不捨咁搭的士走人...車程都十分長要兩個多鐘頭才到...期間個司機建議我哋轉順德當地的士會熟路D,佢有D唔太熟,不過我哋無接受,因為這些地方我哋已經唔識,點會夠膽搭D不知明的士,於是就由佢照樣車我哋去,點知佢真係不但不太熟路,見到右邊有條路寫碧桂圓,我哋已叫佢入去試吓啱唔啱,點知佢怕會錯,走照行大路一直去,連打電話比亞施個亞爸, 都唔知我哋去咗邊, 司機唔識路又慌, 我哋連順德都未去過重慌...此時只有一路直去,我知再走就只會走遠咗, 但無辦法一路無得返回頭,心諗有D後悔嚟咗,現在只好聽天由命...嘩! 嘩! 嘩! 終於見到回旋處可以返轉頭了,真係開心到由個心大笑咗出嚟! 直到見到亞施個爸爸出嚟接我哋,嗰刻心情好似見到好耐無見嘅親人一樣,可能之前太慌...,同佢哋各人會合後,就再去會所食飯, 今餐一樣又好味又好飽...飯後個個返去開枱打麻雀,我都有玩一陣,初時輸咗小小,好彩最尾比我贏咗成世人第一次嘅位位十六蚊,不過成晚都唔知自己打咩!只係有師傅指點...
第五日: 飲過早茶,碌過寶齡球,再吃個九大鬼午餐個個飽到暈咁返去收拾行李走人...
就係咁完了我哋今個行程......
|
| 2007 年 9 月 30 日 星期日 |
| 三叔結婚 |
分類: 未分類 |
終於等到今日啦! 亞健同小新(伴郎)一早就起身預備去酒店接新娘,我就同媽咪化妝& 同Him Him刷牙洗面(好彩今日一整天會由二家姐幫手睇住Him Him真係辛苦晒呀!),之後我去set頭再返屋企等新郎&新娘返嚟....
中午飯後我就連忙去church幫手佈置......婚禮開始大家好安靜等待新娘進場,而Him Him就一早瞓咗,當一對新人喊住講到對雙方家人的感受時場面係最感動, 我見好多人都有喊,差點自己都喊...
晚上亞健安排咗一個最令很多女生羨慕的環節送比亞施--就係在300多位來賓面前獨唱咗首情歌送比亞施,由於亞施事前不知情,所以我哋個個見佢個樣超冧 ......事後媽咪都有問我羨唔羨慕...其實羨慕緊有D,不過現在老公又錫我,對我又細心,又聽我話,又關心我屋企人,又肯幫手做嘢(不過慢咗D),總之就好好好......啦!所以就算佢唔識做這些冧人嘅事,我都會覺得滿足,何況還有個寶貝仔呢! ....就係咁,安排了一年嘅婚事終於順利完成,大家都十分高興及疲倦哋回家了,而我,老公&Him Him就收拾心情明天返大陸玩及探親.... |
| 2007 年 9 月 29 日 星期六 |
| 好忙呀! & 細妹出世啦! |
分類: 未分類 |
今個星期十分忙 無時間寫Blog因為由今日開始放大假9日 , 所以工作上要清晒D嘢先得,而Him Him因媽咪(奶奶)要整理家中事務預備明天亞健&亞施結婚就去了幾日婆婆度......
今日各人心情都很緊張, Daddy就一放工去幫亞健&亞施攞衫,搞到好夜返 , 我就同媽咪再睇吓有咩預備,到咗晚上8:00突然收到大伯電話...嘩! 十分感謝天父 ...伯娘生了BB,母子平安,BB重7磅1-2,眼大大,肥肥白白...真係想快D見吓佢 |
| 2007 年 9 月 23 日 星期日 |
| 2007 年 9 月 22 日 星期六 |
| 2007 年 9 月 19 日 星期三 |
« | 14 | 15 | 16 | 17 | 18 | 19 | 20 | 21 | 22 | 23 | »
|
座喺度玩...真低錫
...不過可憐嘅我
因為昨晚康家怡上咗嚟我屋企,同佢爭攞Him Him個波玩互打時
,一個唔小心被佢個頭撞向我個頭
,痛到我入心入肺...後來起埋樓,
但原全唔知點解佢會無事
...唉!搞到我痛到今日成日個人呆呆滯滯
, 所以我一放工已立刻去旺角同老公會合再轉的士去港彎豪庭,
但都係遲咗D......
一去到已見有好多小朋友,
今日Bosco好靚仔又醒目,
可能就快生得......所以
原來未得住,只係溜了少少胎水......真係好心急