今日同cuttle 去左澳門一日遊  
我o地尋日去左買飛啦 ..
2個人差唔多要6百蚊來回

搭8點果班船
早左4個字就去到上環啦 ..
不過當我o地入閳果陣 ..
果個人話我o地遲左 =.=
要去後補排隊 ==
無奈啊 .. 明明易左o甘多都話我o地遲 .. 吹脹 ==''
不過最後都上到船 ..
去到澳門過埋關都差唔多9點半
跟住我o地就根據之前寫低既planning 去行澳門囉
首先, 我o地就去左南屏食早餐 ..
叫左個南屏三文治, 雙波蛋通粉 同埋一杯凍華田 
最後佢黎左個奶茶, anyway, 依杯奶茶超正, 好滑, 好香 @@ 
而個三文治整體上都幾好食既=), 通粉都普通左少少 @@
( 食左40蚊)

之後就繼續周圍行, 下一站就去左大三巴映左d 相, 不過真係好曬, 好熱 ..
搞到映相我開唔到隻眼 ==''' 
再之後就去左附近既澳門博物館睇野囉 =) 學生入場費為8蚊
入面好多野睇, 值得俾$入去睇的 ~ 起碼香港有d 都睇唔到的

睇完博物館之後就去到附近既鉅記睇下有咩手信買番屋企 ..
不過最後都冇買到任何一樣野

之後就去左附近既教堂, 同埋牛奶公司食左少少甜品, 我o地叫左個燉蛋 同埋 雜果雪糕 ..
一般啦 ~

食完就去左對面既澳門仁慈堂博物館睇野
果個負責人好搞野 ..
入黎睇下啦, 買左5蚊飛做下善事啦 @@
之後又主動同我o地映相, 勁搞野 ~ 

下一站就搭巴士去乙水 仔
去左龍環葡韻住宅式博物館 ..
果度有好多遊客呀 @@
部份都係講廣東話嫁 !!!
入面係講一d 有關 土生既葡萄牙人佢o地住既地方係點, 著d 乜野既衫等等 ...
之後就行左去官也街 睇野 ..
見到阿蘇果間 .. 勁多人排隊 .. 我自己就冇排到隊 =3=
因為實在太多人啦 ...
最後去左前面果間 食甜品 .. 買左個3色大菜糕 同埋解渴既飲品 ..

唉, 今日唔記得左去食葡撻 同豬排包呀 =3333333333=
勁灰啊 ~

到依家差唔多6點囉 ..
之後就出番去, & 去左音樂嘖泉同埋觀光塔睇景 ..
周圍都好舒服 @@
不過由於部相機冇電既關係 ... 最後都冇乜點影到相囉 ..

大約8點幾9點就返番去漁人碼頭果邊食晚飯,,,,
叫左個牛肉煲 同埋魚蛋麵 .. 正

食完晚飯, 今次既澳門都差唔多接近尾聲囉 ~
睇住時間, 就入左去漁人碼頭玩左一陣遊戲機 /\/\

搭11點船, 12點幾番到香港既上環囉 =)

呵, 今次係我自己第一次自由行咋 XD
下次要去第2度玩啊 @v@