生日快樂
雖然我係今日生日,但我覺得琴日先係我最開心的一日。
朝早的時候,同人地出去食早餐慶祝下生日,中午又有壽司食,超好食,果然出得廳堂入得廚房 !
到左晏就我就係屋企等著你地打俾我,因為我好想同你地一齊過生日。
我等到六點,我電話響了,我就好開心落樓下去,出去過我的生日之夜!!
你地話我今年過左16歲,要出去唱k。哈哈...係無問題的!
幾經辛苦,我地終於去到k房了,你地就一定要我開口先,第一首係陳綺晶的告訴我!
唱完後你地就攞出兩份禮物,一份係一盞我想要好耐的燈,另一樣係敷的眼膜,我好開心
收完後鬼馬的alan就扮曬野要去廁所,又話上面唔乾淨,要落大堂去,我真係又俾佢扼左落去,佢去完廁所後,
我地兩個就好白痴咁係到玩部擦鞋機,到我地上去,一打開門我就見到有生日蛋糕,同一份禮物係到,雖然crazy係到遮住我,
但我睇到,入到去,alan、crazy、rebecca、就開始唱生日歌,我好感動,亦開始知道岩先係佢地的鬼計,
哈哈,我哥陣真係不知所措,跟住係睇禮物裡面哥封信,我一路睇就一路喊,因為我覺得你地真係我最好的朋友,呢份友情好真摰,
你地猛叫我拆禮物,alan話係日本最新的魔方,我覺得好新奇,點知一打開,係一隻錶,係一隻我好想要的錶,
我當時又喊左出嚟,而且喊到好勁,鼻涕眼淚一齊離,我又再一次感動,呢一次喊左好耐,但我覺得好舒服,
我喊係我知你地為左我,花費好多,而且對我好好,我一定好好珍惜呢隻錶,所以我要等我地大家買左之後,
再一齊係呢間k房,再一齊戴起佢,因為咁可以代表我地之間的友誼,而且亦象徵時間,可以提醒你地無論去到邊,
到左特定的時間,就要番嚟呢到,我地四個要聚埋一齊再玩過。
到蛋糕啦,你地話個蛋糕爛曬,但我覺得唔緊要,就算爛成點我都要食,我都鐘意,呢個蛋糕係你地的心意,我知的!
跟住就猛咁影相,相中的我地都無咩變過,變的係我手中的蛋糕,可以發現一張比一張細,哈哈,因為影左好多張,
每一張我都咬一大啖,所以最後哥張就變成一口的蛋糕 !! 不過alan就攞呢D cream去整我地,結果梗係要還擊,
不過我地都淨係玩臉,因為可以洗得甩,呢個蛋糕非常好食,我食出你地的心意,食出你地對我的好,
所以我將我哥份完成食曬,真係好好食,係至今我食過最好味、最深刻印象的生日蛋糕。
跟住到唱歌,哈哈我地獨狂唱歌,由流行曲唱到老歌,再到兒歌都有,我地真你癲左,係間房裡面大叫大唱,
最後玩到11點15就走人。出到去做咩,我地係到將少少錢推來推去,因為我覺得呢個生日令你地太破費了。
我地番到澳門後,去左盛記食野,坐到12點時,你地又開始唱生日歌,因為真係到左我生日,呢一刻我更感動,
不過係呢到太多人,唔可以眼淚鼻涕一齊流 !!食完後因為想去廁所,所以去左alan家,聽佢同 "組員"傾計,
我地又係到傾計,不知不覺都玩到2點半,之後就番家,到最終,你地又係擺番錢係我到 ! 放心我有辦法俾番你地!
我的生日直至初三先同fd開始慶祝生日,因為之前我都係同屋企過,完全唔當生日係一回事,只係有野食有錢攞,
而家有左你地,我覺得好開心,我每一個生日都過得好充實,我亦好想陪你地過你地各人的生日。
你地話起初得哥盞燈,會覺得尷尬,但我覺得好興奮,因為係我想要,而且我好耐之前同你地講過一下,
你地都記得,又特登幫我上網訂,對於我嚟講,呢盞書燈的價值俾隻錶重貴,如果你地問我要俾番邊樣野俾你地,
我會選擇錶,最多到時我地四個等有錢一齊去買,咁我就會好開心,所以我一定要等埋你地買埋先戴。
下一年你地未必係澳門,但我仍然希望可以陪你地,你地六可以陪我過生日,因為我重想見你地好耐好耐,
我會一直等你地番嚟,到時真係真正的朋友聚會。我亦一定會去你地個畢業典禮,你地都一定要嚟睇我畢業 !!
多謝,多謝,俾我遇到你地幾個,令到我呢幾年都過得好開心,
雖然今後未必有你地,但我會努力讀書,等待大家畢業的事刻 !!
我琴晚其中一個心願:我希望我身邊好好的朋友,可以順利考到佢地自己理想的大學,
每一年都同要你地再一齊過生日!!
: To : 我最好的好朋友 ( Alan , Crazy , Rebecca )
by: celsa
  
|
